نادو سعود العتيبي يحضر الي معه

[نجم الإبداع]

ماجيت يمك وجيت انته وصابك جنان=وغبت ساعه وعقب اقبلت بالمطبعه
لابس سريويل مانته لابس الطيلسان=وش طمعتي فيه يالي مامعك منفعه

[نجم الإبداع]

المشاركة الأصلية كتبت بواسطة الطامي

صح السنتكم
محاورة رائـعة جدا
لاهنتو

اهلا يابو محمد

صح بدنك وشكرا لمرورك

لاعدمناك

[الطائر المهاجر]

المشكل اللي بلا سروال يركض زمان= ولاهوب داري وهرجي ما وصل مسمعه
شفاف ثوبه وكلن شايفه بالعيان= مشغول في حب فولٍ يطرح ويجمعه

[نجم الإبداع]

اقول رمضان يبغى له من الي سمان=وراك تشري لحوم بخيش ومشمعه
تصبح على خير وان جاء صاحبك لاتبان=الناس من ضحك شفت عيونهم مدمعه

[الطائر المهاجر]

ماحولك انس ولا ظني حواليك جان= فاضحك وخل الشهر فالصوم يوم اربعه
وان كان تبغى المنام فنومتك في امان= تصبح على خير ياللي ما اكل باذرعه

[داعي الشوق]

الله الله

وشلون يا بو محمد ما علمتني لو على الخاص يا خوي ؟

يعلم الله اني ما شفتها الا الحين

و الله اني اشتاق للعلب معك يالغالي

لكن الطائر كفى و وفى و بيض الله وجهه

و صح لسانك و لسانه

و ابشر بالعوض يا شيخ زهران

و لاهنت

***********

[داعي الشوق]

أبدع لنا طاروق جديد

وانا حاضر ،، اتحراك

لاهنت

[نجم الإبداع]

ارحب ياسعود

صح بدنك وتصبح على خير

وبكره ان شاء الله لنا لقاء

لاعدمتك

[عبير الورد]

صحت السنتكم جميعاً
زين اللي جت على كذا
لاهنتو شعرائنا المبدعين
يعطيكم الف عافية

[الطائر المهاجر]

من غاب عن عنزه جابت تيس ياسعود