صواريخ الفطاحلة الإقلاعيه

[وجدان القلوب]

أفتحوا ع قناة الإخبارية بعد ربع ساعة....
تلاقون غريب الآه متهم من قبل الأخ متعب والأخ خطاب بس مدري بالضبط وش الإتهام..... جابو الموضوع بشكل سريع بس التفاصيل بعد اشوي...وسمعت إن الطائر المهاجر بيتولى المحاماة .....شكل السالفة كبيرة

الله يعينك غريب ويخلصك من أزمتك <<<<<<<<<<<صدقت السالفة

[الطائر المهاجر]

تخاويت انا والذيب سرحان

طلعت من شقراء متوجه لديرنا اللي خلف جبال طويق ، طبعا لازم اعبر الجبال وهي مشهورة بذيابتها الشرسه
المهم مشيت والله مسافة طويله وكنت ماخذ معي سندوتشان وقارورة مويه ، وحاطها في مزوده ناسفها على ظهري ومتحزم ، لاف على رقبتي وعلى بطني قماش سميك
ومعي شبريه ، المهم اظلم علي الليل ، إلا وابدأ اسمع ذيب يعوي من بعيد ، وكلماله ويقرب ، وانا ماشي ، يوم صار بيني وبينه حوال 15 متر ونا اقطع له من السندوتشه قطعه وارميها ، وياكلها
واستمر في المشي ، كلما قرب رميت عليه قطعة سندوتشه ، الين شفت من عيون ومن طريقة عواءه انه هدأ
فخليته يقرب زياده حتى ماعاد بيني وبينه إلا حوالي مترين وانا اقعد وافك قارورة المويه وصب له مويه ، والله ويجي ويشرب
واقوم واستمر والاحظ انه يوم بدأ يقرب اكير ويحك راسه في سيقاني
ونا اللي ارمي عليه قطعة سندوتشه
واستمر امشي انا وياه ، شوي شوي إلا يوم غدا يمشي قدامي
وحنا نمشي وإذا بذيب آخر يوم جاني مسرع ، ناوي يهاجمني ، إلا والله وخويي يوم نط في حلقه ، وبدأت المعارك بينهما
انا خفت على خويي ، وحاولت اتصيد الذيب الثاني واضربه بالشبريه اللي معي ، لكن مع اشتداد المعركة بينهما مالقيت فرصة
المهم يوم ان خوي حط رجله وانحاش
وإلا والله يوم الذيب اللي ناويني يوم اتجه لي
واقوم وارمي عليه شندوتشه كامله ويلهمها ، واعطيه الثانيه ، ويلهمها ، وانا اسرع بالمشي وكل ما نطلت عليه سندوتشه بلعها وعيون ونيبانه تقول انه ناويني بشر ، ويجيب الله الفرج من عنده ،
واذا بواحد من الجماعة معه دتسون يوم وقف وفتح لي الباب ، وانا اللي اطمر
ونا انتنافض ، وقلت له وش حصل ، قال: الله يخلف عليك الأول مهوب ذيب الأول حصيني

[الطائر المهاجر]

يرفع للتأمل

[جلال ابراهيم الصبيح]

مرررة من المرررات كنت ماشي في شارع فاضي ولا تنزل علي ذيك السفينة
الفضائية الضخمة طولها 140متر وعرضها 80 متر والله و أقترب منها وإلا ينفتح الباب
وينزل منها ذاك الرجال الأخضر الضخم طوله15متر والله ويقولي أنت جلال؟؟؟
قلت له: إي أنا جلال قالي: إركب معنا ترانا جايين مخصوص عشانك قلت: ليه؟؟؟
ويقول: حسب بحوثنا اكتشفنا إنك أذكى مخلوق في الكون ونبي تروح معنا للمريخ
نسوي معك بحوث و نزوجك ونطعميك ونشربك...والله وأنا اللي أركب معهم وأنا متحمس
ويجيني الإمبراطور ويسلم علي...وبعدين...قال: أنت جلال قلت:إي قام وقف وحب راسي.
والله وأطالع الأرض وإلا أشوف الطائر واقف يودعني...ويبكي...وبعدين قلت لهم: أبي أرجع
الأرض...قالوا:لأ...وبعدين قعدت أبكي وأصرخ...وبعدين اطفشوا مني ورجعوني الأرض وقطوني
في الجولان(سوريا) عند خط إطلاق النار وقامت الدبابات والطيارات والجنود وماشوف إلا الطائر
جاي من بعيد جاي مسرع...وإلا هو يطير وياخذني معه من بينهم ويرجعني بيتنا.
>>>>>>>>>>>>>>>>(قوووووووووووو ووووووية)<<<<<<<<<<<<<<<<

