عجاج الرياض ..

[نسناس الهوى]

احتاروا الشيبان منهم يبارا = في ليلة ٍ يملى العجاج الغبارا
والشايب اللي يلتهي بالحضارا = ابرك من اللي في دلال ٍ يزله

[ابو صهيب]

مانيب ياطير السعد من توارى = عن ناضر اللي يدعون الشطارا
ابشر بعلم فيه عقلك يحارا = والعالم الله جاك مليون عله

[الطائر المهاجر]

مع دخلتك عاود علينا الغبارا = وصار الرياض بعجةٍ كالمظله
الظاهر ان دعاك روح خسارا = حتى المطر انحاش ماشفت ظله

[ابو صهيب]

ان كان خايف يالمهاجر ؛تواررا=في حجرتك في البيت مالك خيارا
والا فكوِِّع لابدٍ بالجحارا= ولاتشاءم بالرفيق وتمله

[الطائر المهاجر]

ان كان ودك عن رضا واختيارا = نروح انا وياك لاجمل ديارا
جو ربيعي وان بغيت الحبارا = كلش على شرع الولي دون خله

[ابو صهيب]

عندي عنود مثلها ما يجارى = ولاتساويها ديانا ويارا
ونجد العذية حرها والغبارا = أخَير عندي من بلاد مضله

[الطائر المهاجر]

من قال حنا جاهلين المسارا = ولا نبي بلدان فيه الكفارا
في ديرة فيها الظباء والمهارا = ودين قوي واضح كالنهارا
وحنا على الإسلام والشرع شارا = مثنى وثلاث ومن بغى الشرع دله

أشوف ناس بالقوافي تبارى = بالحجز حطوهم على الانتظارا
ياكبتن اوصلهم مصحة شهارا = شموا غبار وصابهم كل عله

[الطائر المهاجر]

ارحب ياناصر من رجال حرارا = الوضع شد وجذب فيه احتيارا
احاول اقنع صاحبي بالمسارا = يم الديار اللي بها دوى لعله
لكن اشوفه لايذ بالحذارا = يخاف يدرى به ضحى او نهارا
ويطرد ورى بيته على اختيارا= من اللي معه طول العمر مثل ظله

اسف للتاخير لوجود ظرف طاري .

عمار يادار الحبيبه عمارا = دار بها الوجه الحسن والخضارا
لكن رفيقك ماعقب خشم قارا = بعض العرب دايم يراوح محله