الميدان ياحميدان

[الطائر المهاجر]

وين باقي الشعار يكملون ....

[الطائر المهاجر]

سناعيس انا وياك والعمر ولاّ = خذنا النصيب وما بقى إلاّ الخساره
ياما طعمنا ما نبي من محلاّ = ودرنا جميع الكون ارض وبحاره
وش هقوتك بالزين لا قال كلاّ = شايب وعايب لو تلاصف جداره

[سناعيس]

المشرف الغالي عفوا على التأخير فلم أنتبه
وذلك لكثرة تنقلي وتطفلي

ياطير يامهاجر وصوتك تعلا=لبيك جيتك جايب لك بشاره
الشيب ماهو عيب لا لا وكلا=يزيد علمك علم وأكثر وقاره
ومن قال كلا هقوتي به يخلا=ويترك الين انه يشاهد دماره

اذا سمحتوا ها المشاركه

الطير وسنعوس خلوالمصلا=يرجون وقتن راح وقفا خضاره
جونا بعواكيهم والشوق قلا=شيبان شرهين بدور الصقاره
الطيرطاروعنكم تخلا=والكل منكم يصير عمده بحاره

[الطائر المهاجر]

خمسة عشر عام ونا ما اتعلاّ = سفينةٍ او طايره او سياره
من عقب ماني سايحٍ ما يذلا = من شرقها لاغربها في زياره
ثنيت رجلي بين دار ومصلاّ = ولا بدى اللازم عطيت الاشاره
بين الشعر والحرف قلبي تبلاّ = ولا لي طمع دنيا ولابي التجاره

يالشايب اللي عمرك العام ولا=ارجي وقول امين ماهو خساره
والنور بين والظلام يتجلا= وخل الاماره للي يستحق الاماره
عسى عمللك مقبول عند ربن تعلا= وعسى الولي يرزقك بارض وعماره

[سناعيس]

هلا بك أخ متفائل جدا

ياطير قله حبستك خوش حلا=لين يتبين أبيضك من سماره
وان زدت بالكيله يتلوك تلا=ويجيبوك مكتوف بوسط المغاره
واللي يبينا نعلمه ويتسلا=الشرط خبره مع شهادة جداره

[الطائر المهاجر]

المشاركة الأصلية كتبت بواسطة متفائل جدااا

يالشايب اللي عمرك العام ولا=ارجي وقول امين ماهو خساره
والنور بين والظلام يتجلا= وخل الاماره للي يستحق الاماره
عسى عمللك مقبول عند ربن تعلا= وعسى الولي يرزقك بارض وعماره

هلا ومرحبا بك يالمتفائل جدا
وين متفائل .... اعمل لدنياك كأنك تخلد ابدا واعمل لآخرتك كأنك تموت غداً

قال متفائل قلت كلا وبلاّ = راعي عقار وخاسر في عقاره
يبيني اشري منه فيّ يتسلاّ = وياخذ كمسيونه وربحه وجاره
ويقول اماره اي اماره تبلاّ= ان كان تبغيها فهي لك تجاره
ماني مدورها ولو في المكلا= تكفي الفطاحل عن جميع الاماره

سنعوس بالعجرا مولع بملا =مخرفن يحسب ان عليه غاره
يذكرزمان الجمربالنار جلا=يوم العسام اي تكاود غباره
عطني سوال الصح وعطيك حلا =امعادله بسلوب فن وحضاره

[الطائر المهاجر]

اظن ماجا له جعله يتولا = وان كان عاود لزم نعرف مساره
ماعندنا في الشعر شيخ وملا = الكل يقلط طايعٍ باختياره
ما ودنا نهجيه حتى يزلا = ودامه يحارش نسحبه للغماره