موتري السكراب

[ابراهيم عبدالحميد]

مرزوق الصواغ

كلمات و معانى قمه فى الرقى و الإبداع
سلمت يداك و دمت لنا

[حي الضمير]

الشاعر مرزوق
ابيات رائعه
صح لسااانك مدد

[حوريه]

صح لسانك واحساااسك


مساجله جميله وراائعه

دمت ودااام حرفك

.

صح صح السااانك

قصيده رااائعه وفكااهيه

هههههههههههههههههههه

لا هنت

موج القصيد

[صعبة المنال]

صح لسانك

صعووب

[مرزوق الصواغ]

اشكركم جميعا

[عبير الورد]

المشاركة الأصلية كتبت بواسطة مرزوق الصواغ

انشر لكم هذه القصيد وهى رديه بينى وبين موتري السكراب بعد مابعته

لاانه قديم العشره وله حق علي واعتذر منه بهذه القصيده

حدانى عليك الدين ياموتري السكراب= مطاليب ناسن عاجزن لااقدر اوفيها
جلبتك وانا فيك التفت خاطري ماطاب= عيونى عليك اتهل صافي عباريها
طالبك السموحه كل شي وله اسباب= يالولا السبايب كان بيعتك مابيها
انا مانسبتك يوم احمل بك الركاب= ليالن مضت وياك ماني ابناسيها
من الداير السادس اوديك للمرقاب= يحن المكينه سيرها مانطفيها
تسليتبك فى صوت تسجيلك الجذاب= اغاني قديمه يطرب البال طاريها
مثل سالم بن حويل والا شريط احجاب = هذيك الاغانى طاري الود يحييها
تحملتني يوم انى اضربك المطاب= ماعمرك شكيت اسواقتى فى تواليها
انا مانكرتك واشكر الواحد الوهاب= تضيق المخابي من مكدتك ماليها
ولاكن ضروفي عاكستني وحظى خاب= حبال الرجا من دوني الياس طاويها
بعد ماعرفت ان مالنا بالبنوك احساب= عليك السراير مانيب اليوم كاميها
حدتنى الديون ولا نفعنى عطا الاصحاب= ومعاش التقاعد عيشتى مايكفيها
غدرنى زمانى ونفتح للمشاكل باب= اكافح ولا ادري حالتى وين اوديها
بساط الفقر سلمت له قلبي المنصاب= اجر اللحون من الشقا له وغنيها
تردا النصيب وخاب حظى معى ماصاب= دعاوى كثيره غارقن فى بلاويها
عذاب البلاوي مسنى مست الاطناب = تكدر مزاجى من امحاتا دعاويها
ابا العذر منك حدنى دينه الطلاب= جبرنى على البيعه ولاكنت ناويها
حشا ماكرهتك لى نظرفيك وزود اعجاب= ولاكن ضروفى لاايع الوقت لااويها
عسى الله يحفظك من غثا مسكن العزاب= اخاف احدن لا مر صبغتك يمحيها
ابذكرك مثل مانى اذكر غلا الاحباب = انا مانكر العشره ولو فات ماضيها

وهذا رد الموترعلي

انا شرهتى ياكبرها لى عليك اعتاب= تراخصتنى ماكنت احسبك تسويها
تبينى اعذرك وانت للمصلحه كساب= حشى ماعذرتك دام هذه تواليها
اشلون اتحمل غيبتك بعد طول اغياب= جروح المحبه مالها من يداويها
تذكر هذيك المعرفه يوم توك شاب= الى يومنا هذا وحنا نغذيها
حسيبي عليك انكرتها مالها ترحاب= ونسيت السنين اللى سرينا لياليها
عقب هذه العشره تبينا نصير اغراب= ماهى من شيمنا كان ودك اتخليها
لونه صحيح اوفيتها من حدا الاقراب= تنوب الرجال الطيبه دون عانيها
رقص لك ابليس وصرت من شلة الاحزاب= حبال الصداقه شلتها من عراويها
خذاك الطمع فى بيعتى والطمع غلاب = يغلب النفوس اللى تغير مباديها
تماكنتبي عقب العصر والرفيج اشهاب= تبي بيعتى واكبر خيانه بسميها
على اول سعر سلمتنى فى يد الاجناب= نكرت الصداقه كن مانته ابراعيها
مسحت الاسم من دفتري بطابع الكتاب= بعد ماقبضت من الدراهم حسانيها
ياليته شرانى مسلمن طيب الانساب= يخاف الولي فينى وحالي يداريها
ولاكن جهلت وبعتنى لواحدن نصاب= مشابي ادروبن متعبه والخطر فيها
يشيل الحمول ولايهمه صخر واتراب= هذه مهنته لابعد مسافه يوديها
قطع غايشاتى لعنبو والديه احناب= يتل المكينه تل ماهوب ياويها
تسكرب حديدى من جنونه وانا سكراب= يمر المطاب وسرعته مايهديها
دمر صبغتى فى حمولته من شبك واخشاب= وبيبات المجاري فوق كشني يراكيها
خبيث النوايا مايهمه شقا واتعاب= عسى الله يعجل فى حياته وينهيها
هذه هى سبايب بيعتك طحت بالانشاب= نقضت العهود ونيتك بان خافيها
تراخصتنى عقب الوفا يامال الذهاب = وانا عشرتك من اول الوقت شاريها
تريد السموحه تنتظر ردت الجواب= انا كيف اسامح وانت فرقاي باغيها

صح لساااااانك ملايين
سلمت وسلم منطوقك الجزل
ربي يعطيك العافية

[الطامي]

الصواغ
صح السانك
رائعة وطيبه
لاهنت اخي

[نفحات حساسة]

صح السانك..ولاهنت

مساجله رائعه..سلمت..

[بنت العز]

ههههههههههههههههه

صح لسانك ولسان الموتر

يعطيك العافيه