نادوا الدكتـــــــور ياللي تعرفونه

[الطائر المهاجر]

بان لك علمي ترى ادري كنونه = لاتحزم في حزام تنسله
قاضي قازه ولا ينطح خشونه = اتركه عنك بدرب الحنشله

[الطائر المهاجر]

موترك خبط وتنشق من دخونه = اشتر السيكل بظهرك تحمله
سايق تعبان ما يدري فنونه = لو ركب صاروخ جته القنبله

قافك مكرر ولاعندك مرونه=ماتعرف الا تردد حنشله
بيت شعرك شاب واثقلته ديونه=والتردد بالقوافي مهزله

[الطائر المهاجر]

شايفٍ شوفك واظن بك الصخونه = ارجع وصحح لشعرك وعبله
كانني كررت في شعرك لحونه = عدل المايل وليا تفتله

[عبدالله الشويمان]

كان فيه الضغط لا لا تزعلونه=وسكره بشوي مر إن نزله
الله انه يجعل الصحه سكونه=شايبٍ قاضي ضعيفٍ معوله

امتهنت الشعر تاطا في بطونه=كل عشٍ بالقوافي تنخله
اركد اركد كل شيٍ في حتونه=بالتاني كل شيٍ تشمله

[عبدالله الشويمان]

هههههههههههههههههههه

المشاركة الأصلية كتبت بواسطة عبدالله الشويمان

كان فيه الضغط لا لا تزعلونه=وسكره بشوي مر إن نزله
الله انه يجعل الصحه سكونه=شايبٍ قاضي ضعيفٍ معوله

هههههههههههههههههههههههههههههه هههههههههههههههههههههه

ابو شويمان


لاهنت

وصح لساااااااانك

[الطائر المهاجر]

خادع مخدوع يا عود الرعونه = لا توهق بالهنود وبنقله
سرع مايقلب على اللي يتبعونه = وش تبي به خل عنك البهذله

[الطائر المهاجر]

وانخلك ياطير برمان بعهونه = وش بقى بك غير صوت الدخله
لا جناح ولا خوافي او زقونه = منتهي من امس بابك واقفله