ابي لي واحد نشمي

[الطائر المهاجر]

متعب

يبي لك درس كيف العرس وكيف الغرس في الامطار = تعال ان كان تبغى العلم وخل الطيف نعساني
فهذا شايبٍ قاضي يدينه لو يشوف قصار = يدور عذر ما يلقى يلف الأمر من ثاني

[الطائر المهاجر]

انا ربعي هل السنه وهل المبداء وهل الاذكار=فلا تخلط مزاج الفكر قبل ماتصير علمانـي
تراني جاملك ولا اذا فاضت علـى الشعـار=(على كيفه بنات الجن يصرفهـن بأتقانـي

هل السنه لهم في كل دارٍ ركزه ترفع التذكار = ولاعاب الرجل لاقيل عنده طيب الافناني
ولكنك تخاف ومن يهاب الدرب مايصل إلى مشوار= تمن ولا تحصل شئ غير الهم واحزاني

[ماجد المهدي]

وانا داخل على الطاير بلا احمٍ على البيطار = إذا فكرك تبي تسافر فسجنك صنع ياباني
جناحاتك نكسرها انا ومتعب وابو الاسفار = ولي قمره لها رمشٍ بلا تشقير ولواني

[الطائر المهاجر]

واخيرا جاء ابن نمرود يحسبنه غدا طيار = بشارع 6 اكتوبر يدور ورد تطواني
وخذاه الموج يم الفول ضرب بالخمس حتى فار= وضاع الفكر في دربه ضياع بدون عنواني

[الطيف المسافر]

المشاركة الأصلية كتبت بواسطة ماجد المهدي

وانا داخل على الطاير بلا احمٍ على البيطار = إذا فكرك تبي تسافر فسجنك صنع ياباني
جناحاتك نكسرها انا ومتعب وابو الاسفار = ولي قمره لها رمشٍ بلا تشقير ولواني

هههههههههه الله الله

حياكم الله ياماجد المهدي والمتعب بأبداعكم المتفرد الذي منه نتعلم

[متعب المتعب]

ما ظني طيفنا شايب ويملك م العلوم كثار=سديد الراي لكنك يبي لك منه تبياني
انا غرسي نضج واثمر سقيته من فكر جبار=مجاديفك مثل وردن ذبل واليوم هلكاني

[الطيف المسافر]

دخلت في بحر يادكتور مابه شط به اعصار=تجمل بالصبر والصبر للأنسان عنواني
ترى درب النقاء معروف وله اهله وله انصار=يسنون الشعر لامال على مبداء لهم داني

[متعب المتعب]

انا بنشدك ياماجد عسى تلقى لي المحار=في بحرن هاجت امواجه ولاادري وين وداني
يقولون العرب مبطي صديقك صادق مدرار=وابيك تناصح الشايب تجيبه مصر وحداني

[الطائر المهاجر]

غراسك طار في الوادي فلا ناتج ولا اثمار = بصبخ الشام والأردن مابين الشام ومعاني
وطيفٍ تنتخي به يوم شويب من بقايا آثار = من ايام الملك تبع ولو بالإسم صنعاني

[ماجد المهدي]

المشاركة الأصلية كتبت بواسطة الطائر المهاجر

واخيرا جاء ابن نمرود يحسبنه غدا طيار = بشارع 6 اكتوبر يدور ورد تطواني
وخذاه الموج يم الفول ضرب بالخمس حتى فار= وضاع الفكر في دربه ضياع بدون عنواني

اثاري طيرنا وده بطعميه وفول اخيار = ولي منها شهورٍ ما اذوقه صرت شبعاني
خذاني البحر في موجه بألحانٍ بها اوتار = طعامي يا مهاجرنا لحم كبسه وبرياني