اكمل الأبيات التاليه

[الطائر المهاجر]

ترى الحكم ياشيخ لاصار عاجل = يظلم به المظلوم ماله سبايب
راجع لحكمك خل بالحكم عادل= ولا تصير قاسي بالحكم ضد شايب
اشويب مظلوم جته البهاذل= ومنيع والطامي ورا هالنشايب

[داعي الشوق]

دام اعترفت بكل ما كان حاصل =صدر القضية منك يالعود طايب

الشيخ مايبغى كثير المشاكل= لو كان منك شاف بعض العجايب

ومنيع مع منصور حابل ونابل = لوقلت عنهم يالمهاجر حبايب

وان كان بنت النور تقدر تواصل =لو عندها حجه وبعض الطلايب

[الطامي]

ههههههههه
خلاص طاح الحطب

وصح السنتكم والله يجعل لمتكم وجمعتكم على العز والطاعه
ولاهنتوووو

[الطائر المهاجر]

انا اشهد انك دوم ياشيخ ظالم= تمشي مع اللي يقدمون البخاشيش
قردنك ابن طامي بهرج المسالم= بالشات شفته كاتب لك دناديش
ويمكن وراها باستراحه ولايم = يانعنبو فرتك شيخ القراقيش

[الطامي]

هههههههههه
شفت ياداعي
ماله رفيق نووووب
امس مسويك قاضي واليوم منتفك

لاكن تكفى خله
شيبتنا ويمكن السكر مرتفع عنده
او ان البيت معطيه اشكل
هههههههههه

[بنت النور]

ياصباح الخيريوم غنه منيع والطامي
باالابيات والكلمات والشعر والقصيدي
اضربنا ياشاعر الفطاحله وهات الحروفي
منيع لاقلت بيت شعر تجري كل الحروفي
ماني بزعلانه اذا كتبت ابيات في الهمسي
الطامي هات قصيده وابيات الشعروالقوافي

[منيع]

البنت بنت النور والعلم سامي=بشري بسعدك ولاعنه نحيدي
انا والطامي ولابها كلامي=نكمل بعض في كل امرجديدي
تستئنف الجلسه بليا ملامي=والطير يبقى في قفصه الحديدي

[الطائر المهاجر]

ول ول
في قفصه الحديدي
ياظالم

مايحط في شيك الحديد الا الدواعش= وانت اظنك يامنيعٍ داعشي
ما تخلي الشر تهاجم او تحارش = فيك شيطان وجني مرقشي

[الطامي]

يارفيقتنا بمنتدانا الفطاحل = لايغرك هرجة الطائر علينا
هو يحسب انا لمثله بنتساهل = يعمل التهمه ويرميها بحدينا
ويجعلك قدام في وجه الجحافل = وهو ورى التله يراعي مايجينا
مادرى انك ذيبة دربها نافل = وتعرفين ان الخطى ماهو بزينا
ابشري بنسنعه والله الكافل = لين انه يعوذ من بليس اللعينا
او نشب النار ونجيب الكيابل = يربط ونكويه بكل وقت وحينا
وان زعل قلنا مزوحٍ ولا تطابل = من فتح بابٍ عليه الله يعينا
ابتلشنا به ماينباع بمقابل = غاليٍ ومنا وفينا كنه حدينا

هههههههههه

[الطائر المهاجر]

لاتهاجم بنتنا نور الفطاحل=يوم قالت حق بين الناطقينا
نعرف الطامي ولوهو شخص فاضل= ساحر ودجال ما يخفى علينا
سحره الواضح يخلي منيع خامل=يردد لهرجه شمال مع ىيمينا
كلمة للحق فيها ما نجامل= فك سحرك من منيع يرجع الينا