![]() |
رقم المشاركة : 641 | |||
|
اقتباس:
هلا بك يافلاح انفخ تبي اللي ضاق يتوسع=والى طابت لك الجمه تجينا طاير تكرع عاد اجحدها يابوعبدالله
ونار الطير لا شبت تبي تحرقك ما تلسع=وذا شعر الفطاحل وان بغيته يقلع اقلاعي |
|||
![]() |
![]() |
رقم المشاركة : 642 | ||
|
وراكم مثل هاك اللي بمنحاتن لها ترتع=تروح ترد ماتدري متى المدخل متى المطلع
نسينا الطرق وازرينا والانا يمته نرجع=وذا شعر الفطاحل كع ولاهو مقلع اقلاعي |
||
![]() |
![]() |
رقم المشاركة : 643 | ||
|
لفانا الضيف من دعوتكم وخليته على مجضع= نسيت اللي دعيته وانت في النسيان لك مرجع
وجيت اليوم تحفر قبر تبي تدفت ولا توجع = وذا عود الفطاحل وان نويته جتك الاوجاعي |
||
![]() |
![]() |
رقم المشاركة : 644 | ||
|
ترا بالضيف رحبنا وأنت بواجبك تسطع=كلامك بيّض لوجهي وهذا الظن والمطمع
لزوم اني أهلّي بك ولك تسليمن مربع=ولو انك تحب المدح مدحتك وانشر شراعي |
||
![]() |
![]() |
رقم المشاركة : 645 | ||
|
مادامك داري لا باس ومنك الزود والمطمع = نوزان مركب الأحباب وللإبحار به نصنع
اخاف يميل في اللجه فشوفي في البحر يخشع= وذا بحر الفطاحل ما يمد بمد او صاعي |
||
![]() |
![]() |
رقم المشاركة : 646 | ||
|
مدام السايق متيّت على السكّان مستجمع=ولايسمع لشور اللي يحب الدار تتشخلع
وله عين وفكر واحساس وله مبدا وله مرجع=فلا اظن انه يخاف الموج ينزل به الى القاعي |
||
![]() |
![]() |
رقم المشاركة : 647 | ||
|
ترى الربان لو تيت يجي له عاصف يصقع = ومع ميل الحموله ينكفي مافيه له مدفع
ولكن لو توازن لف بالسكان لو باصبع = وذا بحر الفطاحل لاهدر ما يسمع الداعي |
||
![]() |
![]() |
رقم المشاركة : 648 | ||
|
بنيت القصر واركانه وصرت لعمرته تجمع=الين انه غدا تحفه وذا المجهود له يرفع
ومادام البنى قرّب تمامه فاكثر الأذرع=تشد وتحفظ اركانه ويصبح دوم مرباعي |
||
![]() |
![]() |
رقم المشاركة : 649 | ||
|
الاذرع ما تجي صدفه تبي من يطرح ويجمع = ويقسم من بعد ضربه على اعشار لا اتسع
واشوف ان المواري خير بربعي كلهم اجمع = وذا قصر الفطاحل كلهم للقصر اضلاعي |
||
![]() |
![]() |
رقم المشاركة : 650 | ||
|
اشوف انك معك منظار من حق الفلك واوسع=تدربل به وتبحث به تطمّن به وبه ترفع
واحس بمركبك ساير ومنه المسك يتضوّع=وذا قصر الفطاحل بالمفاخر مقلع اقلاعي |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 6 ( الأعضاء 0 والزوار 6) | |
|
|