{ الشعر ديوان العرب أمس واليوم }>> مقابلة

[مبروك بن ماضي]

المشاركة الأصلية كتبت بواسطة عايد خلف الكره

الغالي والشاعر المبدع

مبروك بن ماضي

نــص راقــي وجزالة غارقة في بحر الجمال وابداع ليس له حدود

صـــــح لسانك ودمتي رائع ,,

تحياتي

عـــاشــق الفلــوجــــه

الفاضل / عايد خلف الكره
صح بدنك والله لايهينك
مرورك تشريف شاعرنا
والجمال يتمثل في حضورك
تقبل تحياتي واحترامي ،

[علي سعود العازمي]

مشـكور يالفدغـوش واسلم لنا دوم=وأقبل تحـياتي وجل احـترامي
ولك أنت بعد تحياتي وجل أحترامي يامبروك

على هالمقابله الشعريه الرايعه

[عمر ال شيبي]

المشاركة الأصلية كتبت بواسطة مبروك بن ماضي

أحبتي في ( منتديات الفطاحلة ) يسرني أن أضع بين أيديكم المقابلة( الشعرية)التي أجراها معي الاديب الكويتي المعروف الشاعرالكبير/ عبدالعزيز الفدغوش في صفحة سحرالبيان التي يعدهابجريدة الهدف الكويتية العدد رقم 1943 آملاً أن تحوز على اعجابكم مع تحياتي وتقديري لكم ،،



البطاقة الشخصية :
س /ابااسألك يا طـيّب السـاس بسـلوم= وعـرّف بنفسـك يارفيع المقامي؟

ج/ شـاعر ولي عـدة طموحات وحلوم=والارتقى بالشـعرغاية مرامي
أبعد عن الهفوات به دوم وآ شـوم=وانئَ0 بنفسي عن دروب الظلامي

*الشعر :
س /الشعر مرأة للاحسـاس معلوم=واوجـز لنا معناه ياابن الكرامي ؟

ج /الشـعـر بحـرٍٍ0والذي يجهل العوم= لا يدخـله يلقى به الموج طامي
كلام له معـنى وتصـوير ورسـوم= وتوحـيد قيفانه ووزنه إلزامي

*بين الماضي والحاضر :
س/ماالفرق بين الشعر بالامس واليوم=من حيث مضـمون ورموز ومرامي؟

ج/ بالامس كم شاعر ترك صيت وعـلوم=واليوم ياكثر الصـور والاسـأمي؟
واكتضـت السـاحه ( بنجمات و نجوم )=لكن عـلى الابـداع إقرْالسـلامي

*معالجة قضايا المجتمع :
س/للشعر دور بخـدمة الحـق مفهوم=وحسـب اعتقادك وش عطا للانامي ؟

ج/الشعر ديوان العرب أمس والـيوم=يرصـد قـضـاياالمجـتمع بإهـتمامي
والشـاعـر الواعي مـكلّف وملـزوم=يشـعِل فتـيل الحرف وقت الصـدامي

*تطوير برامج الشعر :
س/ كل يطالب بالتطور على الدوم=ويش انت شايف للبرامج نظامي ؟

ج/اشـوف هالشـعراء في جـدال محموم=كلن عـن السـاحه يذود ويحامي
والظاهر انه حـرص كاذب ومزعـوم=نفس البرامج من ثلاثين عامي

*نقد الشعر :
س/حدد لنوعٍ ٍ بالعلاقات محكوم=بين الشـعر واسـلوب نقد الفهامي ؟•

ج/لن يسـتقيم الشـعر والنقد معدوم=واخـشى يصـيبه في الصميم انفصـامي
وتـبقى العلاقه بـينهم أمر محـسـوم=متأصـله وثابـته عـالدوامي

*السرقات في الادب :
س/سـرْق الادب اصـبح هـدف كل منجوم=كيف العمل من شـان كشـف الحرامي ؟

ج/لاشـك هـذا الفعل بالحـيل مذموم= وأحرص على التوثيق قبل الخصـامي
من أجل يصـبح سارق الشـعر ملطوم=ويمسي وخـشـمه من ردى الفعل دامي

*شعر الغزل :
س/شـعر الغزل مراة واحـسـاس محروم=حدد معك وش دور وقعه تمامي ؟

ج/شـعر الغزل يشـفي مرض كل (مغروم)=ويبقى الهـدف في كل الاحوال سـامي
ماينسي العاشــق ليا صـار مهموم=غـير الكتابه في الغزل بإحـتشـامي

*شعر المرأة :
س/شـعر النسا فيه اكثر القول ملغوم=وش راي شخصـك في كثير السهامي ؟

ج/شـعر النسـاء في بعض الاحيان مظـلوم=كانك تبي رايي وزبـدة كلامي
مازال يتعرض لتشـكيك وهـجـوم=وان كان زعـلن0ماعـليهـن ملامي


صفحات الشعر :
س/صـفحات ادبنا عـرضـةٍ دوم للوم=وش حققت لاجل الادب بالتسـامي ؟

واجـب عـلى المشـرف بمجهوده يْقـوم =ويـنهض بصـفحات الادب للأمامي
يسمو بها صوب الـرقي دوم ويـروم = نحـو العُــلا دايــم بجـد والـتـزامي

*كلمة اخيرة :
س /شـرفتنا واتحـفتنا شـعر منظوم=واذكر مرادك في سـؤال الختامي ؟

ج/رضـاك ياقرمٍ تحـدر من قروم=ولي الشرف بك يابعـيد المرامي
مشـكور يالفدغـوش واسلم لنا دوم=وأقبل تحـياتي وجل احـترامي

-----------------------
مبروك بن ماضي

لا هنت سؤال وجواب شافي للصدر

روعه شكرا لك يا منبع الابداع
صح لسانك

[عبير الورد]

صح لساااااااااااانك وسلم منطوقك
ولاهان راسك ربي يعطيك العافيه

[حرف وشعر]

الله الله يابوفيصل

ابداع ليس بالمستغرب علي

احد فحول الشعر النبطي

دمت ودام عطائك