سجل حضورك ببيتين شعر (شقر)

[ماجد الزيد]

لك الله يالسنافي فهمت مغزى=وشلت الي يظنّه بي المهاجر
فنا ماني لهن والعشق مغزى=قديم(ن)في جبال بها مهاجر

[الطائر المهاجر]

بساطي احمدي والكل داري = وفي ضيق الأفق ما نيب اداري
وضيفي لالفى يسكن بداري = وصك الباب لا من لف وداري

[ماجد الزيد]

بساطي كل جلمود(ن)وصخر(ن)=ومسند راسي اكرنكوف حربي
بعيد الشوف عنتر ماهو صخر(ن)=اذا تذكر ويفرق ذيب حربي

[الطائر المهاجر]

تعودت الحلم لو شاب راسي = اسايس كل اموري بطول صبري
فانا مثل الجبل لازلت راسي = ولو ذقت الحلى مرٍ وصبري

[ماجد الزيد]

حليم ولكن بظنك تعمّي=تحسب انّي مثل ياسر وعادل
عماش الشوف غير عن التعمي=فلا تظلم وخل الحكم عادل

[الطائر المهاجر]

انا ما نيب لا امر و ناهي = احط الراي واسمع رأي ثاني
ومن ظنه برأيه دوم ناهي = يجيه من الزمن ماكان ثاني

[ماجد الزيد]

بشورك صار لي بالدار كبسه =تشيل تحيل مخدوش وحرامي
احب من الاكل يالذيب كبسه=ولكّني فلا اقرب للحرامي

[سناعيس]

الا يالله ياللي لك نصلي=تبيض وجه ماجد والمهاجر
وأكيد إن الدلو لو له نصلي=بجمة بيركم ماصار هاجر

[ماجد المهدي]

اوه اوه اوه وصلتوا الصفحة الثامنه ما شاء الله وانا وين كنت اكيد نايم

استقبلوا يا الشهامه

هلا باهل الكرم ماجد مهاجر متعب وخالد = سناعيسٍ معاهم صار والمهدي تجلى وجاد
وربي للفطاحل حافظ ويبقى لنا خالد = ابي اعزم فطاحلنا على مفطح بمطعم جاد

مطعم جاد : من اشهر مطاعم مصر

[الطائر المهاجر]

تبي تعزم على فول وطعميه بلا دعوه = توزعها على رجال يبوا حاشي ولا بكره
اخاف انه يصيبك من بعضنا طارف الدعوه= تجينا تشتكي مما حصل في الليل لابكره