يا فلااااااااااح بن منشاااااااااااااااار

[عبدالله الشويمان]

السلام عليكم ورحمة الله وبركاته..
ابو محمد وش رايك على راحتنا وعلى فرغاتنا
مع هالطاروق((على فرغاتنا نبي نكسر قاعدة اللي يقولون شاب القاف))

وهذا البدع عساه يجوز لك

استلم طال عمرك

تعال وتعال أقرب بعد قرِّب اشويه=أنشِّدك يا النشمي عن المجمع اللي إن(فل)
ولاهي غريبه كون اخو يسأل اخيه=وش اللي حصل فلوا معازيبنا المح(فل)

[منصور السبيعي]

صح لسانك ياعبد الله


وصح لسان الشاعر فلاح مقدماً

[نجم الإبداع]

وعليكم السلام ورحمة الله وبركاته

ارحب يابو بدر

توي الي اشوف موضوعك

استلم لاهنت

هلا بك يبو بدر اشب الافلام مشويه=ونهديك زهرات الخزامى وجبت الفل
تعاليم تجري جرّة احبال مرخيه =وصوت الصدى لاجيت له بالهوى يجفل

[نجم الإبداع]

ارحب يامنصور

حضورك يشرفنا

لاعدمناك

[الطامي]

لاهانو شعرائنا العمالقه
انا اشجع
وياسلامي على الفل

[عبدالله الشويمان]

هلا ابو محمد

واستلم لا هنت

بدا ! اللي تشوفه واحدن فيه جنيه=تشيله وتخبط فيه من فوق الى اسفل
عن النوم مشغلته ولا غط موليه=هواوي يغار ولا تجاهل ولا تغفل

[عبدالله الشويمان]

صح بدنك يا اخ منصور السبيعي

و

صح بدنك يا اخ منصور المري


اشكركم على النتابعه ولا عليكم زود يا الغالين

[نجم الإبداع]

انا ماعرف اجامل ولو شفت حنيه=ولا لي من اهل العشق لو ثوبهم مرفل
ترى قدركم غالي ولا عنك مخفيه =الايميل سر المشكله والردى مقفل

[عبدالله الشويمان]

طيب طيب

استلم طال عمرك

اخاف ان كشفك للحقيقه حسن نيه=تحاسب عليها من مكاري ومن نوفل
وتراها اميتين اللي مع الرعد منسيه=كذا تفتح ابواب المقفل وانا أكفل

[نجم الإبداع]

انا خابرك ياصاحبي دون ضنيه=حشى مانت بين الخلق ياصاح متطفل
ولكن هذا الصدق بالروحه والجيه=اعرف الفروض وخابر الي بها تنفل