حرب المحاوره بين شعراء الفطاحلة

[ابو زياد]

المشاركة الأصلية كتبت بواسطة فلاح بن منشار

اشوف الجمر واسمع ثورة البلجيك ومقمع = واشوف الي يهدف قلت يادكتورنا اتسنع
بحور الشعر طاغي موجها وهديرها يفجع= ترى شعر الفطاحل وان بغيته يقلع اقلاعي

هلا بك يافلاح انفخ تبي اللي ضاق يتوسع=والى طابت لك الجمه تجينا طاير تكرع
ونار الطير لا شبت تبي تحرقك ما تلسع=وذا شعر الفطاحل وان بغيته يقلع اقلاعي

عاد اجحدها يابوعبدالله

[ابو أنس]

وراكم مثل هاك اللي بمنحاتن لها ترتع=تروح ترد ماتدري متى المدخل متى المطلع
نسينا الطرق وازرينا والانا يمته نرجع=وذا شعر الفطاحل كع ولاهو مقلع اقلاعي

[الطائر المهاجر]

لفانا الضيف من دعوتكم وخليته على مجضع= نسيت اللي دعيته وانت في النسيان لك مرجع
وجيت اليوم تحفر قبر تبي تدفت ولا توجع = وذا عود الفطاحل وان نويته جتك الاوجاعي

[ابو أنس]

ترا بالضيف رحبنا وأنت بواجبك تسطع=كلامك بيّض لوجهي وهذا الظن والمطمع
لزوم اني أهلّي بك ولك تسليمن مربع=ولو انك تحب المدح مدحتك وانشر شراعي

[الطائر المهاجر]

مادامك داري لا باس ومنك الزود والمطمع = نوزان مركب الأحباب وللإبحار به نصنع
اخاف يميل في اللجه فشوفي في البحر يخشع= وذا بحر الفطاحل ما يمد بمد او صاعي

[ابو أنس]

مدام السايق متيّت على السكّان مستجمع=ولايسمع لشور اللي يحب الدار تتشخلع
وله عين وفكر واحساس وله مبدا وله مرجع=فلا اظن انه يخاف الموج ينزل به الى القاعي

[الطائر المهاجر]

ترى الربان لو تيت يجي له عاصف يصقع = ومع ميل الحموله ينكفي مافيه له مدفع
ولكن لو توازن لف بالسكان لو باصبع = وذا بحر الفطاحل لاهدر ما يسمع الداعي

[ابو أنس]

بنيت القصر واركانه وصرت لعمرته تجمع=الين انه غدا تحفه وذا المجهود له يرفع
ومادام البنى قرّب تمامه فاكثر الأذرع=تشد وتحفظ اركانه ويصبح دوم مرباعي

[الطائر المهاجر]

الاذرع ما تجي صدفه تبي من يطرح ويجمع = ويقسم من بعد ضربه على اعشار لا اتسع
واشوف ان المواري خير بربعي كلهم اجمع = وذا قصر الفطاحل كلهم للقصر اضلاعي

[ابو أنس]

اشوف انك معك منظار من حق الفلك واوسع=تدربل به وتبحث به تطمّن به وبه ترفع
واحس بمركبك ساير ومنه المسك يتضوّع=وذا قصر الفطاحل بالمفاخر مقلع اقلاعي