ردعلى قصيدة الطائر المهاجر/ لو أنا المسئول

[صعبة المنال]

واقع مؤلم ما نقدر نقول شى




صح لسانك وفكرك


صعبة

[وليدالبسطي]

السلام عليكم ورحمة الله


اخوي



سعد


والله صدقت


وصدق الدكتور



الله يعين الجميع على هذا المرض مرض الخدم


اللي ابتلا به كل بيت





صح لسانك يالشاعر



اخوك





وليدالبسطي

[عادل العتيبي]

الله الله


صح الله السنتكم جميعا



مجاراة وافيه وكافيه


لاهنت

تقبل تحياتي

[ابوعبدالرحمن القريشي]

اخوي الغالي الشاعر سعد العبيد / هاجس نجد
صح لسانك مليون على هذه الرائعة

غطيت الموضوع من جميع الجوانب دقها وجلالها .

اما هالبيت لحاله......؟؟!!

وش لزومه سايـقٍ مـن قندهـار
يطالـع الحرمـه وقلبـه هايجـي

كن في قلبـه عليهـا يشـب نـار
لو حصل فرصة دبج فيها دبجـي

ولا تبرق الله من البلاوي من وراهم سواقين او شغالات الله يكفينا شرهم .

دمت مبدعا كما عهدناك

[داعي الشوق]

صح لسانك يا هاجس نجد

رد جميل ولائق وجزل

دائما ممتع بالكلمه والمعنى ياسعد العبيد

صح لسانك مع التقدير ،،،

[ابراهيم عبدالحميد]

سلمت و دام لنا إبداعك الراقى و ردك الرائع
بكلمات و معانى قمه فى الرقى و الإبداع

[عبدالله المسعودي]

صح لسآن آخوي آلمهآجر و آخوي سعد ..؛
و كلكم آبدعتك ونآقشتو قضية مهمة ..؛
فـ شكر1 لكم و ننتظر آبدآعكم ..؛

[صنداح الزلامى]

المشاركة الأصلية كتبت بواسطة سعدالعبيد

أخواني اعضاء المنتدى ...

السلام عليكم ورحمة الله وبركاته
أعجبتني قصيدة الدكتور عثمان والتي يشير فيها الى موضوع خطير ومهم
فكنت اود ان ارى الردود عليها من الأعضاء ولو بقصيدة واحدة
ونظراً لأهميتها فقد أحببت أن ارد على الدكتور بهذه القصيدة المتواضعه
والتي لن تصل الى مستوى قصائد ه
ولكن محبتاً في مشرفنا الغالي./ الدكتور عثمان
وجدت نفسي مضطراً للرد على قصيدته

اليكم قصيدة الدكتور عثمان أولاً..

لو انا المسؤول او صاحب قرار=ماعطيت الخادمـه فيـزه تجـي
لا ولا السـواق يـدخـل أي دار=او يجينـا خكـريٍ او بلطجـي
كل همه كيف يقحـش بالقمـار=لو فعل مهما فعل يصبـح نجـي
راكـبٍ هـذا وهـذا لـه ستـار=وجالبٍ ربعه من اعمى واعرجي
والبلـد ينهـب بليلـه والنهـار=من عصابـات بخبـثٍ تنسجـي
والمواطن ما عرف وين المسار=والبعض جايع ووضعه محرجـي
ولو انا المسؤول في بعض الديار=من طلب فيزه جلدتـه بحججـي
كلكم راعـي ولا فيـه اختيـار=قوم في الواجب فلا لك مخرجـي
وبيتك اللي صار منخوش الجدار=صلّحه كانك تبـي علـمٍ نجـي
المره تكنس وتغسـل بالبخـار=وبنتها معهـا بطبـخٍ منضجـي
وتنتبه لاولادها دامـوا صغـار=وتنشغل في البيت مافيه دوجـي
وكانها في شغـل واولادك كبـار=ودها للشغـل بحجـاج ابلجـي
وارجع وخذها ولو هي بالمطـار=لا تخليهـا لرعـاع وعربجـي
ولا انتهى شغلك ترى بيتك وقار=اثن رجلـك وانتبـه لاتزعجـي
ولا بغوا مشوار لاتـدوّر عـذار=انتهض كالصقر من دون لججي
تحفظ لنفسـك وبيتـك بإقتـدار=وتنتج رجـالٍ ولا هـم خدجـي

وإليكم الرد على قصيدة الطائر المهاجر

(( لو أنا المسئول ))

لو أنا المسئول أوعنـدي اقتـدار = لأحــرق اللـي فـي بلـــدنـا ملتجي
امتلأ منهم البلد فـي كــل غـار = كــل من جـاء ما نـوى انّـه ينهجي
جولنا تهريب طـرش من بحار = جابهـم خـاين إخـلاصـه بهــرجي
ليت أنا المسئـول وإلا مـستشار = لأقـتــل الخــايـن وهـــذا منهــجي
لعـن أبوهـم مابهم شيمـة وكـار = كـل منهـــم للـخــراب مبــرمـجي
والمـرة لــو أنهـــا تملك خيــار = كـل شهـر.شغّـالـة وسايــق يجي
ما تبي تطبـخ ولا تسلق خضار = همهـا أنهـا للمـلاهـي تخـــرجي
نايمــه بفــراشهــا فجـر ونهار = ولا صحت بالليل تا خـذها دوجي
تلعــب بـرجّــال خبـلٍ مـا يغار = تركبـه مثــل الحصان المـسرجي
ما يفرّق بين عيب وبين وعـار = جــالـسٍ فــالـبـيـت كنـّــه دوبجي
زوجته تطلع مع السايق هـزار = بكــل مقهـى وكـل ســوقٍ تـولجي
وش لـزومـه سايـقٍ من قندهار = يطــالــع الحــرمـه وقلبه هـايجي
كـن فـي قلبه عليهـا يـشـب نار = لو حصل فرصة دبج فيهــا دبجي
زوجها قـد ركبته كنــه حمـار = مــع بناتــه حـطـت ألها سفــرجي
والحريم لو جن لها ساعة مزار = من البجاحــة جابت الهــا قهـوجي
تـأمـر وتنهى وهــو مايستشار = صــابـرٍ كـنـّــه معـــاهـــا ملـتـجي
والله إن دمـّــي من المبدول فار = جعل ماله من جهنـّـنـم مخــرجي
الوضع يا صاحبي أصبح دمار = واجــدٍ يمشون في خــط أعـــوجي
المراجل صابها اليـوم احتضار = أطلــب مـن الله عسـاهــا تفــرجي
السلام مني على رجـالٍ حــرار = عـــد سيـلٍ فــي شعــابـه يـــدرجي
عــد مازاد السعــر فـي كـل دار = وعــد منهـــو بالـــزيــادة يهـرجي
مأحضروسـواق من صالة مطار= ومادخلوا في البيت شخص مارجي

سعــد بن عبــد اللــه العبيــد
هاجس/ـــ/نجـــــــــد

صح لسانك ولسان الدكتور شاعرين عملاقين

لله دركم على هذه القصائدالتي تخاطبون بها

ماسئول ومواطن نعم واظم صوتي اليكم في

هذا الموضوع شكرأ لكم ولوعيكم

قصيده رائعه وتستحق المرور والوقوف عندها

شاعر جزله وقصيده جزله

صح لسااانك ولاهنتِ

احساس جميل
عذوبه في الطرح
قصيده اروع من رائعه
سجل اعجااابي بقلمك اخى
لاعدمتك