....جنوون العاطفه !!!!

[عبدالله الشويمان]

المشاركة الأصلية كتبت بواسطة ماجد العديلى

بين الذكريات الجميله ولحظات الحب الخالدة ... تشكلت هذه الحروف التي أتمنى

أن تنال إعجابكم ورضاكم :

جنون العاطفه فيني يعبر عن مدى الحرمان=عن الدنيا ..عن الأكوان وعن شي ما نخلق للحين !!
عن نجــومٍ عفــيفاتٍ مدام الــليل ما يــنخان=وعن أمـواجٍ تخـون الـشاطي الي صار كله طـين
وحتــى عن قوافي عيونك الي مالها أوزان=قصيده صعـب أفهمها ..... تحيرني وهي بيتــين
أنا أشتاق للميه .. وبنفس الوقت للنيران=وأنا مثـــــل (الأغاني الي) تحس برغبـة التلحـين
أعاني من عذاب الشوق أعاني مثلما الطوفان=أبد مايركد احساسي.... وشعوري نادر التكوين
عرفتي ليه أنا أصبر وأداري الجرح بالكتمان=شـسـوي به... إذا ضاقــت بي الدنــيـا ولا تدريـن
ورغبه صارمه فيني تشـّجعني على الطـغيان=تبيد آسمـى المبادي ولا تفــّرق بـين أغلى ثنــــين
تعالي أسكـني صـدري وشـيلي منه الأحـزان=وأنا يكفي فــخر إنـي أبسكن في جفــون العــين
أبي طيف السما الزاهي يداعب روعة البستان=أبـي نــورٍ يـبـدد ظـلـمـة الفــرقا ....وهـــم البـــين
أحس الصبح يتكسر على موج الشفق غرقان=تضـيع أحلى سنين العمر... ولا يضـيع الأمـل تكفين
طـفوله عـشتها أول.. وطـفوله ارتجــيها الآن=أبـتــذوق براءتــــنا ونـصــبح مـثــلمــا طـفلــيـن
نبي نركض نبي نلعب نبي نغني ياليله دآآن=نبي نضـحك ونتـّـمتع... ترى كل هـالعمر يومــين
أنا الله يوم يخلقني خلق في داخلي فنــــان=رســم أحلامي الحـلوه ... ولكـن يـنقـص التلوين
سألت الناس بكل احساس أنا محتاج لــلألوان=وكـلاً قال : ماعندي... وحـتى نــاسٍ قــريّبـين
عرفتي ليه أنا أحبك ..وليه آحس بالحــرمان=أكــيد إنـك عرفــتي ليه .. ولا ُبد إنك تعرفين
جنون الحـب ولا عيشة هوان وكان أو ماكان=وعليّ المــوت أهـــون من حيـــاةٍ كلها تخمين ...؟؟....

صح السانك وعلا شانك يا اخ ماجد

قصيده جزله يا الجزل.

دمت بخير ولا هنت

[صوت الإحساس]

حضور مبهر

تستحق العود ه


لله درك


صااادق الود

المشاركة الأصلية كتبت بواسطة صوت الإحساس

يالله يا ماجد


خيال
صور ولا اجمل

لله درك لله درك

حضور مبهر

عذب عذب


إلا هتااااان وارق



صح لسانك مليون

صاااادق الود

الاخ العزيز الغالي : صوت الاحساس

تعطرت القصيدة بمرورك العذب

كل الشكر والتقدير

وتقبل تحياتي

[شمس القحطاني]

قطعة أدبيّة فريدة هنا

الشاعر ماجد

كل الكلمات لا توفّي إبداعك

اخ ماجد رائع

و صح لسانك

لاهنت اخي

المشاركة الأصلية كتبت بواسطة النهج المختلف

ماجد العديلي صح السانك ,, ,,

بيض الله وجهك على القصيدة الرائعة ,, ,,

لاهنت والله يعطيك العافية على هذا الابداع الراقي ,, ,,

تحياتي وتقديري ,, ,,

الشاعر الغالي .النهج المختلف

وجهك ابيض يالغالي .. والله لايهينك

تشرفت بمرورك الكريم

تقبل تحياتي

المشاركة الأصلية كتبت بواسطة شذى العطر

تقاسمنا الشعور هنا حد الارتواء

كيف للحب أن يتحمل كل هذا العشق

بدون أن يعلنكما عليه حكاما وأمراء
تمتم القلب وصهل الحرف

وسقيتنا من نهرك

ما اجمل بعثرات قلمك
وما اعذب رقة شعورك

فائق الود لك
اخي ماجد العديلي

الاخت الغاليه :شذى العطر

تعطر المتصفح بمرورك الجميل

كل الشكر لشعورك الراقي

دمتي بكل الخير ...تحياتي لك

المشاركة الأصلية كتبت بواسطة سناعيس

الله الله ياماجد
صح لسانك ولله درك
رومانسية طاغية بقصيدة رائعة وجزله

بيض الله وجهك


ولاهنت


تحياتي

الغالي العزيز الشاعر سناعيس

انورت القصيده بحضورك الكريم

ووجهك ابيض ..والله لايهينك


ولك مني كل التقدير والاحترام

[ابو أنس]

الفاضل ماجد العديني..................
انت قل جنون العاطفة ولم تخطئ!!!!!
ولكن دعنا نقول نحن جنون الجما والتفرد به
جميلة الى حد الطرب
قصيدة تحمل في كل قوالبها الجمال والجزاله
بحرها .بناؤها . سبكها .قوافيها في العجز والصدر
سعدت كثيرا بقراءتها والوقوف ممع مفرداتها
لك كل الشكر ووافر التقدير

المشاركة الأصلية كتبت بواسطة عبدالله الثويني

نـفـس طـويـل
شاعر متمكن
أبيات متماسكه
جزاله قمـٌه الإتقان
صح لسانك وعلا شانك أخي المٌبدع
ولا عدمنا جديدك
تقبٌل وُدي

الشاعر الغالي /عبدالله الثويني

كل الشكر لمرورك الكريم

والله لايهينك

تحياتي لك