ديوان ضيدان بن منصور بن قضيعان

[العيناء العامريه]

الـــــــــبارحـــــــــه

	البارحه راسي تصافـق طواريـه=والنوم مالـه يمـة العيـن حـروه يلعب براسي صوت صلف المشاريه=ذيبٍ عوى يبغي عشا أمه و جـروه وأنا على الدنيا مـن الهيـه للهيـه=ماهمني شهـره ولا جمـع ثـروه همي وغمـي واحـدٍ يـوم الاقيـه=كني عليل وشوفتـه محـو قـروه ياتل قلبي فالهـوى مـن عروايـه=تل الرشـا دلـوٍ ثلاثيـن عـروه يتله اللي حامـي القيـض حاديـه=يسقي لـه إبـلٍ مارعاهـا بكـروه عشرٍ شريدة كثرهـا مـن غواليـه=اقفت كما يقفي مـع الجـم مـروه واللي بقا عشرٍ وصاته مـن ابيـه=من دونها لو يصبح الصدر فـروه قلته وكل إنـاء ينضـح بمـا فيـه=وفالعمـر يـومٍ يبلـغ العـز ذروه واليوم هذا يـا أولـه ويـن تاليـه=والنوم مالـه يمـة العيـن حـروه

[العيناء العامريه]

|؛¤ّ,¸¸,ّ¤؛| انا من الي مجدهم |؛¤ّ,¸¸,ّ¤؛|

	يقول من عدى على روس الطـوال النايفـات=من ضيقةٍ فالصدر كانيهـا وحزتهـا عصيـر يالله يا اعظم من الاسما واجل مـن الصفـات=يالله يالله يا غفـور ويـا سميـع ويـا بصيـر يا رب اجرني من عذاب القبر ما بعد الممـات=واغفر لابي وابيه واخوانه واجرهم يا مجيـر يا ربنا عبدك واشيل مـن الذنـوب الكايـدات=ما لاتشيل الارض والدنيـا رحاهـا مستديـر ياربنا عبدٍ خلقتـه مـن تـراب وطيـب ذات=ونفخة فيه الروح وانت اللي على ذلـك قديـر يا ربنا ما خترت اكون الشاعر اللـي قاسيـات=الطرق يطرقها وتصبح له ارق مـن الحريـر انت الذي خلقت كائـن حـي غيـر الكائنـات=الحمد لك والشكر والمنـه وفضـل الله كثيـر ياربنا شاعر واهيـم بكـل وادي مـن شتـات=واقول مالاافعل وانا مؤمن ولي قلب وضميـر شاعر ويتبعني مـن الغاويـن كثـر الغاويـات=اذنب بهم وان غرروبي صرت اقل من الغرير والشعر مثل السيف ابو حدين وعيـن البنـات=يا ليتها كانت مدى الشاعـر ومرسـاه الاخيـر ماكان جبت العيد والعـذر البنـات المترفـات=والعالم الله وش نوى قلـب المقـدي للضريـر البارحه هبت علي الريح مـن كـل الجهـات=حتى عرفت ان الليالي غير والوقفـات غيـر وقمت اتلفت فالسنين اللي غدت منـي فـوات=وامنت بان العمر مهما طـال بالدنيـا قصيـر كلن يموت وينتهي والوقت يمضي هات هـات=ولا عاد يبقى الا الذكر ان كان شر او كان خير والشاعر ابقى بعـد موتـه بالعلـوم الطيبـات=او عكسها والوقت ياخـذ والقصايـد تستخيـر اقرب دليل اللي لهـم فالبيـت سبـع معلقـات=راحوا ولا زالت قصايدهم كما البـدر المنيـر الاعشى وعمرو وطرفه بن العبد والعبسي ثبات=والنابغه وبن ربيعه وبن ابـي سلمـى زهيـر والشعر فضل شاعره عمن سواه ولـه سمـات=فضل ابو الطيب وهو سقى وابي فْراس اميـر والشعر مهما فضل الشاعـر مقـام ودرجـات=ما فضله بالفعل في اليوم العبـوس القمطريـر اقولها وانا اعرف انهـا مـا تلحفنـي العبـاة=اللي طرفها في يدي واكمامها في ايد الوزيـر لكن على الله يا متم الصـوم ومقيـم الصـلاة=تدفى الكفوف الباردات ويجبر العظـم الكسيـر يا صاحبي يا حظي المكتوب يا اغلى الامنيات=يا اجمل الصدفات لو ما جات يالسهل العسيـر من صيف عامه ما خذاني عنك بعد ولا سكات=وانت اتجاهلني واناوضعي من اسبابك خطيـر والحب ذنب مـا يكفـره التجاهـل والسكـات=واجه فديتك واحسم الموقف يصير اللي يصير ولا تعلقنـي علـى امـل نجـوم ٍ سـاريـات=وابقى على قول البدو لولا الامل مات الفقيـر يا صاحبي يا اغلى السنين الماضيه والمقبـلات=يا اعز واغلى من على الدنيا برجلينـه يسيـر لا تحسب اني جاهل ٍ بعض الامور الخافيـات=اللي تحدك وانت مالك مـن مخاليبـي مطيـر ادري واقـدر واتحمـل واتحاشـى الانفـلات=والاتراني في بعض الاحيان ما اطيع الشويـر والصبر مفتاح الفـرج والقـل جـراح اللهات=وسهيل يبدي في السماء ويهيج فالقـاع البعيـر وانا من اللي مجدهم على ظهور المسرجـات=قوم ٍ ماهي بتشد لا جاها مـن القـوم النذيـر وشعادني حيٍ ٍ علـى شانـه وشلـي فالحيـاة=ان كاني لاسرجتها ما افـرق الجمـع الغفيـر لعيون من حبه رسى مرسى الجبال الراسيـات=وليا اصطفق ما كنه الموج في البحر الغزيـر

