سناعيس اقلط الله لايهينك هلا ومرحبا

[نجم الإبداع]

انا بانشدك بالي صورك ياصاحبي من فوق = علامك تشعل النيران وما غيرك يطفيها
انا خايف اكون اعرفك يامخفي تصير حقوق= ويصبح ثارنا ثارين منهو الي ورط فيها

[الطائر المهاجر]

انا قايل فلاح اليوم كأنه غاطس بمرقوق = وبه فلفل حمر يشعل جروحٍ من يداويها
يبي سنعوس يفدع به كانه سارق ملحوق = ونا خبري سناعيس الجبل محدٍ يجاريها

[سناعيس]

هلا بك أخوي فلاح
عزيز وغالي

انا جيتك وكلي لك سلام يسبق المنطوق=انا لك حامل ودي وترى النيه مصفيها
اذا كانك تخاف المعرفه مني وكلك ذوق=تصير البينه ياصحبي على من ادعى فيها

[الطائر المهاجر]

مدام انه على غربين يصدر فالسقا مشقوق = واخاف انه مشى للسوق يبي بكره ويشريها
او انه ضاق لمن شاف طيرٍ ناظره من فوق = وهجم في قاف مشدوده ولا ضبط قوافيها

[سناعيس]

الا ياطيرنا وينه مصوت بالعشا مطفوق=جدع له كلمتين وطار بالعجه وسافيها
تغطلم بالغطا بدري ولازم نصفه المفروق=يدور للامان وحجته لازال مخفيها

[الطائر المهاجر]

اظنه رايح يدور محاور ماعجبه السوق = يبي جمهور يصفق له على الحان يغنيها
وحنا ناس ما نعرف نلحن طربقة طربوق= ندز القاف يم القاف ماننشد تواليها

[سناعيس]

وراه مغير طبعه وانا اخبره يحلب النوق=ويسقي من تعزوابه يجيبه من مفاليها
وراه مغير اللهجه عسى مابه خلاف وعوق=خطاه السو ياطيبه ورجله ليه يشقيها

[نجم الإبداع]

هلا بك ياسناعيس البلى في ركبة الصندوق = مع سواق مجهول الهويه عنك خافيها
تخاف انه من الغربيه ويحاكي بطرق شروق = تضيع المعرفه ببحور مابانت مرافيها

[نجم الإبداع]

هلا يالطائر الي بالهوى سوى علينا فتوق = يعاديني وانا اوده ورمعاته يوفيها
يقول الي مضى لاتامن القلبات يالمخلوق= توسع مجلسك للبنت والشمعه تطفيها

[الطائر المهاجر]

اشوفك كالسحاب ارعد ولكن مانشوف بروق= مخاييلك على ذيك الديار ان كنت ناسيها
مجالسنا بليا ابواب ومن قبّل علينا بذوق = نشيله بالعيون ونكرمه والقاف نشويها
فلا من فرق او تمييز بجنوب او غرب وإلا شروق= كذا عاداتنا تمشي ولا نترك مباديها
وكم من بنت بالصوله وبالجوله تعلت فوق = على كل الرجال بفعل والواجب نوفيها