سجل حضورك ببيتين شعر (شقر)

[ابو أنس]

علشانه عسر والا علشاني منيب استاذ=يسابقني الزمن واحضر يكون السيل سابقني
ولكني طرب جدّاً مابين معلم واستاذ=ابحضر بس أتعلم وابالحق من يسابقني

[ماجد الزيد]

ارحب بالجميع الاخوان سناعيس وماجد وابو انس وجميع من شاركنا ويشاركنا

طير المهاجر مانقض فتل بيتي =ابحتري نقضه على شوف عيني
بين الفطاحل جالس ووسط بيتي=والسيل سيلي وتنضح العذب عيني

[الطائر المهاجر]

قوانين الفطاحل ما تبي تكبير للتوقيع = شكاوى جت من الاعضاء يقولوا انه يثقلها
وانا قدم لي القانون وعطيته بصمتي توقيع = واخاف ان المهاجر نفسه اللي صار يثقلها

[ماجد الزيد]

كبير العقل لو دقق فلا يشكي على جوفي=ثقيل الراس غاياته بعيده ما...توقعها
وش الّي يجبر الملهود يتمعق وسط جوفي=دع الاعراب للخالق ويالشاكي توقعها

[الطائر المهاجر]

اذا منك بغيت الهمس يحيا = عليك بنخوة رجال الإداره
فلا تحتاج لا عمرو ويحيا= فيكفي من تولوا للإداره

[ماجد الزيد]

وربي مالي شفّن بالاماره=يسد بها الي فيها قد تكلف
انا بالخير معكم والاماره=نزعت الختم لوهو لي تكلف

[الطامي]

رحنا وطي يالزيد
جيت بعدك
والعين ماتعلى على الحاجب
مادري ويش الشروط لاكن انا باشارك ،، زانت بها ونعمة مازانت اشطبوها على طووووول

الناس كلن مولعن بالصقاره = وشفه يشل الطير من كف لاكف
وهو مادرى ان الصقاره شطاره = انا اشهد ان لي شف وان للعرب شف
شفي انا شوف اللبن بالغضاره = عقب التلقم بالتمر ارشفه رشف
وجب الحطب عند الضحا بالزباره = وصف الدلال اللي عليها الولي حف

وهي اطول من ذلك سوف نمتعكم بها فيما بعد

[ماجد الزيد]

الله يحييك يالطامي ويرفع قدرك ماتجيب غير الجزله طال عمرك وانت على راسي انت وقصيدك وماتجيب الا الدسم
وصح الله بدنك

[ماجد الزيد]

ضويت الشقر بالصعبه رمق هذا وهذا غظ=الا يالصعب فاسمحلي على الصعبات هيّا اقض
طويل الضرب مايخلط ثلاث جزال واحد غظ=على القاضي بنعرضها الا يالقاضي روح اقض

[الطائر المهاجر]

تبي لك فلة فوق العماره = على نهر به الغزلان تسبح
ونا ودري اروح للعماره = اشوف اللي بدمانه تسبح