مساجلة الفطاحلة

[سناعيس]

سوي من انهار المحاجر لك انهار=يبحر بها المركب بلا اي مجداف

[ترانيم المطر]

سر في أمان الله يامركب الشوق = أنت الوحيد اللي له القلب لبا

[سناعيس]

ساق تقصّر دون وصلك قطعناه=من شان تعذرنا وترضى علينا

[ناصر عبيد الهواوي]

إهمس وقل ويش اسوي في ترانيم وسناعيس....مساجلات ٍ تجي في ليل انا مانيب داري
اقلب اوراق وابحث في ملفات وقراطيس........واشوف كل الربع مابين نعسانن وساري
اصبح واصبٌح جهازي من قبل وقت الغطاليس.....والى المحاور مابين الربع تال الليل جاري

[سناعيس]

أسوي دلالي وأشعل فوانيس=واشب جمر(ن) يمتلي به وجاري
ثم اتقهوى واتعوذ من ابليس= وأسلا مع القيفان لا حل طاري
ومن شان ماتكثر على الكوابيس= أعيش ليلي لو قفاه النهاري
وأبادل الشعّار جملة أحاسيس=وان روحو مقفين زاد انتظاري
ولا فرق عندي بين ليلى ولا قيس=حتى ولا بين البياض وسماري
الكل منكم يالهواوي مقابيس=في ساعة لا غار ذيب الغداري

[ناصر عبيد الهواوي]

اويس كان الناس ماتعرف اويس........من قرن جا اسمه في صحيح البخاري
يبر بامه ما يعرف الدهاليس...........مجاب دعوة وانت بالكتب قاري
سأل عنه من فر عن دربه ابليس...........قال اطلب الله لي الى جيت عاري
مانتم من اصحاب الريب والحساحيس....يارجل كلن عن نزاهتك داري
والاخت ما تاصل حماها الوساويس......بس انتظرت ولا ظهر لي مواري
ياما حلا هبت براد النسانيس.............ايام وسم او ماطرن بالصفاري
قافن مع اقروم العيال المدابيس........والا عفيفات البنات المهاري
لا قلت لا تحري بقولي دواسيس.......انا سليم القلب يابن الخياري

[سناعيس]

اسمي سناعيس ولاهو ببوليس =وأدخل على الموقع بليا بواري
واشوف انا الشعار اسم بلافيس=متجمّعين من المدن والصحاري
ومن ضمنهم شرواك يارعي العيس=ياللي لك قلوب الفطاحل مذاري
مافيك لاشكه ولافيك تدليس=ولا انته من اللي للدواسيس شاري

[ناصر عبيد الهواوي]

صح لسانك واستلم
دبستها في ثنوة القاف تدبيس..........من غير قصد ٍ منك دون اختياري
سي يو تمورو يا براذر سناعيس.........ابليزانا قو آاوت شغل ٍ اجــــباري
اليوم بن قزلان ذابح لنا تيس...........في عبلة ٍ تذرا عليها الـــــذواري

[سناعيس]

هههههههههههه صح لسانك
لكنك على جزالتك وروعة أبياتك مابديتها بالأحرف (أ س و ي)
شكلك متحمس ونسيت ماعليش ههههههههههههه
لاهنت وسلم على القزلان كثير السلام وقل له يقول لك سناعيس وين الوعد

[ترانيم المطر]

أفتح جهازي والجماعه مجاليس =ماني من اللي بالخفا له مواري
أحاور اللي مثل شروا سناعيس = ماأحاور اللي طيب قلبه تجاري
ولا أحاور أصحاب الوجيه المعابيس = ولا أحاور الغاوي وهذا شعاري
سدي خفيته عن كبار المفاليس = وهمومي أكبر من وساع الصحاري
وغيابي أشبه في غياب المحابيس = غصبن غياب ولا بطوع إختياري
يمكن يطوّل والخفا بالكواليس = والله إلهي من يحدد مساري