حرب المحاوره بين شعراء الفطاحلة

[ابو زياد]

قلبتوها مناجات عقب ما كانت بتنسع=وحلت بينكم ودي وكل عود ويتسبع
بشيته يالله الخيره وش اللي غير المطلع=قلوب الناس عند الله تقلب بين الاصباعي

مطوعنا الى سمع الطرب له قام يتهزع
والى شاف المشايخ لبس حلة راهبن واورع
هو الما ماخذ شكله شكل كاس له مصنّع
لرغبات الفطاحل كلهم يسمع وينصاعي

[الطائر المهاجر]

مطوعكم تعرفونه ونا مدري عن المقبع = مدامه مثل ماقلتوا فنصحوا له عسى يسمع
ويترك ما ذكرتوا به قبل مالموت به يطمع= وبو قيطون مع خاله على خاله ونا اراعي

[ابو أنس]

تبي تنسل منها سلّة الشعره ولا أروع=تذاكا... بس ما تقدر وهم يبغونك مكرسع
يليتك لو تحلّق حول آذانك ولا تطمع=(يابو مشعا ب عشره)قم ترا في الدرب منساعي

[الطائر المهاجر]

شهود اثنين من لحمك بقولٍ في الدجى ينصع= كلام الحق ما يزعل فلا تخشى ولاتفزع
فصديقك من صدقك القول على وضح النقا يفزع= ولا يمالي ولا ينافق شجاع نسل الاشجاعي

[ابو أنس]

اذا قالوا الشهود اشهد وانا لاقوالهم أسمع=تسمّعهم ونا ديهم ولاتهرب وتتلكع
سواة الزيبق يفرفص وانا للزيبقه أجمع=أحطه في قواريره واسده لو بالاصباعي

[الطائر المهاجر]

الا ياجامع الزيبق دهاويلك ولاتنفع = ولا تضغط عليهم خابرينك في الصغر تمصع
اذانيهم فصاروا اليوم فوق المصع والممصع= شجاعه تعترف بالحق وذا من زين الاطباعي

[ابو زياد]

عيال قريَة وكل يعرف اللي معه يرتع=تنبه لا تقول انك غريب من رجال المع
بني عمك وشجرتنا وحيده وانحن الافرع=وذي دار تجمعنا تراعيها مع الراعي

[ابو أنس]

المشاركة الأصلية كتبت بواسطة المشرف العام

الا ياجامع الزيبق دهاويلك ولاتنفع = ولا تضغط عليهم خابرينك في الصغر تمصع
اذانيهم فصاروا اليوم فوق المصع والممصع= شجاعه تعترف بالحق وذا من زين الاطباعي

اجل تدير دايرتك بها الإرهاب تتشجع=تمصّع في أذانيهم يقولوا آمر ونسمع
يقولو اليوم ياسيّد بنشهد لك ولك نخضع=ترا ماهيب أصابيعك سوا ياذرب الاطباعي

الا يا قرد عين اللي يداري حرثه ويزرع
والى بانت بواكيره بدا لسيقانها ينزع
فصخ ثوب تلبس به عقب خوفه من المصرع
بدا به من قبل يوم يجي للثوب نزاعي