حرب المحاوره بين شعراء الفطاحلة

[ابو زياد]

المشاركة الأصلية كتبت بواسطة ناصر القزلان

هلا بالطيب الغالي .. هلا بالنايب الثاني = هلا باللي يجيب الهرج لاعاذل ولا معذول
اشوف المشرف الفاضل يتعتع تقل برداني = نبي ننقل طويل العمر حتى ياخذ المحلول

انا ماقلت لك انه يبدل واحد بثاني=يغيروثم يتحول يصد تحس فيه جفول
ولكنا تعودنا على هدات حوراني=يصيد الصيد يومي به ويرمي به على المجهول

المشاركة الأصلية كتبت بواسطة ابو زياد

انا ماقلت لك انه يبدل واحد بثاني=يغيروثم يتحول يصد تحس فيه جفول
ولكنا تعودنا على هدات حوراني=يصيد الصيد يومي به ويرمي به على المجهول

اشوفه مايبي للعرس طاري صابه جناني = يداري خاطر الحرمه ووجهه بالمرق مغسول
يحدث بالبخاري وابن ماجه والطبراني = اكيد الاذن ممصوعه وفيه السوط عرض وطول

[ابو زياد]

المشاركة الأصلية كتبت بواسطة ناصر القزلان

اشوفه مايبي للعرس طاري صابه جناني = يداري خاطر الحرمه ووجهه بالمرق مغسول
يحدث بالبخاري وابن ماجه والطبراني = اكيد الاذن ممصوعه وفيه السوط عرض وطول

اجل تترقب خطهام تشوف لفعلهم شاني=يقول ان العنب حامض وهو عجز ولا له حول
مغير يقلب ايدينه يبي له مخرج ثاني=تدور المعركه لوه... بهالدنيا بغاها كول

[ابو زياد]

اشوف ان العرب نامت وحنا حول الاذّاني=وراكم ياعرب نمتوا ولا شايل ولا مشيول
عطونا البيت ينعشنا تراي مشنف اذاني= ابسمع منكم ابيات تزيد الحظ والمحصول

[الطائر المهاجر]

انا مانيب من يشري لحم كيل وميزاني = ولا ني من يبيع العقل في لحظات كالمخبول
ادربل قبل صيد الطير واقدم له بالاغصاني = طعم ما يوم يحلم به يحسبه طائر البلبول

اظن اللي مدح نفسه وركب عقل شيطاني=وظن انه قعد يرسم فلم بشار مع نحول
انا ما ابيع له نصحي وانا بعطيه مجاني=الى من الصغير نام حذار تحرك الهندول

لابو طله

مقردك يازمن اغبر صار للخبل ميداني=
تحزم في عسيب اخضر يحسبه سيف سلماني=
اشوفه ينتخي بناصر اكيد بالحيل بلشاني=
نسامح هفوة العاقل ونرجع غلطة المخبول=

[الذيب]

المشاركة الأصلية كتبت بواسطة ابو طله

اظن اللي مدح نفسه وركب عقل شيطاني=وظن انه قعد يرسم فلم بشار مع نحول
انا ما ابيع له نصحي وانا بعطيه مجاني=الى من الصغير نام حذار تحرك الهندول

ترى بشار ماله علاقة بنحول
بشار هو الي ضيع امه وتراى بالماريه قبل ما تبداء الحلقة يقولون ( بشار يابشار هيا الى العملي ).
اما نحول هو ذاك الخبل الي لاعبت(ن) عليه زينه .

للتنبيه فقط

[الطائر المهاجر]

بيض الله وجهك يالذيب .... اجل قاعد يلعب علينا ابوطله بسوالف يدري انا ما نعرفها
ايه ولدي عندك اياه لا اوصيك ، وهذي بيتين عنك :

يقول الذيب ولد الذيب حفيد الذيب شيهاني = ابو طله غدا يلخبط ولو شفته يدق طبول
جمع دباس مع عباس وغنى نشز اللاحاني= يحسب انه يبي يعرب وهو ما يدري المفعول

ارسل سلامي بريحة البن اليماني=
لبوزيدون ونسناس وسناعيس والذيب وابن قزلاني=
اخوه بيننا يخسى كل نذل وكل جباني=
وياهلا بابوطله والطير المهاجر له قدر وشاني =