هموم القلب

[صعبة المنال]

المشاركة الأصلية كتبت بواسطة منصور المري

الله من قلبٍ اهمومه تتالى = ماراح من هم يجيني بداله
اهموم قلبي على حالي توالى = سعيرها بالكبد زاد اشتعاله
والله عليمٍ بالخفايا تعالى = سبحان من هومنفرد في كماله
طواريٍ تاتي جداد وسمالى = تمت توارد كلها في مجاله
طاري يقول اذكر قديم الفعالى =وطاري يقول اذكر جدايد افعاله
وطاري يقول اصبربزوداحتمالى=وطاري يقول ابعد ومالك وماله
ابات في حالات واصبح بحالى= واللي درابي قال عزي لحاله
هذا وانا منصور مابه مجالى = ومداخل الشيطان فيهن اقفاله
اصبرعلى ضيم الدهر والشكالى = ولا معونة واحدٍ بــه هباله
نفسي عزيزه ماتحب الهزالى = ومطنوخ راسي ماهضعته محاله
مانا بمن لاشاف ربعه تمالى = يصد منهم غير ابين وانا له
اما تجيني ابخير والايقالى = رجل مع ربعه وجنب سواله
انا احمد الباري على الاحتمالى= وارجي معونة خالقي باحتماله
ويالله ياللي عالمٍ بالحوالى = انك توفقني لدرب العداله
رحماك يارب الضعاف الثكالى = ياواحدٍ كل الوجيه تعنى له
انك تصبرني على هالحوالى = وانك تفرجها على كل حاله

الله الله عليك يا منصور
هموم القلب ما تخلص


صح لسانك وفكرك


صعبة

الإبداع و التألق
يرتقيان بفكرك و روائعك
دمت و لا هنت

[الطامي]

حوريه
ومن قال سالم
اختي
شكرا لكي على المرور والمتابعه والتعليق
ولاهنتي

[الطامي]

صعبه
ومن قال يسلم اختي
شكرا على مرورك وتعليقك
ولاهنتي

[الطامي]

حصه بنت هادي
صح بدنك اختي
شكرا لكي على المرور والمتابعه ولاعهنتي

[عبدالعزيز العقيدي]

تسلم اخوي منصور
ولابي يفرج الهم عنا وعنك
تحياتي لك
دمتم بخير

[الطامي]

العقيدي
صح بدنك ولاهنت عيني
على المرور
وشكرا لك

[الطائر المهاجر]

جزله من راس جزل
صح لسانك
ولاهنت
تحيتي واحترامي

[الطامي]

الطائر
شكرا لمرورك الطيب
ولاهنت عيني

[النهج المختلف]

منصور المري صح لسانك ,,,,

القصيده رائعه ومعبره من شاعر جزل ,,,,

والله يبعد عنك وعنا كل هم ,,,,

الله يعطيك العافيه لاهنت يابومحمد ,,,,

تحياتي وتقديري ,,,,