______________________________ ______________________________ ____

[العيناء العامريه]

في محمد بن سعيد ابوجعشه العرجاني
الفائز بالمركز الثاني في مزاين قبائل يام ( فئة الوضح )

	ياهل الذيـدان أبوجعشـه لحالـه=ودهـا بالجمـل ولا بالتـحـدي راعي الوضح الغوالي ساق ماله=لين جاب اللي مع الغدرا تشـدي وكن غلاها مخيم أصحاب الجلاله=ومن لمحها مسرع عـود يهـدي والفحل لامن عرض لك كن سباله=مقدم المزنه على النـو إمتبـدي لاعطتك انحورهـا كـلا طرالـه=إن راعيها على المـدح إمتعتـدي من محمد محزمن له طاب فالـه=في نهار ذاك طاب وذا إمتـردي طيب من طيب إبيه وطيب خالـه=وكلبيهم صلب أبوي وصلب جدي ولو أبذ كر خصلتين من خصالـه=بيحت بيت القصيد وبـاح سـدي كن ربي خالقـه طيـب وجمالـه=يوم ولد الـلاش يسفـه مايهـدي

[العيناء العامريه]

قصيده ضيدان في مزاين ال عرجا

	حنا آل عرجا لكتسى الجو بارود=نهيج مثل الموج عقب الركـادي هواشم(ن)افعالنا مالهـا حـدود=مذاكر(ن)وانسن صعب الجيادي يامية(ن)من يام حمايـة الـذود=صيارم نشدي طيـور الحمـادي لا جا نهار(ن)فيه طارد ومطرود=كم شيخ قوما صار حظ الحنادي

