فلاح أقرب تعال

[نجم الإبداع]

تدري عشانك صاحبي بالفت انظار = والضحك مجري دمعتي فوق خدي
قلت (الطريق) وراح بالك تغشمار = ضيعت تفسيري نعينك افندي

[سناعيس]

صح لسانك أخوي فلاح
وبعد اذنك نغير
خبرك رجال مالي مدى وأحب التغيير

أشكر لك التعيين وأشكر عواطفك=وأشكر شعورك والأدب والسكينه
ولولاي أنا فاهمك وبالقاف عارفك=ماجبت أنا لك رمعة(ن) مستكينه

[نجم الإبداع]

لاجلك عزيز وغالي احنا نلاطفك = طيبك فلا كل البشر نايلينه
نبع الكرم والطيب ساكن سوالفك = عنوان متميز ترى مدركينه

[سـعـد الحويماني]

ياسلالالالالالالالالالام


صحت السنتكم

اتشرف بالمتابعه

[نجم الإبداع]

هلا وغلا

ارحب يابو حسن

حضورك شرف طال عمرك


تحياتي وتقديري

[سناعيس]

سعد الحويماني
متابعتك تشرفنا وتشجعنا

لاصار حظك نايم ودوم يخلفك=وكنك على مله وبك غرغرينه
قلي وش تسوي ايلا صار يزرفك=وصارت ظروف الوقت ماهي عوينه

[نجم الإبداع]

صاحب جميل الصبر واهجر معارفك = والي ساّل قدره اسد في عرينه
هذا الذي قلته عسى مايصادفك = يحفظك رب البيت والمال زينه

[سناعيس]

لاصار من يعجبك ماهو بشايفك=يمشي ولاكن البشر معجبينه
واللي يغيضك زود ياهو يحسفك=لاقالك خذني أنا لك رهينه

[نجم الإبداع]

الله من الي ظن بالوصل ينصفك = ويعود لك صاغر ونفسه حزينه
الصبر زينه بين ربعك يشرفك = والوقت فوق البحر مثل السفينه