مصافحه اولى الى قلوبكم(ودي اعاتب غيبتك)

[عيدالماجد]

الله عليك وش هالابداع ماشالله حروف من ذهب مليون صح لسانك رائعه من شاعر رائع بكل المقاييس

[محمد بن عمار]

	السلام عليكم هلا وغلا اخوي الفاضل / محمد مرحبا بك في محلك وبين اخوانك حياك مولاك وياهلا بالمدعو والداعي سعدنا بتواجدك بيننا ومشاركتك لنا صح لسانك وجاد بيانك مع اطيب تحياتي اخوك / محمد بن عمار

[محمد مطلق الجربا]

الاخ كونقرس العتيبي

منور يالطيب لاهان حضور العذب

اجمل سلام واتم احترام لسموك

[عمر ال شيبي]

صح لسانك ونعود للجمال وروحك العذبه

[عبدالعزيز ابراهيم المنصور]

محمد الجربا
لافض فوك ولاهنت
نص رائع
دمت بخير

[محمد مطلق الجربا]

الا منيع

منور يالغالي لاهنت ولا هان حضورك الانيق

دمت من الله بكل خير

احترامي وسلامي

[محمد مطلق الجربا]

الاخ عمر الشيبي

منور يالغالي لاهنت

كل الاحترام والتقدير لسموك الكريم على تعطير متصفحي المتواضع


اخوك محمد

[النهج المختلف]

المشاركة الأصلية كتبت بواسطة محمد مطلق الجربا

بدايةً احب ان اتقدم بالشكر الجزيل الى الاخ الكريم والشاعر الرائع عبد العزيز البليهد

الذي دعاني الى هذا الصرح الجميل الراقي بما فيه وبمن فيه

اتمنى ان اكون بمستوا ذائقتكم الراقيه اخوكم محمد مطلق الجربا

تعبت اطالع في تجاعيد الابواب=الين افتح للعنا كل بابي
بعثرت ايامي على ابواب غياب=حتى ذرا ريح الزمن من شبابي
وانا عزاي من الاسا عضة الناب=ماغير كفي يصبر لهم نابي
كل ثانيه ترمي على الروح مخلاب=الين كل جسمي وهن ياعذابي
فصلت من صبري على قدي ثياب=شف كيف سملت بنتضارك ثيابي
اموت واحيا واحترق دون شباب=ولا يخفف غير دمعي مصابي
ما شفت شمع(ن) يحترق دون ما ذاب=هذا الذي والله دونك جرابي
قلبت ديوان الرفاقه والاحباب=دونك ولا غير المواجع صحابي
الموت فصل لي من الضيق جلباب=والضيق حطم بالالم كل مابي
والياس يمطر داخلي وانبت اعشاب=متشابك(ن) شوكه شقا ياغيابي
عامين قلبي ينفض الدم مرتاب=مليار ليه ولا حضت في جوابي
عامين دمعي كل ما اجففه راب=حتى غدى شوفي يشابه سرابي
عامين ما والله ضحك حبر بكتاب=غير يتغزل في مراري شرابي
عامين ودموع الرجا تنثر اهداب=الين جفني في خريفه سرابي
ودي اعاتب غيبتك اكبر عتاب=بس التعب ما عاد يمهل عتابي
تعال شفني للوهن قاعة احزاب=كل داء بالدنيا حبيبي دوابي
اخذ عليك من السهر كل مشعاب=الين كل ضاري بليلي ضرابي
وافز مع فجري على كل مرقاب=ارقب وضيق من المراقب رقابي
دونت ديوانك على صفحة تراب=ما عاد غير وجوه قاعي كتابي
الين صار محمد كتاب الاغراب=كل من فقد مثلي حبيب(ن) قرا بي
وش جاب قلي منك الحض وش جاب=شتان ما بين الجفا والوفا بي
رح لا تجي ما عاد في عمري حساب=كنت انطرك لين انتضاري غدا بي

محمد مطلق الجربا صح السانك ، ،

على القصيدة الرائعة يا مبدع ، ،

الله الله
شعور رائع يترجم احساس عذب وراقي ، ،

سعدنا كثيرنا بتواجدك في منتدى ، ،

لاهنت يامحمد والله يعطيك العافية ، ،

تحياتي وتقديري ، ،

[سعيد الصاعدي]

الاخ الفاضل / محمد مطلق الجربا
حياك الله بين اهلكـ وناسكـ
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[حي الضمير]

والياس يمطر داخلي وانبت اعشـاب

متشابك(ن) شوكـه شقـا ياغيابـي

رائع
دمت بخير