الكفو في غيبته تنهال لجله ذفره

[طلال البدور الشهراني]

يامشبب قلبي يشكي من ضياق الزفره=زفرةٍ من هولها فجت صميم عظامي
والبلا ماهوب عشق ولامفارق خفره=البلا شوف الحيا في نشرة الاعلامي
يوم انا شوف الحيا الخلاب كاسي قفره=والمدى عن ديرة الوسمي ثلاث ايامي
المسافه بُعدها يرخي عليّ الشفره=شفرةٍ زادت زفير بقلبي المنضامي
غير قرّب موترك قبل ان تحل الصُفره=الصبر ماعاد ينفع بعد كان حزامي
والعوين اللي يهيضني الوجيه السفره=لاعدمت اللي تنومس طرقته لو عامي
الكفو في غيبته تنهال لجله ذفره=خوته عهدٍ عليّ وواجبٍ والزامي
في عصيبات الليالي منه سد وظفره=بالعلوم وبالجمايل والمراجل سامي
والردي ليته ليامنه حفر لي حفره=تِدفن الحفره عليه وبعدها ماقامي
لان رصيده صفر ثابت مادرج عن صفره=لاجميل ولامقام ولا منيفٍ زامي

[داعي الشوق]

صح لسانك يالشاعر طلال

ابداع جميل

كـ حضورك الجميل دائما

صح لسانك مليووون

مع التحية لك

***************

[الطائر المهاجر]

سلمت
وصح لسانك
جزلة وطيبة من راس جزل وطيب
لاهنت
تحياتي

[عدنان كريزم]

صح لسانك ولاهنت

[عبدالعزيز البليهد]

عزالله كفو والي رصيده واحد شرواك مايظيق صدره

صح لسانك ولاهنت

[زهرة اللوتس]

سلمت وصح لسانك
جزلة من جزل
لاهنت
تحياتي

[منيع]

ياسلام عليك
كل الروعه والجمال ولابداع
تحياتي لكم

[سناعيس]

والردي ليته ليامنـه حفـر لـي حفـره
تِدفن الحفـره عليـه وبعدهـا ماقامـي
لان رصيده صفر ثابت مادرج عن صفره
لاجميـل ولامقـام ولا منيـفٍ زامــي

الله الله
صح لسانك ياطلال
ولله درك على هذه الرائعه
لاهنت

تحياتي

[عبدالعزيز ابراهيم المنصور]

كلمات رائعة سلمت ولافض فوك دمت بخير

[عمر ال شيبي]

سلمت يا كفو

الله عليك ما اجمل منطوقك
صح لسانك دوم لا هنت