الميدان ياحميدان

[الطائر المهاجر]

كانوا مساجين وطلقوا بعد متشابه = ويوم طلعوا جاهم الانقاذ من شيبه
اكلهم اللي بغوا من وافر حسابه = وهذي الحكايه وكلٍ راح تغريبه

[نجم الإبداع]

جزاه ربي عن اطعامه وأثابه= ماهوب خسران في بذله وترتيبه
تسلم نفوسٍ لفعل الخير وثابه = هذا الرصيد الذي لاشك توحي به

[سناعيس]

الطير لامنه كفخ يغري تقلابه=يكفينا ابن فرناس قام بتجاريبه
واعطانا درس وخذاه اللي تهزابه=وباعه علينا بيع وصار يشريبه

[الطائر المهاجر]

لقيت في الديره ثلاث يتمشن = ونا وريع ولاعرف ويش يرجون
ابيع شمبو في صنيديق بعشن = وقفن وقالن قلت لاويش تبغون
قالن حليوه قلت ليّا تغشن = انا فقير الحال لو كنت مزيون

تخيل تكملة القصة وكمل اللي تقدره منها

[نجم الإبداع]

قالن تعال وكب عيشٍ مخشن = تعال معنا وانت بالحب مصيون
علي من طيب العبارات رشن = وانا شريد الفكر عنهنّ محزون
اخواتي الي دوبهن ماتعشن = بين ابتلاأتي من الصغر مديون
راحن وعيني بعدهن يوم خشن = في قصر وانا في خرابه وممنون

[الطائر المهاجر]

الا ولا وحده تعود تشنشن = توشوش باذني قايله انت بالعون
وسيم تغري كل من جت تنشن= خلك حبيب ولاتخيب لي ظنون
وبدت تغازل والنواظر يرشن = شرت عطور وضاعفت كل عربون
قمت اتبسم بعد كنت اتخشن = بسمة فرح مادام هالربح مضمون

[نسناس الهوى]

مسهم بالخير
تخبرون الوقت نوم بس قلنا نشارك الشباب (:

ثم فجأة ٍ والريح نسنس وعفرنّ = قام ونكرني صاحب الزين والصون
من عقب ما هفهف القلب وانجن = من قبل وافت على الوصف محسون

----
مُجرد .. تغيير من الروتين للأبيات السابقه ، وأكمل القصه بشوي من الأثاره

[الطائر المهاجر]

القافيه شن ... وراك حستها ،
وبعدين هو مانكر ، الخوف على الورع ...
لأنها رايح تسوي شي يغريه انه اما يروح معها او تسأله وين ساكن على شان تروح له
لكن مادام ودك تقيل ، أكيد الخيال الخصب ما اشتغل ، نخليك الين تقوم وتكمل سرد القصة باربعة ابيات

[نسناس الهوى]

ههههههههههههههه

ياحليلي .. اشوف البيت ربع بيت ، المعذره ماكنت مركز (:

تابعوا .. ونا متابع

[الطائر المهاجر]

قالت ابي رقمك الى من تعشن= نكلمك ونشوف ويش انت بتكون
عطيتها رقم ولا هو مدشن = حيث اني بيت الفقر مابه تليفون
وبكره اتتني كنها الثور لاشن= هجوم ضاري واسع الفم وعيون
تهاوش تقول اشلون بالله تغشن= والقى عجوز مابها باقي سنون