[العيناء العامريه]

|؛¤ّ,¸¸,ّ¤؛| زعلوها |؛¤ّ,¸¸,ّ¤؛

	الهنوف اللي سرت من نجد وأمست فالحوية=ضيقت صدر الرياض وسافر الطايف وجاها وأنثنا غيم الحجاز لخـد نجـد النرجسيـة=يوم جاته من زعلها كنهـا تقصـر خطاهـا زعلوها ورحلت وأخلت قصور الفاخريـة=وألحقتني شرهة الزعلان وأخطاني رضاها سافرت والله ما أخبر اللي يزعلهـا عليـه=وأستباحت يالله الخيرة سهر عينـي وماهـا ليتها يوم أستباحت دمعـة العيـن الشقيـة=ما أستباحت دم قلبي من خلاها في خلاهـا دونها ما أغليت وسم أهلي ولا شداد المطية=مرخصٍ فالقاع عمري والثريا فـي سماهـا لايمي يبلى بحب الحضـر بعيـون أبدويـة=في ظروفٍ ما يقـارن مستـواه بمستواهـا درةٍ بالموت محروسـة وبالبحـر محميـة=البحر من دونها والموت الأحمر من ورهاه لا أقبلت هيجنت وأن أقفت جذبت السامرية=وا عذابي لا عطتنـي وجههـا ولا قفاهـا أن عطتني وجهها يسعد صبـاح النرجسيـة=وأن كستني نفحةٍ من ليلهـا يسعـد مساهـا

[العيناء العامريه]

|؛¤ّ,¸¸,ّ¤؛| يا عظيمه |؛¤ّ,¸¸,ّ¤؛|

	ياعظيمه ما العظيم الا الهوى لا ادمـع المـوق=مالقيت من المحبـه غيـر جرحـك ياعظيمـه. ياعظيمه جيت راغـب ساقنـي يمـك الشـوق=جيتلك وافي ماقصدت بجيتـي اخـذ الظليمـه. عاتبيني لو عتابك نـار لاتبخلـي فينـي بطـوق=طوقيني بالقيـود وحاكمينـي بأكبـر جريمـه. ادري جفيتك واعتبرتـي فـي معانيـه العقـوق=لكن كيف اتوب من الهوى جاوبينـي ياعظيمـه. كيف اتوب ياشعاع النـور مـن بيـن البـروق=وكيف اتوب عن هواك العذب وعنـك يايتيمـه. كيف اتوب من الغلا والمحبه اكبر شي ٍ يعـوق=والذكريات اللي بينّا مارضـت تصبـح قديمـه. كيف اتوب منك ياول معانـي الضنـا والشـوق=كيف اعافك؟؟ كيف اهاجـر والله انهـا نديمـه. كيف اتوب وانتي في سما حبي مثـل الشـروق=كيف اتوب وارضى خافقي يحرق في جحيمـه. انتي اللي لا نظرتك لو خاطـري متكـدر اروق=انسى همومي والتهي فيـك بنظـره مستهيمـه. واسمع حروفٍ كنها الدر انتثر من ذاك النطـوق=تهمل امطار العذوبه علينا ذايبه من كـل غيمـه. دخيل الله دخيل ابوك دخيل دمك فـي العـروق=دخيل العزه اللي ما اعلنت مع الحاجه هزيمـه. اعذريني والعذر مابعد اعلنته لغيـرك والخفـوق=اني عشقت .. ولا دريت اني عشقتك.. ياعظيمه.

[العيناء العامريه]

|؛¤ّ,¸¸,ّ¤؛|
مرئيه لـ المرحوم
حسن بن مانع بن رحيان
|؛¤ّ,¸¸,ّ¤؛|

	ياونتي يوم قالـو مـات ابـو ماجـد=ونت قصّير على أغلى واطيب اخواني انشهد انه هجدنـي البارحـه هاجـد=علمِ هجدني على الغـرات وابكانـي العلـم جانـي وانـا فدبـي متواجـد=وبغيت أهلل واكبر غار مـا امدانـي كبدي بجدها من سيوف الحزن باجـد=صبح الشؤيفـات صبحنـي ومسانـي واكبدي اللي عليها الحـزن متراجـد=وجعه محرم وذو الحجـه وشعبانـي مرحوم ياللـي يجـود بكـل ماياجـد=وابرك لياليه لاجـا البيـت ضيفانـي ترحبيتـه تستبقهـا ضحكـه الناجـد=ومـرات كفـه لوجـه الله سفطانـي الدّيـن المستقيـم الراكـع السـاجـد=كريم وجـه وكريـم يميـن ولسانـي ياموت يوم الهواشـم جمعهـم واجـد=ماخذت غير ابو ماجد واحـدٍ ثانـي! يالله تجبر عزانـا عقـب ابـو ماجـد=وبرحمتك ترحمـه ياخيـر رحمانـي

