الى من طاب لي نظم القصيد(الصراحه)

[نفحات حساسة]

اخوض بحور ظلماتٍ واجيـب الـدر بالقيعـان

واضمنهـا قصايـد مبعـداتٍ فـي مراميـهـا

وانا اشهد وصح لسانك بجد روعه

ولالالالالالاهنت

[الطائر المهاجر]

شكرا لأخي منيع
على كريم الحضور والمتابعة
لاهنت يالغالي
تحياتي الطيبة

[زهرة اللوتس]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميز

[صعبة المنال]

صح لسانك

للتميز عودة

صعووب

[الطائر المهاجر]

شكرا اخي مبارك
على كريم الحضور والتفاعل
لاهنت
تحياتي

[عمر ال شيبي]

المشاركة الأصلية كتبت بواسطة الطائر المهاجر

الى من طاب لي نظم القصيد وزانت الألحان = تخيرت القوافي اللي جزيله في معانيها
احط البيت فوق البيت حتى يكمل البنيان = وميزان الذهب عندي على الملي امشيها
وضوحٍ كنها القمرا بليلٍ والفكر ربّان = تشدّ اللي يتابعها فلا ادغام يخفيها
اخوض بحور ظلماتٍ واجيب الدر بالقيعان = واضمنها قصايد مبعداتٍ في مراميها
احرّك حس في الصاحي ووقظ واحدٍ نعسان = على عينه غشاوه في سنين القحط تعميها
تعودت الصراحه في شجاعه ما خشيت إنسان= اخاف الله واحسّب يوم يأتي الروح داعيها
فلاني من يحط الدين ستره تخدع الظميان = ولاني من يقول اشرب قبل لايحوس صافيها
وتعودت انصح المخطي واصحح زلة الغلطان= بحلم ولين حتى انه يدل دروب مخطيها
واذا غلطان اتأسف واشيل الحق مهما كان = فمهما كنت انا ناقص ولاهو عيبٍ اخفيها
واذا من شفت لي منهو وضيع اكويه بالحقران= واكرم لحيتي عن لحيته وارفع مناحيها
وتعودت اردع الظالم ولو هو غالي الاثمان= وحتى النفس لو جارت بعين العقل اوطيها
يبان الرجل من فكره وفعلٍ واضح البرهان= فلا ثوبه ولا بشته تقدّر لو ينقيها
وحقران الرجال اكبر خطأ لو من عظيم الشان= الا ياسرع ما تقلب حياةٍ داله فيها
ورجلٍ شايفٍ حاله ولو قال انه فلانان= ترى رعديد مهزوزٍ يخاف الناس تدريها
يعيش العمر في حلمٍ على انه علّق النيشان= يشوف انّه وصل فوق الثريا في تعليها
وهو لازال في الواطي يعاني من عمى الألوان= فمثله منخلٍ والشمس لايمكن يغطيها
واذا من شفت لك رجلٍ يغنى كيف كنا وكان= فغمّر ماش لو سولف سوالف عِجز يرويها
ومن حاول على اكتاف البشر يطلع فهو مرضان = مرض شهره ولا هو قادر بالفعل يجنيها
فرجل ما بنى بزنده واسس بالعقل بنيان = يحصد اوهام لو كبرت تهاوى فوق بانيها

ايه يا قلبي تهاوي فوق بانيها

صدقت وصح لسانك دوم بالطيب

الله عليك

ما زلت في القمه يا قمة الشعر وحلاه

[عبدالعزيز ابراهيم المنصور]

الله الله
ياالطائر
لافض فوك
سلمت ولاهنت
دمت بخير

[نفحات حساسة]

صح السانك..وصوتك

ولاهنت يالجزززل,,أبيات رائعه

يعطيك العافيه.. وسلمت لنا

تحيتي لك..

[علي سعود العازمي]

اخوض بحور ظلماتٍ واجيـب الـدر بالقيعـان
واضمنهـا قصايـد مبعـداتٍ فـي مراميـهـا

واذا من شفت لك رجلٍ يغنى كيف كنـا وكـان
فغمّر ماش لو سولف سوالف عِجـز يرويهـا

فعلاً أبيات بعيد مرميها

بدون مجامله تستحق كلمة صح السانك

على هذا القصيده لاهنت

خالص ودي وتقديري

[حي الضمير]

وتعودت اردع الظالم ولو هو غالـي الاثمـان
وحتى النفس لو جارت بعيـن العقـل اوطيهـا


ياسلام شاعرنا الكبير الطائر المهاجر
ابدعت وقول وفعل
وقصيده تستحق الرفع والعوده مجددا