أبوأنس/الشرقي .. والقوافي المشبوهة !!

[الطائر المهاجر]

اللي نظرها بطبق شيله خفيفه = لو هي تبي تغطي فلا ظنتي شاف
فاللي يغطي كاملٍ بالغديفه = لو به جمالٍ بيّنه لو هو انصاف
لكن سؤالي يالجبال المنيفه = وشلون بعض الناس رادار كشاف
يبحق بعينه كل حسناء ظريفه = واللي كديشه عنّها الطرف بعياف
حشاشة قليبه تبيّن رهيفه = حتى ولو يحلف بياسين او قاف

[ابو أنس]

المشاركة الأصلية كتبت بواسطة المشرف العام

اللي نظرها بطبق شيله خفيفه = لو هي تبي تغطي فلا ظنتي شاف
فاللي يغطي كاملٍ بالغديفه = لو به جمالٍ بيّنه لو هو انصاف
لكن سؤالي يالجبال المنيفه = وشلون بعض الناس رادار كشاف
يبحق بعينه كل حسناء ظريفه = واللي كديشه عنّها الطرف بعياف
حشاشة قليبه تبيّن رهيفه = حتى ولو يحلف بياسين او قاف

اظنك الرادار ماكثر لفيفه=والا على قول الورش شبه حذاف
دايم عيونك سارحات(ن) مخيفه=وان شفت لك هفوه يجي فيك خفخاف
كل من حكى في لابسات الغديفه=تنط في حلقه تقول انت لفاف
والله خلق في الكون ولف وليفه=وحط التجاذب بينهم مابه خلاف
وانا ترى قلبي خضر كالقطيفه=يهوى الجمال آقول هذا ولااخاف
لو انكره قالوا لي الناس جيفه=ميت مشاعر او معه زود اسراف
لكني امسك بالمعاني الشريفه=حذر(ن)ولا احب الخنا درب الاسفاف

[الطائر المهاجر]

وانا ترى قلبـي خضـر كالقطيفـه=يهوى الجمال آقول هـذا ولااخـاف

هذا اعترافٍ واضحٍ بالصحيفه = ومن قبلها تنكر وبالحكي لفاف
مادام شاعر فالشعر له سفيفه = مثلك مثل غيرك فلالوم وخلاف
ومابه عسيب ما تحرش بليفه = ولا ليفة إلا لها شكل واصناف
البعض بشعه لا قربت مخيفه = والبعض ناعم تعكس النور بالصاف
وانته تبي الناعم وتصبح وليفه= يسحرك من طرفه ومن هزة ارداف
والطير ما يدري عيونه كفيفه = يومن تبرقع بعدها ما بعد شاف

[ابو أنس]

مدري انت كولمبو او انك حليفه=تترك دسيم الهرج وتلقط الحاف
او انت مثل اللي يبي زول جيفه=يكثر عليها النوح ويهز الاكتاف
ما قلت انا في يوم للزين عيفه=يشهد علي الشعر ومناظم القاف
قلبي الى شافه تزايد رفيفه=يسري شعوره لين ياصل للاطراف
بس اقهره عن كل خطوه سخيفه=أخاف من ربي واحسّب للاعراف
وانا ترى شاعر وللشعر ريفه=وصف العذارا حقل والشعر قطّاف
بس اسأل المولى يقدّي الحذيفه=ولا أجي في باقي العمر خرّاف

[يزيد النمي]

الله الله الله الله
ابداع × ابداع

ما كنكم الا بني هلال يمشون ويقصدون ، حتى سوالفهم قصيد
ما شاء الله تبارك الله

واااااااصلوااا الله يعطيكم العافية

[الشريف الشرّقي]

أبو أنس
مدري علام الرجل ياخوي مطفـوق***لاشاف له زول(ن)تكهرب وطقطق*

قلب الرجل يا أبوأنس دوم محروق= ودمعه على الخدين دايم يرقرق
بلاه والله حلوة الخد والموق = الجادل اللي من نظرها تخقخق
مالوم قلبك ياسعد دوم محروق = ومالوم بؤبؤ عينكم يوم بقبق
شايفك يوم انك تجي من ورا السوق = كاشخ وموتركم جديدٍ ملقلق
رقمت لك وحده وثنتين برفوق = عصفور قلبك للمزايين زقزق *
ارحم بنات الناس يامنتهى الذوق = وارحم ولد هاشم توهق واق اق **

