خواطر شعرية

تعبت واتعبت القدم في مماشيك=والنفس طابت من حياة الشقاوي
لو كنت تدري كيف انا كنت هاويك=ماكان خليت المحبه لهاوي
يضيع وجهي كل مامر طاريك =شكلي يقول اني مسوي بلاوي
صحيح ببعد بس ماني بناسيك=بذكرك لامن قمت اغني غناوي

[شوق]

في ليلة قمراء كسف نورها بدري =بكّتني الفرقا وأنا منك مقهور
لاحت بروق الشوق في غيم شعري =وزارت رياض الحب في لحظة شعور
جيتك بلا ميعاد أشتاق ما ادري =بيني وبينك حارس الباب والسور
وشلون صار القصر لحدي وقبري =وشلون صار الحلم برواز مكسور ؟

فاقدك والآه في قلبـي تلـوف
والالـم ماللألـم عقـبـك دوا
النسايم اصبحت برق وعصوف
والسرور اللي علا نجمي هـوا
ياغالية آآه ياصعب الظـروف
وياقسى قلب الليالـي والنـوا
فاقدك ليتك تشوف اللي اشوف
ضاقت الدنيا وضاق المحتـوى

وش فيكم الليله القصائد كلها فراق

اعوذ بالله

قالت هلا لبيه قرة عيوني =واغضت بنجلٍ تسحر اللي نظرها
سودٍ هدبها للمعنى فتوني=كن المنايا تجتمع في حورها

آآآه لو تدري بهمي [ماحكيت].. غصب اداري عن عيوني لوعتي..

حتى والعبره بصدري مابكيت..خايف تلمح [بعيني] دمعتي...

ورغم ماشفته [اموت] ولا اشتكيت..وقوتي ميزه وضعفي روعتي..

حالف ابقى بصمتي ماحيت..حتى لو ذابت بقايا [شمعتي]..


( هي مجرد خربشات لاغير ^_^ )

[شوق]

أنقذيني يالمشاعر صحي احساسي الغبي=هم بعثرني وراح أحلف إني ماقربه
اقري آلامي بوجهي واعرفي وش مطلبي=بعض صمتي هم واضح واغلب الصمت أغربه
ارتوي من التجارب اشربي منها اشربي=الخيااااانه كااااس علقم لا وربي ماشربه

اخذت لي في ماضي الوقت سجات=يوم الهوا قايم وانا اتبع هوايه
واليوم تبت وجزت عن كل مافات=طويت عن كل الموارد رشايه

مو لي

[منيع]

يانفس عن قيل الشعراعتقيني=القاف يتعبني وانا قلت مابيه
مليت ثم مليت ماترحميني=الامتى والقاف لازم اداريه
شيطان شعري بالعنا مبتليني=ياالله عسى الايام تقطع عراويه
لوقلت بسلى ماتركني يجيني=عجل على الطاير ولاقدار ترميه

في عرش بلقيس ليله ماقدر انساها=واظن بدر الدجا ماهوب ناسيها
ليله خذتنا من اولها الى اتلاها=ضوت على نور واضوا البدر تاليها
عجايب الحسن بانت في ثناياها=والملح منقاد باولها وتاليها
وردٍ على ساير الاسوار غطاها=عقدٍ على قمة المتعه مغطيها
الشوق مشتاقها من قبل مبداها=الشوق من قبل لاتبدا مبديها

ان كان تنفع كملتها