لا تعتذر ماعاد لي رغبة ٍ فيك.،.،.،.،.،.،

[عبدالعزيز العمار]

السلام عليكم ورحمة الله وبركاته

مساء / صباح...الخير والمسرات على الجميع..
اخواني وأخواتي .....

يقال ...

.. إن لكل إحساس زمانا ً..
ولكل حلم زمانا ً ..
ولكل حكايه زمانا ً ...
.. ولكل حزن زمانا ً ..
.. ولكل بشر زمانا ً...
.. ولكل فرسان زمانا ً...
.

.

.

.

.

.

.

ولم يتبقى لهم بك سوى ذكرى الأمس وألم النفس...!

.

.

.

.

.

.
ويكون الصمت لحظتها سيد الموقف ،،عندما يُخرج مافي القلب من بوح..
بهذه الكلمات بلغة العفوية وبعض الرمزية المستحقة ...
أهديها لقلوبكم ... فاقبلوها كما هي تفضلو.....
.

.

.

.

.

.

.

مسكين ياقلب ٍ جرحته واهـنـّيك=واخلفت ظني يوم خابت هقاويه
ليتك تذوق الصبر بعضه ويسقيك=من كاسه اللي بالمراره تساقيه
وليتك تعيش الجرح والهم طاويك=وتشكي من اسباب العذاب..وبلاويه
لا واحسايف يوم عيني تراعيك=تحفظ غلاك وصافي الود تهديه
واليوم ترخص من يحبك ويغليك=وارخصت ذاك الحب واجمل معانيه
بعت الوفا وانا الذي كنت شاريك=ونقضت عهد ٍ بيننا كنت بانيه
لاتعتذر ماعاد لي رغبة ٍ فيك=اخذ العذر يازهرة العمر مابيه
الله حسيبك والله اللي يجازيك=هو عالم ٍ باللي جرالي واعانيه
خذ من زماني مايوافق هقاويك=هذا قدرنا والقدر راضي ٍ فيه
واذكر حياتي في سجلاّت ماضيك=واجمل سنين العمر واجمل لياليه
خذ من خبرها مايناسب أمانيك=واحرص على مرضاتها لاتخليه
واصحى تخالف شورها في خطاويك=خذها نصيحه لا تخالف خطاويه
فيها وصات القلب لاجا يعز يك=اجبر عزا قلب الموادع وراعيه
النفس طابت واحسن الله مساعيك=ودّعتك الله والعوض في هقاويه

عبدالعزيز بن سعد العمار

[عيد بن سعدون]

صح لسانك ولا هنت

نص رائع وجميل

تقبل مروري وتقديري

اخوك
عيد بن سعدون

[صنداح الزلامى]

الشاعر القدير عبد العزيز بن عمار


لي اشرف ان اكون اول من تصفح هذا القصيدة الجميلة والمميزة

والتي تشرح معاناة ان الشعر شعور واحساس داخلي يبوح به الشاعر

عن جميع مايدور في خاطره سواء ان كان شرح هموم ام فرح ام عن موقف

انت من الشعراء التي لهم جنكة الكلمة لا بالغ بما اقول ولكن طراوة تعبيرك

صح الله لسانك وبيض الله وجهك تقبل اعجابي وفائق احترامي

[ابوعبدالرحمن القريشي]

خذ من خبرها مايناسب أمانيك
واحرص على مرضاتها لاتخليه

واصحى تخالف شورها في خطاويك
خذها نصيحه لا تخالف خطاويه

فيها وصات القلب لاجا يعز يك
اجبر عزا قلب الموادع وراعيه

ابدعت ايها الشاعر الرائع عبد العزيز بن عمار
صح لسانك على هذه الاحاسيس

دمت بود

[الـزلـزال]

النفس طابت واحسن الله مساعيك=ودّعتك الله والعوض في هقاويه

عبدالعزيز بن عمار


نص شعري قليل أن نقول عنه راقي

صح لسانك مليون


ونتطلع لجديدك


دمت بالف خير

[ام العمده]

الشاعر القدير/عبدالعزيز

صح لسانك واعتلى شانك
لاهان راسك
مبدع كالعاده
تحياتي وتقديري

[سعيد الصاعدي]

الاخ الفاضل / عبدالعزيز بن عمار
صح لسانك لاهنت
نص شعري راقي جداااااااا
من شاعر متمكن
يسلم فكرك يالغالي
تحياتي
أخــوك
س / ص

[عبدالله الشويمان]

صح السانك اخوي عبدالعزيز

نص جزل من شا عر جزل

كالعاده لا تفارقك الجزاله

دمت بخير ولا هنت يا الغالي

[ابومياس]

عبدالعزيز بن عمار


نص راقي وجزل

من شاعر جزل

صح لسانك وبيض الله وجهك

دمت بخير

[نجم الإبداع]

عبدالعزيز بن عمار


صح لسانك

مصافحه وافيه من وافي

ابدعت

لاهنت

تقبل مروري

وودي