* من زقزقة العصافير
** وهقتاني - على قولة أهل منفوحة - ياأبوأنس .. اق اق عاد عز الله انك فطحل .. لكن مردودة لكم !! عط الحر فرصة بس

وكتبه على عجل وخجل والجوال يرنع والشباب عند الباب / الشرقي

[نجم الإبداع]

يالهاشمي يازين ذاالليل مرقوق = تفكى على صاحبك ياخي ترفق
الطاير الي ورده بير مصفوق = خلاه في حب الخيالات يغرق
ياصاحبي ماللمشاعر بنا شوق = الا لحب القدس وجروح تحرق
هذا الزمان الي به الدين مطقوق= كم لي انتظر والحلم عيا ايتحقق
ياخوي سار الناس سارق ومسروق = والرشوه والتزوير نهر امتدفق
العاقل اضحى ياخوي كرت محروق = مايمشي الا راعي الحب الازرق
جتنا الفتن في بحرنا واعتلت فوق = هذا الفساد الي ظهر حيل مرهق
اظن هذي الملحمه لو بها طروق = اظن ماتخفى على من يدقق
اكلمك وترد لي وسط صندوق = لو قلتها في مامضى قالوا اخرق
اعذر خويك لو تولاه غرنوق = خلاه من سجاة روحه يبقبق

[ابو أنس]

قل يافلاح وقولك اليوم له ذوق=احلا من التين اللذي قد تشقق
وان كان تبغي لك طواريق وطروق=نظم القصيد الهادف اشهد تحقق
اسمعك واجاوب ولو وسط صندوق=عب الأثير ارسل حروفي واطقطق
واراسلك واسمع شكاويك بالموق=والدمع من عيني غلى الخد رقرق
يوم ان ذا الميار واحوالهم فوق=والحق واضح في المجامع يلقلق
واليوم ضاع الحق واغتصبت حقوق=وحنّا مغير بكل مجلس نخقخق
نشجب ونستنكر وهم حولنا طوق=مثل السوار بمعصم(ن) ضاق واقلق
ياطيب السيره عسى ما تجي عوق=وياعل فالك خيّر(ن)ويتحقحق

[ابو أنس]

اليوم يوم اني على النت فاضي=نويت ابابدع نظم قافي على أض
واوجهه للّي تبين وناضي=هذا الشريف اللي للاحمال ينهض
الصاحب اللي ممتلي بالبياضي=نظيف ثوب مايجي دانس العرض
بيني وبينه واسعات الفياضي=لكنّ له في القلب منزل ومعرض
اشوف له يومين مااقبل وفاضي=ولا انبرى للشعر يفتل وينقض
وانا على الشاشه يزيد التحاضي=واقابل الكيبورد مع شاشة العرض
ياخوفتي كانه بها السوق خاضي=غاصت به الرجلين والقلب مختض
ان جا يبي القومه لحته الشواضي=وازرى به الممشى اجل كيف يركض
هو مالهذا السوق حاكم وقاضي=يكبح جماحه من عواديه يخفض
ثم (ن) يعوّد دربه الإفتراضي=يعل ينعش من قد اهواه وامرض
ياساكن(ن) بالشرق شرق الرياضي=ما ودّك تميّل علينا ولوعرض

[الشريف الشرّقي]

وكتبه على عجل وخجل والجوال يرنع والشباب عند الباب / الشرقي

كتبت هذه العبارة وأنا لا اعلم ان الله - عز وجل - قد كتب ان الزم فراشي ليال ذات عدد بعد ان اكل مني فيروس الزكام ما ابقى فيروس النظام ( كلام كبير الله يستر ) واحسبها عين أحد الاعضاء فاتقوا الله أيها الأحبة وانفثوا ( مو تتفلوا) على معرفي كلما رأيتموه

"فلاح ابن منشار في القلب جرحين = جرح الزمان وجرح :مانيب قايل"
وأكبر مصيبة شفتها شوف بالعين = شيٍ يخلي صامل العقل مايل
كلبٍ يجر خطاه مابين ضبعين = وينهش من لحوم الحرار الاصايل *
حتى الطفل!! تفوووووه ياكلب قزوين = من غدركم شاف الشقا والهوايل
حتى المصاحف في كفوف المصلين = احرقتها يامال حرق الجدايل
عزاه يابغداد وين الملايين = وين الجمال اللي تشيل الحمايل
اللي لها في موقف العز سيفين = ومن فعلها تصيح بالصوت : هااايل

* الكلب -حاشاكم- هو الحكومة العراقية الرافضية المجوسية والضبعين ايران وامريكا الله يلعن الثنتين .