أكتب بيتا شعريا في الحال

[ترانيم المطر]

أتلحف بالهجير وفاتحه للصبر بابه= وأتوسد ذكرياتي خوف من زود الملامي

[حمود السكراني]

طارد سراب من العطش طاح منداش= في ديرةٍ ماتصمد الماء دقيقة
ونورٍ لمح يابرق يالذعة افلاش= احترت مابين الوهم والحقيقة

[ابراهيم المهنا]

.
.

لو اطغاك الحلا والطيش واسـرف قـدّك الميّـاس=تحايل فـي شعـورك / واتّظاهـر كنّـك الناسـي !
تحايل في شعورك/ وانت من مّاطاك ليـن الـراس=تـدقّ اجـراس خفّاقـك علـى ترنيمـة اجراسـي !
أنا عرّاب عشقك لـو تزاحـم مـن وراك النـاس=هنا جـرّة شِفَـاك تعانـق اللهفـة علـى كاسـي !
أنا خمرة غلاك / ومنتهاك / وصاطـي الهوجـاس=انا ابقا فـوق جمّـارة خفوقـك وحْـدي الراسـي .!!

.

.

[سناعيس]

لو يستطيع يوادع القلب غاليه = ماكان مقعادي مع الناس لحظه

[شجون القصيد]

قدرك رفعته فوق ياكامل الذوق .. وسجلت له عندي عهود ومواثيق

ليتك تهدي خاطرك بس وتروق .. وتدري بانك غير كل المخاليــــق

[زهرة اللوتس]

صحت السنتكم
مبدعين
متابعه
تحية طيبة

[حمود السكراني]

يدق قلبي كل ماقالوا اسمه= واجلس اطالع خايف الناس تدري
الصاحب اللي واسم القلب وسمه=حتى غدى جرحِ يعانيه صدري

[ترانيم المطر]

ويصخر أبياته على كـل طـاروق=وتحاوره بالشعـر بنـت الطنايـا
ثم التفت للنجم قال أجمعـه طـوق=وأجمـع بـرد وأنظمـه بالثنـايـا

[حمود السكراني]

أحلى سويعات السعادة بدنياي =اللحظة اللي نسرق الوقت فيها

[ترانيم المطر]

شئِ تعرفه غصب وأحاول أخفيه = وأخفيه لكن تفضحني حروفي