عجاج الرياض ..

[الطائر المهاجر]

قلبٍ خلي ما عرف للخضارا = يشيب قبل الوقت ما له خيارا
ولو قلت له تحتاج نفض الغبارا = يقول معرف لو بغيتَ تدله

هذاك خله في حدود المدارا = وش علم الجاهل فنون العذارى
يمشي يمين ويلتفت لليسارا = يقرا ولايدري وش العلم كله

[الطائر المهاجر]

رجلٍ بلا خبره فلا يستشارا = ومن لايسافر من مطار لمطارا
عيشه مثل موته حياته دمارا = مثل العجوز بكل نقضه وفتله

اواه ليت الناس دايم سهارا = تشوف وشلون القمر لاستدارا
خيم ظلام الليل فوق الحبارى= واللي يطالع بالقمر مايمله

حنا الى جت بالحميه غيارى = لكن نحب الفرفشه والاثارا
ياماحلا الجلسات تال النهارا = في شقة على الشواطي مطله

[الطائر المهاجر]

اخذت من جماتها لين صارا = مثل الحلوم اللي توارد نهارا
وقصيت جنحان بها الطير طارا= يكفي ربع قرن ولا مابه مذله

[ابو صهيب]

مااحدٍ منع ناصر ولا الطير حارا =في روحته لديار زين العذارى
الطرق ذيك معبدة والمطارا = لكن أخاف الله إذا جات زله

[سناعيس]

هههههههههه
أيه يابو صهيب عليك بهم <<<<<<<واحد يحب الشر
مايفل الحديد الا الحديد

[سناعيس]

الله ياناصر يجيب انتصارا= لابوصهيب وصاحبه باحتكارا
وتعاف عيشة زابنين التجارا=كانك تقول ان الفقر به مذله

[الطائر المهاجر]

ناصر ترى هامور بن وبهارا = وله بالكرم عادات تعرف جهارا
ولا له بالاسهم مثل بعض الحيارا = اموظفٍ راتبه فيه المذله