جلال

[خالد محمود الفردي]

اليوم ريت معبر رفح مفتوح

وريت العرب مجندين جنودهم وذاهبين تجاه اس را ئــــ يل


وجابوا خشمها الأرض

..........أقوى.........

[الطائر المهاجر]

فيه عنز ازعجت الحارة كل يوم انبععععععع في الصباح وفي المساء وفي كل الأوقات والناس بدها ترقد وهي دائما امبععععععع ، فقالوا لصاحبها وهو شيبة كبير كل يوم يشرب حليبها ترى عنزك ازعجتنا شوف لها حل .....
قام الرجال وركب على فمها كاتم صوتك زي حق المسدسات ، ولكن ما افاد واستمرت امبعععععع امبعععععععع ، وكان يظنه حل الإشكال فرجعوا له الجيران وهددوه يا تبيع عنزل او تذبحها او ترى نبي نشتكيك ونرحلك من الحارة
تسلق 3 من الجيران اسوار بيت الرجل ، والرجل كان حاط اسلاك كهرباء عاريه ، ولما يجي ينام يفتح السوتش فتصير 220
وبالفعل سقط الرجال الثلاثة على الأرض بفعل قوة الصمده لكن الحمد لله ما حصلش وفاة
وتأكدوا انه لايمكن اسكات العنز من خلال القفز على الأسوار ، وانه لابد لهم من الدخول من الباب
ولكنهم يعرفون الشيبه مارايح يفتح لهم الباب لأنه يعرف نيتهم المسبقة
فلبس كل منهم ملابس نسائيه واخذو كل واحد منهم معاه طفل ، وطقوا الباب على الشيبه ، ولما فتح الباب قالوا له احنا فقراء واطفالنا جائيعين وزي ما تشوف البرد جامد فياليت تسمح لنا ندخل حتى تنتهي العاصفة البارده
وبالفعل انطلت الحيلة وادخل الرجال ، وتفاجئوا بأنه ادخلهم في المجلس وليس في الحوش وشب لهم النار وقدم لهم الأكل والقهوة واكرمهم ، لكن في نفوس ان العنز مهمتهم ولابد من ذبحها او اختطافها
واثناء ذهاب الشيبه يجيب لهم بعض الطلبات تسلل واحد منهم للحوش يبحث عن العنز
ولكنه لم يجد عنز وإنما وجد جهاز تسجيل مربوط فيه مايكرفون كبير ، فلما شغل المسجل واذا به يسمع الصوت امبععععععععععععع


السؤال ليش الشيبة عمل هالحركة ؟؟؟

(الحقوق الفكرية للطائر المهاجر)

[داعي الشوق]

هههههههههههههههههههههههههههههه هههه

حللللللوه يالطائر

و حقوق فكرية بعد ،، لا تخاف محفوظة

هههههههههههههه

[نفحات حساسة]

تصدق...!!

عشت الجو بقوه ههههههههههههههههههه

من جد حسيته صاروخ نووى..

[زهرة اللوتس]

هههههههههههههههههههههههههههههه هه
ار بي جي وانت الصادقة يا نفحات

[عمر ال شيبي]

الله على صواريخكم طيبه من طيب ناس