ضيف وسع صدرك

[الطائر المهاجر]

في كل مرة سنستضيف احد الأعضاء
ويتشرط ان يكون والإجابه عليه السؤال مثيرا للدعابة وسعة الصدر
واي سؤال جاد سيتم حذفه

وسوف ابدأ بإستضافة منيع

رحبوا معي بالأخ منيع بن منيع المنيعي
من مواليد منعه ، في اقليم القمباز ، سنه السبله
ويحمل شهادة الدكتوراه في تلقيح النخل
وهو شاعر لايشق له غبار يقول في مطلع احد قصائده

رقيت عيدانه اباصل علوها= لكن مسطت وربي اللي حفظني
جحش وقف من تحتها ما دعيته= ولقيت نفسي فوق ظهره اوني

ومن قصائده المغناة


القطوة اللي راح عمره بلا قطو= وش حيلته لا من غزوها القطاوه


رحبوا معي بالأخ منيع
ياهلا ويامرحبا بك

[داعي الشوق]

منتظرين الشاعر منيع

و مشتاقين للحوار المثير

*********

[الطامي]

اهلا الطائر
طرح رائع وفكرة اروع
وينك يامنيع ارحب وعجل لاتتأخر علينا
شكرا لك الطائر

[نفحات حساسة]

هههههههههههههههههههههه

تاريخ مشرف لمنيع

نحن بنتظاره..

[منيع]

هلا بدكتور المجانين وانا واحد منهم هههههههه
وتراني لا اطاق لا في الجد ولا الهزل
وحتندم ياجميل العصافير على الاستضافة
منتظرين الاسئلة من بقية الاعضاء

[الطائر المهاجر]

الله اكبر شوفوا التواضع كيف
"لا اطاق لا في الجد ولا في الهزل"

طيب طال عمرك ممكن تقول لنا عن الرجال اللي دبغته في حراج السيارات وشو مسوي لك؟

وبعدين شوفوا الذوق : جميل العصافير

وفي الوقع ولكن يبدو انه يمكن استنتاج سؤال من هذه العبارة الجميله
متى آخر مرة اكلت عصفور وهو حي؟

[داعي الشوق]

سؤال محرج يا منيع

خلــّص عمرك

[زهرة اللوتس]

هههههههههههههههههههههههههه
في انتظار رد منيع

[منيع]

طيب طال عمرك ممكن تقول لنا عن الرجال اللي دبغته في حراج السيارات وشو مسوي لك؟

هين ماتدري يامرعوب لاانه يحرج على قرنبعك ام عزيز ويقول عنها فكسار عاد ماتحملت شريطي الفطاحلة وصار اللي صار

متى آخر مرة اكلت عصفور وهو حي؟

اخرمررررررره طال عمرك يوم قلت لك في شارع الستين هد طيرك عليه ويسدحه على راس خزان عمارتكم

[الطائر المهاجر]

تهرب جميل من اجابة السؤال الثاني
ولكن ايضا تأكيد انه نضول ، يطلق صواريخه على اسرع الطيور ويطرحه
وهذه الموهبه التي خصه الله بها ، قد لاتتوفر إلا عند بعض اهل الشماسيه

وحتى افسح المجال للزملاء والزميلات
لي عوده