تعال يالطير المهاجر

وعد العبدالله

الضامي

سناعيس


اسعد الله صباحكم بكل خير

صحت ابدانكم

وسلمتم على متابعتكم

لاحرمنا الله منكم

ادام الله عليكم لباس العافية


لكم مني صادق التحية

[الطائر المهاجر]

وش رأيك نبدى بقاف جديد

القاف شاب وقلب من شاب ما شاب= متوقدٍ فكره ولا له دليله
في وقت ماهو له ولا عزّ الاحباب = من كل طير حر ضيّع سبيله

الله يحييك

من يكبر بسنّه.. تناسوه ..الاصحاب = خلّوه مع همّــــــه طريحٍ بلــــيله
يموت ماجت له مداخيل واســـــباب = والاّ يدوّر فــــي بلاده خلـــــــيله

[الطائر المهاجر]

الرجل لامن شاب والعقل جلباب = يشغل فراغه ما يحس المليله
يظهر من الابداع ما لذ او طاب= ويمشي بدرب ينتهي بالفضيله
ودام القلب ماشاب فالرجل ماشاب= ماينحسب عمرٍ سنينه طويله

زان الزمن في يوم وبعــــــشرةٍ خاب = ولو نحسب الدنــــيا تراها قليله
ما عاش من يخفي سمومه بالاطياب = يموت في حسره ويلقى الرذيله
ياعم خبّرني عن افعـــــــال الا جناب = الّي سقونا السم واحنا نجــــيله
غزوات فكرٍ بالعسل طعـــــمها طاب = صرنا انتــداولها وصارت دخيله

[الطائر المهاجر]

الوقت للهلباج والبوم والداب = وحتى الحصيني يخفي اليوم ذيله
وبعض الحرار اليوم صاروا كالاذناب= الفكر في الدولار مافيه حيله
كل يبيع اللي يبي دين وتراب= حتى الضماير والعلوم الجميله

ساعات اشوف السوق فالصبح شبّاب = وساعات اشوفه خامدٍ ياحليله
لا زاد سعر الســوق هجوا كـالاسراب = وان قلّ سعره هاجموه الطفيله
اللون الاحمر صار للشـــــعب محطاب = واللون الاخضر للعيون الكحيله

[الطائر المهاجر]

طرش البحر جونا بسيكل ودباب= ومعهم جماعه من حثيل وحثيله
وتحاوطوا بالبيت من كل الاجناب = وصرنا هنود حمر وسط النثيله
ونفس ضعيفه ساعدتهم بالاسباب= كسب الأناني ما ترده قبيله

معليش على التأخير بسبب انقطاع النت

الشعب قلّه واكثر الشعب أغراب! = لو تحسب الصافي تلاقي الهويله
لا تنفجع لاصار لك شيخ نصّــاب = حقٍ عليـــــنا نعــــترف له بحـــيله
ولّى زمان المرجله واهل الاشناب = هذا زمان الفلـــــس حصل حصيله

[الطائر المهاجر]

بيت به العمدان من دون الاطناب = ياسرع ما يهوي ولا من يشيله
ولو ناظر الإنسان للغير ماخاب= يلقى ديارٍ بعد عز ذليله
لانّ الاهالي بعد ماكانواصحاب= صاروا عداوه في حروب طويله
من اجل كسب المال والكل نهاب= سروق في داره ولامن فشيله