حرب المحاوره بين شعراء الفطاحلة

المشاركة الأصلية كتبت بواسطة الذيب

ترى الذيب انا مهوب ابو طله

هلا بالذيب ولد الذيب واخو الذيب سرحاني= تفضل ياسمي الذيب واشهر سيفك المسلول
انا مدري وش الدعوى ترى الموكب تعداني = لقيت الناس مجتمعه وقلت نشوف وش هالظول

[ابو زياد]

المشاركة الأصلية كتبت بواسطة المشرف العام

اشوف اللي يسمى ذيب توزى خلف جدراني = بباله شعر غير انه لسانه ما نطق بالقول
او انه هايب من قولة تطري على لساني = بأن البيت مكسور يبي له درس بالمعقول

اضن الذيب ذا ظل يجي ويتابع الجاني=ما غير يمسّح الجره ويطوي حبله المجدول
وانا با تابعه لينه يطيح بكفي الحاني=وابجمع كل ما يمكن من خيوط عن المسؤل

[نجم الإبداع]

هلا يابو زياد اعداد ماهلنّ الامزاني = وعدد من زار بيت الله يالي عننا مشغول
ترى الطير المهاجر زار ابو طله وجافاني = وقف ناصر وماقصر ورد الهجمه بالمعقول

[نسناس الهوى]

سلام من صميم القلب عليكم يابن قزلانـي = وعلى صاحبه عثمان ولابوطله وابن مقبول
وسناعيس الفخر وياك يانسنـاس هتانـي = وفلاح العز والنخوه سلام طيب معسـول

هلا بك ياولد عمي تراني اليوم طرباني = تعال وأترك المشغول بين النقض والمفتول
لنا ربع ٍ لفيناهم ولا لقدومنا شاني = تعال وفرّ بالملعب وخلّ المعركه والصول

[سناعيس]

المشاركة الأصلية كتبت بواسطة ابو زياد

سلام من صميم القلب عليكم يابن قزلاني=وعلى صاحبه عثمان ولابوطله وابن مقبول
وسناعيس الفخر وياك يانسناس هتاني=وفلاح العز والنخوه سلام طيب معسول

جعل يفداك يابوزياد ولد لاش(ن) مع هداني=صميدع طبعك وصنديد وبك نخوه وزود فعول
حقيقه مابها تزوير ولاكذب وبهتاني=زبون اللي ضهده الوقت وله حافل وله مكفول
ولكن مانبي تهدى ونبي للحرب ضياني=ونبيها ياخلف جدي تعدي الحد والمعقول

ابو زيدون وقفو له بدو واحد ورا الثاني ***** يهابون القوي اللي يلاعب سيفه المصقول
وعذر اللي وقف ظده يقول انه هو الجاني ***** تكاثر جيشهم ضده ووصلت له يد المشلول

[الطائر المهاجر]

تطير او ما تطير اللعب مكشوف ببرهاني = عصابه كلكم جيتوا على الماشي تدقوا طبول
تسموا ماتبوا من اسم وزيدوا سجع الالحاني = ولكن عندي الرادار يكشف عالم المجهول

[ابو زياد]

المشاركة الأصلية كتبت بواسطة فلاح بن منشار

هلا يابو زياد اعداد ماهلنّ الامزاني = وعدد من زار بيت الله يالي عننا مشغول
ترى الطير المهاجر زار ابو طله وجافاني = وقف ناصر وماقصر ورد الهجمه بالمعقول

مشاكلنا بدت منا وطايرنا بدا يعاني=يشقلبها على كيفه ويقلب عرضها بالطول
ويجلس فوق كرسيه ويلعب دان لا داني=يظن انه على كيفه يقلب في خيوط النول

[ابو زياد]

المشاركة الأصلية كتبت بواسطة نسناس الهوى

هلا بك ياولد عمي تراني اليوم طرباني = تعال وأترك المشغول بين النقض والمفتول
لنا ربع ٍ لفيناهم ولا لقدومنا شاني = تعال وفرّ بالملعب وخلّ المعركه والصول

عسى عمرك طرب وافراح تحوفك كل الازماني=انا عندك على الذمه وباقي لو يحول الحول
هلا ياللي لفيتونا هلا ياذرب الايماني=وانا بافتر باللعبه واثبتها واقول القول

المشاركة الأصلية كتبت بواسطة المشرف العام

تطير او ما تطير اللعب مكشوف ببرهاني = عصابه كلكم جيتوا على الماشي تدقوا طبول
تسموا ماتبوا من اسم وزيدوا سجع الالحاني = ولكن عندي الرادار يكشف عالم المجهول

ترا الرادار قد صابه وجع مع سد شرياني ****** وصار يقط خيط وخيط كب الحبر فوق الرول
يخونك منقلب راسه ومن ياثق بهبلاني ****** تهزهز في موازينه يحاكي هزة البندول