خواطر شعرية

[شوق]

حلوه كملها عبدالله

حب يغيب وصاحبه مابعد غاب =وحب يدوم وصاحبه في غيابه
وحبٍ يذوب وخافقٍ مابعد ذاب = وحبٍ يداوي صاحبه من عذابه
وحبٍ حياته كلها لوم وعتاب = وحبٍ حقيقي مايضرك عتابه
وحبٍ بلا معنى وحبٍ بلا أسباب = يبدا غريب وينتهي في غرابه

قال: (الوداع )وصافح الكف بالكف
ويبست على يد المواليف كفي
اربع ثواني وانعزل كف عن كف
واقفى وانا اقفيت وقلبي يرفي
صفقت كف بكف والدمع ما كف
يومين ودمع العين عيا يكفي

لاقلت وين انت غايب صار لك مده=صد وتبسم وقال ظروفنا صعبه
انا على العهد وقت اللين والشده=بس الصراحه ترا نفسيتي تعبه
واذا نظرت ولمحت البرق في خده=ايقنت بني غديت لفاتني لعبه

[شوق]

غصب علينا نبتسم للمصايب =دنيا نسايرها على العسر واللين
منها بكى طفل صغير وشايب =وياما ضحك منها عليها مجانين

لا تخاف إسلم ترى صدري وسيـع
والكلمه اللـي قلتهـا لـي وافيـه

لاصارت الهقوة مطر .. قلبي ربيـع
ولاّ الجروح إن زادت أجر وعافيـه

دام الزمن ياصاحبي يمشي سريـع
وش لي بتفتيش الصدور الخافيه ؟!!

يامنوتـي محـدٍ بهالدنيـا يضيـع
غير المبادي .. والضمايـر غافيـه


,’,’,’,’,’,’,’,,’,’,’

لازم ابطي عنك لأجل اووله عليك..

أنت مثل "الما" حلاتـه بالضمـا ..

من يقول اني جفيتـك أو مابيـك.!

كيف أبدل نور عيني "بالعمـى"..!!

[منيع]

سطح القمر اقرب من اوصول خلي=لوالمسافة بيننا بضعة امتار
لوالمسافه نافذه لي امطلي=بعده بعيد بعد نجمات الاسحار

[شوق]

كني بدونك..عقد لاصار منثور=وش يجمع المنثور دام الزمن جار..!!

لوكان في جنب الثريا مقرك=تراك عندي ساكنٍ في خيالي
زود الجمال وفاره الحسن غرك=ماعدت في حال المولع تبالي

[منيع]

يموت بالداخل كثيـر التصاويـر=لاشك اداري بعض الاحساس فيني
وهيم في هـم بعيـد المشاويـر=واقرب قريب الناس ماهو فطيني

حبيبي دارت الدنيا
وفرقنا الزمن
ومدري هل بتذكرني
اذا في يوم لاقيتك؟
أنا محبوبك الأول
أنا اللي ما قدرت أنساك
أنا انسى بس نسيانك
ولا اذكر تناسيتك