كل واحد يحط في اللي قبله بيت شعر <<<< للشعراء

[شموخ سدير]

يوووووووووووووه تجنن خياااااااااااااااااااااال يا شيخه والله فرحتيني وابيات ذوووووووق

ورااااائعه مثل صاحبتها جعلي مابكيك وجعل فدا لتس ياقلبي

والله احلى بيتين انكتبوا فيني طيرتني فوووووووووووووووووووووووق <<<<<مشكله من ينزلني هاللحين ههههه بس جعل محد يطيحني على وجههي

والله مت من الوناسه هههههههههههههههههه


تســـــــــــــــــلم مشرفنا على هالابيات الروعه وصح الله لساااااااااااااااانك

حاولت اصدد عنك يمين ويسار=ومدري وش اللي قد رماك بطريقي
شموخ تلعب لعبة البس والفار=ولسانها ينقط بحلو الرحيقي
لكن اباعطيها من اليوم انذار=والا باكتفها بحبل وثيقي

[شوق]

ناديت حرفي يوم جاني تهيا= أبنثره باللي طرالي على ذوق
هذا جزاء الجود شمسه وفيا=قرمٍ كريمٍ يصدق الفعل منطوق

[سناعيس]

شوق(ن) تتل القاف لامن تهيا=تل الرشا في يد نشيط متحمّي
بنت الرجال اللي لهم بالحميا=صوله وجوله وللمعادين سمّي

[عالي مستواها]

ابطري اسمه وهو اصلا على لساني

يستاهل الذكر الحسن وهو سامي

سناعيس نعم.. ولد شيخ اسنافي

ابمدحه وحبر في هالدنيا ما يوفي

اصالته عالم ٍ فيها القاصي والداني

حبابت قلب وفاء وفزعة رجالي

الله يفكه من شر الانس والجاني



ان شاء الله تعجبك

التجربه الثانيه لي بعد شعري في شيخة القوم

بس ما ادري انتقدوا لاني مو خبره مره

ارجوا اعطاء الرأي بصراحه

تحياتي للجميع

[شموخ سدير]

ماشاءالله مبدعه وانا اعجبني واكيد اترك المايك لسناعيس لان له خبره وباع كبير وباقي الشعراء


جزاء الحارثي <<<<< انا صاحبة الموضوع يعني لازم اقدم تشجيع ولازم اني اطب فيذا واناظر وش تزينون


ومن هذا المنطق لا احد يكتب لافيني ولا علي .................



رجاء لكم كلكم انا لا تعتبروني معكم في المسابقه يعني على طول اكتبوي في اللي قبلي

لان من حق صاحب الموضوع انه يشكركم جميعا على التفاعل الرائع وهذا الموضوع اعتبره موضوع ناجح بالنسبه امواضيعي الاخرى ..............

وشكرا لكم على تفاعلكم مرة اخرى ................

<<<<<<<<<<<<<<<<<<<<<< جزاء شكرا على الابيات

[سناعيس]

بنت تسمى عالي(ن) مستواها=بنت على كل الفطاحل عزيزه

كلمات رائعه وفكر راقي
ولكن أبكون صادق معك أختي الفاضله
من الشروط الأساسيه للشعر الوزن والقافيه وهذا مالم يتوفر في قصيدتك
ولكن على العموم كلام جميل ولو فكرتي توحدين قافيه العجز وتوحدين قافية الصدر وتحاولين ترددينها على شكل غناء بينك وبين نفسك سوف تجدين البحر الذي سوف تتكون منه القصيده كوزن ومن ثم تكملين على نفس النسق الى أن تكتمل الفكرة التي استوحيتيها سواء من الخيال أو الواقع .
شكرا لك أختي العزيزه وبانظار ابداعك القادم في مجال الشعر بإذن الله لأنك سوف تكونين حتما شاعرة لايشق لها غبار مادام انك هاويه ومتذوقه للشعر

تحياتي

أما بالنسبة لك ياشموخ شكلك تتنحشين عن الهجاء لكن فيك فيك وين بتروحين
بس الآن أنا مشغول في المحاوره بس اتفرغ لك وبتشوفين .<<<<<<<< حمش والا لاهههههههههه

[عالي مستواها]

مشكووووووووووووووووووووووووووو ووووووووووور على النقد البناء ان شاء الله افلح فيه وانا ما ضنتي

دجه بس احبه يالله خذ ورنا وش رايك


البدر مضوي ونوره من (سنا )عيس

لمن لمع ضوه مشت ناس على نوره


والله مدري وشهي قايله خخخخخخخخخخخخخ

[شموخ سدير]

هههههههههههههههههههههههههههههه ه

حتى هذي حلوه اهم شي ثقة الواحد في نفسه <<<<<< علمي نفستس هاللحين همن علمي غيرتس


سناعيس الله يخليك لعينن ترجيك والله يدخلك الجنه بدون حساب
والله يسهل عليك كل المصاعيب ,,, والله يرد كيد من يكيد لك
والله يبلغك في عييلك ,,,, والله يسهل امورك
والله يشفي جميع مرضاكم ومرضانا ومرضى المسلمين
والله يخليلك مريتك وعييلك ويخليك لهم

<<<<<<<<<<<<<<<<<<<<<<<<<< الله يعافيك بعد هالدعاء كله لا تحطني في راسك
<<<<<<<<< والله انرحم ,,,,,,,,,,,,,, سؤال ليه الثانيين ماتحط فيهم هجاء ؟؟؟؟

[سناعيس]

الآن أحسن
ركزتي أكثر وبدا يضبط معك الوزن قليلا
ولكن لو قلتي

البدر مضوي وإنعكس به سناعيس=وتمشي عليه الناس من قو نوره

يكون أحسن من ناحية المعنى المقصود والوزن والقافيه اللي انتي أسستيها
تحياتي