الكتيبه ، نوينا ، نحسب افرادها

وين انت يامحمد فقدناك يومين


في انتظارك المسافه توها على قولك

وتو بدت صح

لاهنت عجل يالامير

[نجم الإبداع]

الله الله قدح زناد

عابر سبيل وشاقه اشراقة القاف = واشوف رمي المرت من كل محجاه


الله يعطيكم العافيه

العيباني
المرشدي

صدقوني انكم تبهرونا وتشدونا للعوده مرات ومرات

واصلووووووووووووووا

لاهنتم

تحياتي وصادق الود

الغالي فلاح

العيياني شكله صار عنده ظرف ننتظره لين يجي بالسلام

لاهنت بمرورك

انتمناك دايم ماتمنى الذلااف=خل عنك المطيري , عينك اقرابها
والله لو البناخي ماحمى للميقاف=كان سقنا القضيه يم طلابها

الف شكر لمن اسعدنا بتواجده المشرف


واسمح لنا يالمرشدي عالتاخير

حياك ومسموح

ارحب ارحب تراني فوق راس السناف=والقبايل انا وياك نحمابها
البناخي يردك عن امورٍ سفاف=مايبي تحلق النيران مشهابها

يالله ننتظر المحاورة الرديه يااجزل الشعراء ولا يهونون الباقين

اشوف الحماس بدا يالمرشدي


يالله يالعيباني شد قافيتك


دعونا نستمتع والا سرينا اقصد مشينا

الله الله عليكم

صحت السنتكم يالقروم ولاهنتم

رائعه هالمحاوره ماشاء الله

تحيتي لكم / عزوة ابوها

شيهانه

عزوة ابوها

سلمتن ولاهنت

ومشكورات على الحضور

احترامي

المصايب طواقي فوق روس الضعاف=والمنعـم منعـم ماطـرق بابـهـا
عادة الناس تلقى بالمزاج اختـلاف=وكل واحد يسـوّق سلعـةٍ جابهـا
فاهمن ماتقولـه دام بيتـك يشـاف=ماني مفتش هدوم الخلـق واثيابهـا
وانت يالمرشدي جبت العلوم الطراف=يالله انـك تجـازي حيـه ودابهـا
يامحمد شروط السعي غير الطواف=اي وحده تبـي هالحيـن نبدابهـا
قالو الناس لاتسرق ترى ماتخاف=وانت ذيب عوى في راس مرقابها
يالعتيبي ، وبطن العلم غير الغلاف=والعلوم السمينـه حـظ جلاابهـا
زارعنلك بذور وحان وقف القطاف=ابك ربعك عتيبـه ليـه تغتابهـا
يالمطيري ترا مافيه غير احتراف=والقوافي تشرف مـن تغنابهـا
الجبال الرواسي مايجيها انجراف=ثابته مادرت باللـي تهقوابهـا
العتيبي علامك ؟ نطح القاف قـاف=الامور الصعيبه كلنـا مـا نهابهـا
ماعليكم قصور , ونعم، قومن شراف=مير البعض السوالف احسب احسابها
الله اكبر تعالـي عالـمٍ بالخـواف=والصعيبه صعيبه وانتـه ادرابهـا
المناطح يجي في وسط شبك الخراف=والقوافـي عوافـي ثـور اترابهـا
الله اللي خلق خلقن بزين الوصاف=احدن عاف الصعاب وعاف ضرابها
لا تخلط السوالف جعل عظمك تلاف=انت قلي علامك ؟ غاوي انشابهـا
بعض الاجواد خشمه مايجيه العراف=وبعضها في ثواني صـب صبابهـا
السوالف تطّول لو يطول المطـاف=وانت من روس قوم زايد اطلابهـا
انت شخص ٍ نعزه مانجيبه كتـاف=عز ناس ٍ تحاتي ضيقت اصحابهـا
لو تطول السوالف لا يجيك ارتجاف=انت من روس قوم ٍ خابر انسابهـا
المعزه تبين لابدينـا الخـراف=والمحاصيل ترجع للذي جابهـا
والحقيقه ترا مافيه سبعٍ عجاف=غير جا وبل مزنن سيل اشعابها
لا توسوس تركد النوايـا نظـاف=الضنون الرديـه ويـش تبغابهـا
المرشدي جزيل ٍ مير ماهو صياف=لو تعزواء بربعـه انخلـع نابهـا
ماخبرنا الزرع يصير بعد القطاف=ولا طلبنا سوا اللي فيك نهقابها
المطيري مطيري اسم مافيه كاف=مبلشن خلق ربي يمسك ارقابها
امش قدمي وعينك لا تناظر خلاف=كل غلطه بلطما غصب تجزابهـا
انت شاعر رومنسي للبنات للطاف=راح لليلـي اجامـل و اتهزابهـا
لا مشينا سوا يصير فيـه ائتـلاف=خلـك بعيـد خلـك قبـل تبلابهـا
القصايد وصوف احلى البنات النظاف=والسعيده قصيـد الجـزل يهنابهـا
لو نشدنا جنابك ماتجيب اعتـراف=عقب هذي عتيبه ضاعـت ادابهـا
القصايد صرافه وانت مانت بصراف=لا تقوم بقضيـه خسـرت اتعابهـا
بالقصايد حويت الجزل بالاحتراف=والقبيله تنـزه ماحـدن عابهـا
خلنا بالسريه والحدود والرهـاف=لا تقرب لها تضـرب بمشعابهـا
الحقيقه ماذمك جزل بمعنى ومحراف=لعنبو لحية(ن) ماتحمـي اشنابهـا
شد حيلك ياشاعر باقي عشرة الاف=على نص المسافه نـوخ اركابهـا
خطنا ماسكينه مايجيـه انحـراف=والقوافي يروع ضـرب مخلابهـا
نقسم اللي بقى من خطنا هاف هاف=واخر الدرب نعرف مـن تحلابهـا
امسك ارضك ورميك مايصيب الهداف=وين ساري العتيبـي عقـب ولاابهـا
قاسمك بين نصف وبين نصف ونصاف=انـت ودك تسـاوي الحـر بغرابهـا
المطيري تردي عقب وصل الحواف=حط نفسه مكان الضيق واوزابهـا
والله اني لاخلي دمع عينـه ذراف=عقـب ماكنـت ادراي واتلاهابهـا
انتمناك دايـم ماتمنـى الـذلااف=خل عنك المطيري , عينك اقرابها
والله لو البناخي ماحمى للميقـاف=كان سقنا القضيـه يـم طلابهـا
ارحب ارحب تراني فوق راس السناف=والقبايـل انـا ويــاك نحمابـهـا
البناخي يـردك عـن امـورٍ سفـاف=مايبـي تحلـق النـيران مشهابـهـا
ماشي ٍ فوق 100 لا تلف انعطاف=امحقي يا دديسن عاشو . ركابها
البناخي زميلك قال لي انـت داف=مير هاك المجالس ويـن نوابهـا
المواتر جديده والمرجج خفاف=اشتر اللي بلابنزيم واجتابهـا
البناخي هبيله وانت مثله تعاف=والعلوم الرديه انته اولى بهـا
انت نازل بجون مابه إلا الجفاف=مير شد البيوت ومسس اطنابهـا
حجتك بالقضيه مثل راع العـلاف=سارق ضيوف بيته ، عقب هلابها
منزلي عاليٍٍ من فوق ذيك الضفاف=والبيوت الجزيلـه لابـسٍ كابهـا
النذاله لها ناسٍ تجـي بالهـواف=وانت وحدك لها من بدت اعرابهـا