أهل الشام (الخالدي)(الرماحي)(البسطي)

[نفحات حساسة]

صح الساااانك ،،،ولاهنت

ابداع يعيدنا اليك

سلمت وسلم فكرك

تحيتي

[نفحة الطيب]

المشاركة الأصلية كتبت بواسطة وليدالبسطي

بسم الله الرحمن الرحيم


السلام عليكم ورحمة الله

اخواني واخواتي الكرام

مجاراة لقصيدة (عجل على اهل الشام ) لشاعر والاستاذ احمد الخالدي

ولقد شاركنا في المجاراة الشاعر والاستاذ ساير الرماحي



عجل على أهل الشام

وشلون يا ولد البساطا أتحمل
وإسلامنا بالعين شفنا مأسيه

قم يا وليد الحين للبنك عجل
من يطلب النصرة أبد لاتخليه

عجل على أهل الشام وأحذر تمهل
راسي من الأحداث شف شيبت فيه

في أمة الإسلام مليون دمل
والمال للدمل علاج ويشافيه

شوف النصيري للغنادير حمل
الله من حقد النصيري وكلبيه

شوف الرجال شلون تقتل وتسحل
وبعض الرجال رخوم تشغله خديه

مهتم بالأسواق راح وتجمل
فكره غدى مابين بطنه وفخذيه

احمد الخالدي




أبشر بعزك

أبشر بعزك يا أحمد اليوم ببذل
في نصرة أهل الشام مالي وأبفديه

من صد عنهم جعل روحه تحصل
فقر ومصايب هالزمان وبلاويه

الدين يشكي ضعف جسمه وينحل
واليوم أشوفه جاير الضعف كاسيه

واللي لماله فالمواقيف يبخل
خالي من الغيرة والإحساس مافيه

شفت النصيري بآلة الحرب يقتل
وبعض الرجال رخوم يتبع مشاهيه

أبشر يا أحمد بس كبر وهلل
من يطلب النصرة أبد مانخليه


حنا لمال الله نجمع ونبذل
وحنا سناد الحق واللي مشى فيه

وليدالبسطي






الشام يشكي

الشام يشكي من بلا فيه يحصل
وراع المراكي ما شبع من تمركيه

وايران صارت للعرب رعب للكل
من عقب ما راح الذي ننطحه فيه

واهل العمايم ماله اليوم من حل
من عقب راح اللي يرده وينحيه

صدام اخو هدلا بطهران زلزل
وارعب نظام الفرس وارعب ملاليه

واليوم والله مالنا اليوم من ظل
وسيف العرب اقفى وراحت مغازيه

كله سببنا نطرف العين بالذل
واليوم ما ينفع كثير المشاريه

وصار النصيري يرفع الصوت للكل
لان ما حدن عنده يرده ويعميه

يفعل على كيفه ويحرق ويقتل
والروس خلفه والمجوسي يباريه


وياخذ بثار الفرس ويبرد الغل
وما فيه من يخشاه والله ما فيه

وحنا بلا عون وشكيمه ولا حل
من عقب ما لسني ولا احدن يعاديه

هذا جزانا نشكي الضعف والقل
وقد قيل بالامثال مافي معانيه :

منهو يخطط بالخطا دوم يفشل
جزاه ذل ومن يعاديه يفنيه

الشاعر ساير الرماحي

وتستمر الحرروف
ويستمر الاعجاب
بصدى بووحك
في انتظار جديدك
دمت بمليوون خير
أأختك،، نفحة الطيب

[الصياد]

حبك وسبك رائع
احسنت
وصح الله لسانك
تقبل أطيب تحياتي

[الـزلـزال]

لجمال حروف شعرك وتميزها وروعتها
.
.
عدنا
.
.

صح لسانك ملايين ملايين

ولك فائق تحياتي وتقديري

[ذهب الرجال]

الف الف صح لسانك
ولاهنت
ابدعت
تحياتي

[الباهلي]

جميل ان اطلع على نص رائع كهذا
صح لسانك وقلبك
ولاهان راسك
تقبل اعجابي وتحياتي

صح لسانك ويعطيك العافيه

تحياتي

[وليدالبسطي]

المشاركة الأصلية كتبت بواسطة بعيد الديار

شكراً على اتحافنا بهذه الرائعه
صح لسانك
ولاهنت
احترامي وأطيب تحياتي

تسلم اخوي


لاهنت

[وليدالبسطي]

المشاركة الأصلية كتبت بواسطة روح الشعر

شوف الرجال شلون تقتل وتسحل
وبعض الرجال رخوم تشغله خديه
صح لسانك واعتلى شانك

قصيده جزله من جزل

لاهنت ولا هان قافك

اخوي

ماجد

وجودك اسعدني

لاهنت

[وليدالبسطي]

المشاركة الأصلية كتبت بواسطة بنت العز

قصيدة طيبه و جزلة

صح لساااااااااانك مليوووون

ولاهنت

تسلمين لاهنتي على مرورك العطر