[العيناء العامريه]

ّ¤؛| أمـا اّنـ لـنـا |؛¤ّ,¸¸,ّ¤"]

	أنا .. أنا وأعوذ بـك يـارب مـن كلمـة أنـا=عبد وهبته مـن بديعـات المواهـب ماوهبـت آمنت بك وأسلمت لك أمـري وأناوأنـا = وأنـاالمنتهي كل أربعاء والمبتدي فـي كـل سبـت أخاطب عقـول الرجـال الفاهمـه وانـا= هنـاواليا شـاء الله وأمرنـي ماتحاكيـت وكذبـت أجمل نساء الارض غنت لي بصوت ((الله لنا))وأنا= الفقير اللي رزقه الله بمرعـى كـل نبـت طرقا عرض فستانها الازرق خطر غصن القنا=نازل على الوادي بنا يشرب وانا قبله شربـت حبيتهـا ليـن انفـرط سلسالهـا بعـد وعنـا=وأبعدت عنها في حياتي كثـر ماعنهـا قربـت قولوا لها يا أجمل نساء الارض ((أما آن لنا))=أن ننهي الحلم القديم ونكبـت الغايـات كبـت

[العيناء العامريه]

|؛¤ّ,¸¸,ّ¤؛| يـاشـيـخ |؛¤ّ,¸¸,ّ¤؛|

أنا ياشيـخ مانـي بعجميـا=ًأنا من خير من في الأرض
فلا مجدٍ يطاول مجد قومي=قبـل يبعـث رسـول الله
لنا سلماً فرقنا عن سوانـا=أذا منا الجبان أشتدا عـودٍ
أشارة أمـهُ إن اقتلواهـو=ذبحناه وضحك عمه وخاله
و ما ملء القلوب منهُ حزنٍ=لذلك لاتجد فينـا ضعيفـاً
ولا منـا تحالفنـا وفيـنـاعلي= الشاهد الله ثم يشهـد
كفاك المجـد ياراسـي أذا=وليس المجد قد كانا أبائـي
بل المجد وقوفٍ ذات يوماً=مابين أيدين أحمد بن محمد
بقلباً صادقاً وخـوف فيـهِ=وأذ ما قامر الأنسانا يـومً

[العيناء العامريه]

|؛¤ّ,¸¸,ّ¤؛| الأبـــــــراج |؛¤ّ,¸¸,ّ¤؛|

	الدلو والميـزان والقـوس والحـوت=ماغير برج العـاج تغـري وصوفـه وبرج بقلبـي بـرج لولـو وياقـوت=لا يـا بعـد بـرج الحمـام ورفوفـه ما يسكنه غيرك من السيـف للكـوت=لو ينتحـي راس الولـد عـن كتوفـه علـم وكيـد بالمواثـيـق مثـبـوت=ما هـو عـذر اللـي يفـرك كفوفـه والله لا سافر لك لو ارجـع بتابـوت=وانا من اللي ما ربـوا فـي مروفـه على الشقا لاع الهوى كـل شفلـوت=وانتـي تلوعيـن الحشـا بالطروفـه والوقت للجاحـظ والايـام هـاروت=والقلب حاتم وانتـي اغلـى ضيوفـه يا مرحبا ترحيبـة عقـاب يـا نـوت=والحـي يلحـق لـو تحـده ظروفـه صوتك يكفيني عن الشـرب والقـوت=وشوفـك غناتـي والحيـاه مخلوفـه يااقوى من اللوعات واسخف من التوت=وابلغ من البيـت الاخيـر وحروفـه رجـل تنادينـه ولا يسمـع الصـوت=خسـارة سمعـه وصوتـه وشـوفـه ورجل يضمك بيـن اياديـه ويمـوت=والله مـا يلحـق حيـاتـه حسـوفـه