أبوأنس/الشرقي .. والقوافي المشبوهة !!

[ابو زياد]

عزالله انه مللك وتستاهل

[الطائر المهاجر]

صكيت يالشرقي على الرجل صكّا = ونا احسب ان الصك للصك فكّاك
ارفق على اللي طاح يحتاج عكّا = ولو رحت عكّا تاخذه فوق دكّاك
ولو تاخذه بالبحر يمكن لدكّا = يلقى بها غض النهد دونه اشواك
خله مع اللي مالقى منه فكّا = واذا معه فكّه شرى ما سأل ذاك
لكن اظنه عود والسلف ركّا = لابد من دفه ويحتاج لاشراك

[ابو أنس]

يامرحبا مليو مليون مع( لَكْ)=ترحيبتن من خاطري ما (تِلِكّي1)
اسوقها سهله ولا صابها عك=للي غلاه اكبر ولافيه شكّي
ادوره في المنتدى واضح النّك=اسمه شريف وللمفاخر متكّي
وافرح الى سار المعرف ولا لك=ان شفت به نور اخضر(ن) بان (فكّي)2
اهوى سواليفه الى ابدع وشربك=خلا القوافي كنها اسيام شبكي
واهوى نزيف الفكر منّه الى احتك=فكر(ن) سليم ومنهجه نهج مكّي
ان كان تشكي ياابيض الوجه مادك=وسط الحنايا ثم عرّق (وركّي)5
الين خلا كل الاعضا تفكك=واقفى وهو يضحك عليك ويهكّي
سيطر على قلبك وانا قبله احسبك=قوي باس وما بقلبك (مشكّي)3
لكن ترا منتاب وحدك مشبّك=كم واحد(ن) من زايد الهم يبكي
ترف الصبايا طلته حيل تطربك=وان زادها ضحك وغنج أوتشكّي
اتنزِّلك من هامة الثقل تجذبك=خطرن تصير قبالها شبه (منكي)
ياساكنن في الشرق في ديرة عْنَكْ=عطني وصايف صاحبك كيف يحكي
هو من لسان الشام والا من الترك=والا من اللي دينهم فيه شركي
والا من اللي ريحهم ريحة المسك=اهل الجزيره طيبين (المحكّي)4
وابشر عسى زين المقادير ما اخْطَتكْ=ابشر وانا لك شاهد(ن) لك مزكّي
بامشي على البلدان حارات وسكك=وادور( لوّي)بالعصاة متوكي6
كودي اشوفه او أارا شي يعجبك=او اسمع اخباره وانا اجيك واحكي
ذي منوتي وانا ترى ماعرف الهك=ما ابغاك فيما اضمرت لك تستشكّي

1/( لَكْ) كلمه قديمه تعني قيمه نقديه أظنها تقدر بمئه ألف أو مئة مليون .لاأدري ـ تلكّي ـ تتعثر (أي تجيّم)
2/ تعبير عن الإبتسامه
3/ مشكّي أي فتحه مأخوذه من المشكاة
4/ المعدن
5/ ركّ أي تثاقل وقعد عن الحركه
6/بمعنى لو أنني . وهي من لهجات نجد

[ابو أنس]

المشاركة الأصلية كتبت بواسطة المشرف العام

صكيت يالشرقي على الرجل صكّا = ونا احسب ان الصك للصك فكّاك
ارفق على اللي طاح يحتاج عكّا = ولو رحت عكّا تاخذه فوق دكّاك
ولو تاخذه بالبحر يمكن لدكّا = يلقى بها غض النهد دونه اشواك
خله مع اللي مالقى منه فكّا = واذا معه فكّه شرى ما سأل ذاك
لكن اظنه عود والسلف ركّا = لابد من دفه ويحتاج لاشراك

ماني على صلب العصاة اتوكا=ولاني من اللي لانهض يطلب اشراك
توي شباب ولو بغيت اتلكا=امشي على كيفي وااطالع فـلفلاك
الين اشوف الدرب مابه مشكّا=امشي بضو الشمس ماامشي بالاحلاك
ولو كنت في باريس او رحت عكّا=او عشت في بيروت او دار شيراك
او كنت في وسط الحرم وسط مكّا=ماهزني لعب الغنادير ذولاك
واللي مشى دربي ابد ماتشكّى=وماحط لي في الدرب عثرات واشواك
والسلف له دقمه يجي خوش أكّا=وما ظنتي ذا العلم ياالعود يخفاك

[الطائر المهاجر]

