تزعـل قـوافي الشعر لا قلت بعدين

[الطائر المهاجر]

تزعـل قـوافي الشعر لا قلت بعدين = وتهـاجم التفكير بالحرب غاره
مـرٍّ تـوقّظني من النـوم لـو زين = ومرٍّ تـوقّفني بحمرا الاشـاره
والقى القـلم يركض ويذرف من العين = ويترجم لقلبي بصدق ومهاره
يطفـي لهيبٍ لاجي(ن) به من سنين = لو بعض وقت ويشعره بانحساره
ثمن يعـود ويشتعـل بعـد يـومين = وتبدى المعارك ليلهـا مع نهاره
وفي مـرةٍ والحـرب تاكل في الاثنين= وقف الحشى ينظر لذيك الشراره
مخلـوقةٍ لاهـي من النـار والطيـن= نـورٍ على نـورٍ ينـوّر مساره
الشمس خـدّه والقمـر تاه مسكيـن= لـو مالقى الغـرّه حري انتحاره
والمبسم اللـي شهـد ممزوج بالتيـن= لا واهني اللي رشف من سكاره
والرمش من فـوق الحوّر يرسل البين= لا واعـذاب اللي وقـع في مداره
هجّت عليـه البـاب بالعطف والليـن= لين استقرت واعلنت عن حصاره
قـالت تسلّم ، قـال وفـق القـوانين= قالت هو المهزوم يملي قـراره؟
سـلّم جميـع الجيش من غير تعييـن = وحتى الخرايط مع سلاح الاشاره
وتمشي معي ناصـل لـوادي المحبين = حتى نسجـل حبّنـا بالسفـاره
وقف القـلم وكتب على الخـط حرفين = ان كان حُبّ فركبه في الغماره
دقيت سلف الفكـر امشي على هـوين= قالت تعجّل ، قلت فيه الخساره
لابـدّ ما ناصـل ولـو بعـد قـرنين = الدرب واضح بين شوك وحجاره
قـالت يجينـا الليـل والناس حـذرين = ولا شوف عندك رخصةٍ واستماره
قلت اركدي نورك على الدرب نورين=وجلسي على كبـوت قلبي منـاره
ولا نيب طـالع لا شمــالٍ ولا يمين = ولا من وصلنا اكشحي بالانـاره
ولا صـار تفتيشٍ وذا الخـلق طفشين= دقّي سـلام برمش لاهـل الخفاره
وطـار العجـاج وطاربالكون طيرين= حبّي وانا والـوقت صعب اختياره
نبي الهـدف واثـره تحـول براكـين= في جوّ(ن) اغبر زايد بالحـراره
قـالت كفـايه انتهـى الحب ذالحيـن= فالحب ماهو في زمان الحضاره
واثر القـلم من خلفنـا يكتب السـين = ما به محبٍه في زمـان التجاره

[عنود الصيد]

والمبسم اللـي شهـد ممزوج بالتيـن= لا واهني اللي رشف من سكاره
والرمش من فـوق الحوّر يرسل البين= لا واعـذاب اللي وقـع في مداره


ههههه حلوة

[داعي الشوق]

تسلم والله يالطائر وصح لسانك

إمتاع وإبداع ليس له حدود

صح لسانك ،،،

[محمد عبدالله البدراني]

العزيز الغالي الطائر المهاجر سلمه الله

هلا والله وغلا يابو عبدالله

والف مليون صح السانك ولاهان راسك

استوقفني هذا الشطر كثيرا >>>> مابه محبه في زمان التجاره <<<<

شئ مؤسف ان تزدحم الاشياء بأعيننا فلا نرى الحب

فلسفة شاعر ربما تكن واقعه فعلا

فهل فعلا >>> مابه محبه في زمان التجاره >>> ربما نرى ذلك بوضوح
مع توالي الاحداث عاصفه تقتلع الحب ولايبقى سوى التجاره

وحقيقه ان الانسان بلا تجاره _ دراهم _ لن يجد للحب مكان ولن يجد من يحبه!!!


الف مليووووووووووووون صح السانك يادكتور

هذه تحياتي
مع اسمى ايات الشكر والامتنان فائق التقدير واطيب المنى رعاك الاله

[الأموره]

الله الله يا مهآجرنآ ..~

هطول جميل بجمآل كآتبه ..ْ

صح لسآنك ملايين ..~

سلمت و سلم فكرك ..~

ألف شكر لك ..~

دمت برعآية الخالق ..~

[بنت العز]

صح لسانك ولاهنت قصيده رائعه من شاعر اروع

[الطامي]

الطائر
ابيات نادرة جدا
لافض فوك استاذي
شكرا لك

[نفحات حساسة]

تسلم اخوى..وصح الله لسانك جزله من جزل
تحياتى..

[المورد]

شكرا لك
على الجهد الطيب
تحياتي

[خميس]

بارك الله فيك
كتبت فقرأت فاستفدنا
تحياتي واحترامي