ماعاد تعرف صاحبك والقياطين

[نجم الإبداع]

الشهر عاد وهمنا مابعد راح=جرح العراق وجرحنا في فلسطين
الناس تشعر في عزاها والافراح=واحنا على القالات من عهد حطين
فينا انفصام ولانفع فيه جراح=نكذب علينا لاهل علمى مواطين
ياوقت مانته هيل لو كنت بالراح=الوقت ماهو عز دون السلاطين
يانهر دجله قل متى الهم ينزاح= يبكي الفرات وينتخي قاعه الطين
والقدس كم نادى وماجاه رماح=والباس فيما بين يعرب بشطين
بين الفضائيات نهوى التسداح = نسمع معازف واغنيات المناطين
صرنا غثاء بين المخاليق مراح=لابه هدف واضح وللفكر خطين
ان جالنا قيصر كسيناه الامداح=وان زارنا كسرى غدينا موطين
خلف البشر في كل فكره كالالواح=واحد يقل مالي وواحد سراطين
وواحد يغني في رفيقه ليا طاح= وواحد يطارد عنجهيه بقرطين
استغفر الله لاختلط جد بمزاح=ماعاد تعرف صاحبك والقياطين
فتنه عظيمه جات وافكار سواح =زاد الغلاء واهل الرباء بالقراطين
ماعاد نسمع بيننا طير صداح=ولا نرى غير الهراء والتراطين
يارب تصلح حالنا واهد الارواح=يالي بجودك كل خلقك محاطين
تمت وصلى الله على طيب فواح=محمد الهادي عدد ماحوى الطين

[ام العمده]

الشاعر القدير/فلاح ابن منشار

لانملك امام هذه الابداع إلا ان نقول
صح لسانك واعتلى شانك
لاهان راسك
جزله من شاعر جزل
بيض الله وجهك
دمت بهذا الابداع
وننتظر جديدك
تحياتي وتقديري

[مبروك بن ماضي]

الاخ النبيل / فلاح ابن منشار
لله درك على هذة الجزله الناصحه
نص شعري رائع عطر المتصفح بشذاه
ابيات قمه في الروعه والابداع
سلمت يداك شاعرنا القدير
سجل اعجابي القديم
وتفضل بقبول تحياتي ،

[الخنساء]

صح لسانك اخى الشاعر فلاح

لاهان راسك قصيدة رائعة

سلمت وسلم شعرك

دمت بخير

[عايض المقاطي]

صح لسانك مدد يا فلاح أبيات رائعه

[داعي الشوق]

يا سلام عليك يا فلاح

جميل ورائع هذا الهطول

تسلم يا فلاح وصح لسانك مدد بلا عدد

تحياتي وتقديري وإعجابي

،،،

[سعيد الصاعدي]

الاخ الفاضل / فلاح بن منشار
صح لسانك لاهنت
نص شعري راقي جدااااااااا
من شاعر متمكن
جميل جدا يافلاح تسلم ويسلم فكرك
تحياتي
أخــــــــــوك
س / ص

[محمد عبدالله البدراني]

العزيز الغالي فلاح بن منشار سمله الله


صح السانك وعلا شانك



تحياتي
مع اسمى ايات الشكر فائق التقدير واطيب المنى رعاك الاله

[الصريح العتيبي]

فتنه عظيمه جات وافكار سـواح
زاد الغلاء واهل الرباء بالقراطين

فلاح ابن منشار
هذا البيت يحكي الواقع الذي نعيشه حالياّ!
ابدعت ايها الشاعر الكريم
لافض فوك
تقبل مروري ودمت بخير

[الطائر المهاجر]

جزل ومبدع
صح لسانك
ولاهان راسك
تحيتي واحترامي