يامادح روحه ترى رحت سكّا = من يوم شفت اللي دخل كيف يخفاك
جالك من اقصى ديرته ويتبكّا = سبيت عقله ما لقى منك إدراك
جاب السحر يخفيه فيك يتحكّا = لا تحاول الملصه فلا ينفع حكاك
خليت ذا المسكين يصبح مهكّا = ولو هو درى بك كان ابعد ولا جاك
سيفك تثلم دون ريبٍ وشكّا = حتى ولو حاولت تنفي للاشكاك
والعود سيفه في المواجيب دكّا = بيبان شرق وغرب من كل الافلاك
السيف مثل المال واجب يزكّا = وسيفك معك ياصاحبي تقل مسواك
حتى البواجي لو تنظف بحكّا= كهربك متلامس سبب ضعف الاسلاك
وتقول انا عنتر علينا تذكّا = وعبله تغير باسمها دوم تنصاك

[ابو أنس]

المشاركة الأصلية كتبت بواسطة المشرف العام

يامادح روحه ترى رحت سكّا = من يوم شفت اللي دخل كيف يخفاك
جالك من اقصى ديرته ويتبكّا = سبيت عقله ما لقى منك إدراك
جاب السحر يخفيه فيك يتحكّا = لا تحاول الملصه فلا ينفع حكاك
خليت ذا المسكين يصبح مهكّا = ولو هو درى بك كان ابعد ولا جاك
سيفك تثلم دون ريبٍ وشكّا = حتى ولو حاولت تنفي للاشكاك
والعود سيفه في المواجيب دكّا = بيبان شرق وغرب من كل الافلاك
السيف مثل المال واجب يزكّا = وسيفك معك ياصاحبي تقل مسواك
حتى البواجي لو تنظف بحكّا= كهربك متلامس سبب ضعف الاسلاك
وتقول انا عنتر علينا تذكّا = وعبله تغير باسمها دوم تنصاك

يااستاذ اثرك فلّه وشيخ أكّا=قاضي ومفتي مابها شي يخفاك
ودّك يجي كلش حلال(ن) مزكّى=ما يدخل الذمه دغش اوبه اشكاك
وكلش زكاته منه طبق ومحكّا=وما تنفع العمله بدل صمّ الارماك
عندي سؤال وما أريدك تلكّا=ابي جواب(ن) واضح وكله ادراك
ان كان ضينك نجدي(ن)سود سكّا=تنفع زكاته بين ذولا وذولاك

[الطائر المهاجر]

افهم كذا ضينك بفكرك تركّا = وتجهل زكاته صرت بالضين شكاك
يبي لك مطوع اذا اشعرت تكّا = يقرا عليك ولا يعاودك دكّاك
انا بعيد عنك ولا افتي بهكّا = دور على غيري مدامك بتبراك
ولا تحاول انك في سؤالك تذكّا = وتملص من الهرجه فانا عارف دواك
غزوك بليل فلا تحاول تلكا = ونا تحت شمس الحقيقه لي افلاك

[ابو أنس]

المشاركة الأصلية كتبت بواسطة المشرف العام

ان كان (ضينك) نجدي(ن)سود سكّا
علمني وشي ضينك .... افصح يا رجل ، ماعندنا دغمله

ضينك ـ غنمك أي الضأن من الغنم

ولا زالـتْ .. سـمــاء .. الـ عـمـالـقـــة ..


تـُـمـْـطـِـرُنــا .. بـ الـ .. إعـجــاز !!


أتـشــرف .. بـ الـ حـضـــور .. هـنـا ..


وعـذري .. سـِـعـَــةً .. في قـلــوبِ .. مـالـِـكــيـهـا ..


تحــوي .. شـغـفــاً .. لـ .. أطفـال .. أفـكــاري !!


دمـتــم .. بـ .. نـقـــاء ..




..

[ابو أنس]

ودك تَراجَع من كلامك تلكّا=وتدوره بالفلسفه جاك ماجاك
واللي يصوغ القول معنن وسبكا=ماينثني لو دونها حرب وفكاك
جبت الدلايل في بيوتك تحكّا=عن الزكاة وحق تصريف الاملاك
وانك مراعي ذمتك ماتشكّا=كلش مزكّى لوّه عويد مسواك
وانتا طبيب ومنّي افهم وأذكى=تفهم علوم النفس وحدود الادراك
وش اسمه اللي يعتدي ويتبكّى=وده يجمّع حب ذولا وذولاك
يااستاذ يومك ودك اتزور مكا=تبغي العباده في مقابيل عجفاك
الله فتح بابه ولايوم صِكّّّّّّّّّّّّّّّّّّّّّّّا=هو وحده التواب يغفر خطاياك