عـلوم الـرجــــال

[عبدالعزيز العمار]

شاعر المشاعر محمد بن عمار

شاعر عرف يطوع الكلمة كيفما يشاء

جزل جزل يابن العم في جميع حالاتك الشعريه

صح لسانك ونظمك وكلك ...

ورحم الله الوالد رحمة واسعه وجعل مثواه الجنه.

تحياتي وتقديري

[عبير الورد]

المشاركة الأصلية كتبت بواسطة محمد بن عمار

السلام عليكم ...
واحد يقول / ماتعلمت
من ابوك الا الشعر !!!
ورديت عليه ...
كما هي بين ايديكم ..

عـلوم الـرجــــال

أبوي ربّاني على طيب الأفعال = وعلمّني علوم الرجال الأصيلة
علمني إن الحلم مع طولت البال = يطفي لظى نار الصدور العليلة
وعلمّني إن الصمت حكمة ولوطال = والهرج للمجبور، يكفي قليلة
وعلمّني إن الصدق في كل الأحوال = يدحض على راعي الوشاية دليلة
وعلمّني إن الكذب لو. وزن مثقال = لا بد مكشوف ٍ بأ يـة ،، وسيلة
وعلمّني أترك راعي القيل والقال = وأرفع بنفسي عن دروب الرذيلة
وعلمّني إن الدهر والحظ لو مال = خلاّ ني أسير، لحياة ٍ ،، ذليلة
وعلمّني إن الصبر من ضرب الأمثال = لا صار مع جاهل ونفسه ثقيلة
وعلمّني إن الضيق له ألف حلاّل = عند الولي راعي العطايا الجزيلة
والعفو عند المقدرة شيمة رجال = لا هيب لا خوف ٍ ، ولا قل حيلة
يالله عسى له جنة الخلد ، منزال = بأعالي الفردوس ذي دعوتي له
وللمسلمين أخواننا حظ ٍ وفال = من واحد ٍ ما هيب كفه بخيلة

محمد بن عمار

صح لساااااااانك ملايين
سلمت وسلم منطوقك الجزل
ربي يعطيك العافية