حرب المحاوره بين شعراء الفطاحلة

[الطائر المهاجر]

افا يالعلم وش ذا القول هرجك ترجم المضمون = احسبنك مثل عود تمركى قابل الدله
فلا له خبر وش يشري مغير يسلم الطاحون = مكينة صرف ما تاقف ولو تاقف بها عله
يعرف انه مسافر تارك الضاعن مع المضعون= اجل ياكيف ما يحرق مثل غيره على دله

المشاركة الأصلية كتبت بواسطة المشرف العام

افا يالعلم وش ذا القول هرجك ترجم المضمون = احسبنك مثل عود تمركى قابل الدله
فلا له خبر وش يشري مغير يسلم الطاحون = مكينة صرف ما تاقف ولو تاقف بها عله
يعرف انه مسافر تارك الضاعن مع المضعون= اجل ياكيف ما يحرق مثل غيره على دله

انا ياشيخ دارس للقضايا وافهم القانون = اقول الدار محتله تصير الدار محتله
ولاسلمت راسي للغشيم اللي يتمتم داخل الصالون = ولاشبيت ناري من بقايا الرمث والجله
اسويها على كيفي واسندها على هارون = الى منه زعل موسى غدا هارون خصم له

[نجم الإبداع]

هلا يالشاعر الي بالحِكم ماشار بن طولون = كما الاحنف يدير العلم فوق الحلم جاء ظله
يقولون العرب بفتوحهم وصلوا ورى جيحون = وراهم عقب ذاك العز يرضو اليوم بالذله
خساره شف ديار المسلمين اليوم تحت الدون = الا ياليت شعري راح منا القدس والتله

[ابو زياد]

المشاركة الأصلية كتبت بواسطة ناصر القزلان

عسى الله يرحم احوالك .. تبيها مذبحة شارون = على صبرا وشاتيلا يجيزون العرب قتله
تعوذ من بليس العود لايلعب بك الملعون = الى شفته نصاك اركض ورا القاضي وصوتله

وراك تنافخ معادي جميع الناس بك قولون؟=اونك فازع فزعة تبي هالحرب مشتعله
تراك ان كانك مصخن فانا بقرالك بجيلون=وكانه لاحقك جني فانا باااقف واعكرله

المشاركة الأصلية كتبت بواسطة ابو زياد

وراك تنافخ معادي جميع الناس بك قولون؟=اونك فازع فزعة تبي هالحرب مشتعله
تراك ان كانك مصخن فانا بقرالك بجيلون=وكانه لاحقك جني فانا باااقف واعكرله

انا شايفك ياشيخ المشايخ تنبش المدفون= اجل وشلون لو شفتك تبيع جراك بالحله
تجيب القصه اللي مالها معنى ولا مضمون = غريبه شيخنا الزاهد يحط رخام بالفله ؟!!!

المشاركة الأصلية كتبت بواسطة فلاح بن منشار

هلا يالشاعر الي بالحِكم ماشار بن طولون = كما الاحنف يدير العلم فوق الحلم جاء ظله
يقولون العرب بفتوحهم وصلوا ورى جيحون = وراهم عقب ذاك العز يرضو اليوم بالذله
خساره شف ديار المسلمين اليوم تحت الدون = الا ياليت شعري راح منا القدس والتله

رضينا بالهوان اللي يهين اللي رضي بالهون = وبدلنا ثياب العز صرنا نلبس البدله
عبدنا بوش دون الله وصادقنا بني صهيون = فتاوي تمدح النيل وفتاوي ترقص لدجله
سكتنا عن تفاهات المديح ونفخة البالون = تشوف الناس في سوق التداول شبه منهبله

[نجم الإبداع]

انا اشهد

الله عليك ياناصر
ولا يهون الجميع

شكى منا الهوان وقال ياذولا العرب تكفون = تفكوني تروني ضقت منكم واكره النخله
نصيت ادياركم من قبل زاير في هوى صهيون = حسبت سنين عمري بينكم زادت عن الثله
كرمكم زاد عن حده وانا ودي لنا تنسون = تروني بانتحر لو ماسمحتوا علتي عله

[ابو زياد]

اشوفك كنك اتطلطل تقل مجلسك فالبلكون=ماغير تكسر ابهامك عليك نقول بسم الله
واضنك تعرف الهرجه تقول ازاي اوبردون=انا افدا لونك الوردي ياشيخ الورد والسلة

المشاركة الأصلية كتبت بواسطة ابو زياد

اشوفك كنك اتطلطل تقل مجلسك فالبلكون=ماغير تكسر ابهامك عليك نقول بسم الله
واضنك تعرف الهرجه تقول ازاي اوبردون=انا افدا لونك الوردي ياشيخ الورد والسلة

اشوف الشيخ ابو سبحه يردد شعر ابن لعبون = واشوف الراهبه ترقص على الجيتار والطبله
على دم الحريري يبكي الصاحي مع المجنون = عسى لون الورود الزاهيه مايعمي القمله

[الطائر المهاجر]

اظنك جيت في وقتك فانا ياصاحبي مغبون = اصارع مير انا وحدي وضدي باقي الشله
عليك بهم ولا تنسى متخفي يشعل الغليون = ودخانه حشرني ما عرفت بيوم آصل له
متلثم جالس يوجه ولا يظهر تقل مشطون = ابو انس زعيم بالخفى واللي تشوفه فاعرفه ظله