((( يالليل هود لفانى بالهوى لافى)))

[منصور العبدالله]

هلا بكم

اعتذار بسيط عن انقطاعى

لعله يرتقى لمستوى اذواقكم

يالليل هود لفانى بالكرى لافى=خل الذوايب الين يبان شايبها
لا ترفع السود بدرى يابعد وافى=اترك بقايا النهار بشوق غايبها
وياضارب الطار قلبى يرجف ارجافى=اشعلت لليل المعنى من سبايبها
يا متلف الحال قلى كيف بستفافى=والنار بالحدب قد شبت شبايبها
يا طيف قله ترى ما قد جرى كافى=عكرت دنياى لين اسنت مشاربها
فى ما مضى بالهوى ما بيننا اخلافى=فى خمره العشق ما نسمع لتايبها
يروى بساتين قلبى نبعك الصافى=و يجاذب الوجد لاجله دوم يجذبها
مابين جفنك وظل اهدابك الظافى=ناخت مطايا القصيد و لا تعاتبها
سقت القوافى رهق لين التزم قافى=وش عذرها ون تمادت فى حبايبها
جالس على سيف عينك همى لحافى=والنوم عينى من همومى محاربها
اناجى السحر فيها مير ياكافى=تاخذنى امواج سحرك فى مغايبها
وايلا نويت ارتمى فى حظنها الدافى =عجزت اميز وش اللى من مصايبها
مع كسره الموج عزى طاح مجدافى =وايقنت موت العيون اللى تخز ابها
ان قلت اببعد وبترك كلش خلافى=يجذبنى الوجد لعيونك واقر ابها
وابرى حالى على لاماك يالوافى=ياوجد قلبى على دارا تعيش ابها
يابو ثمانا تلالا بيض وارهافى=ذى سكره الموت حلت من سبايبها
ان شان وقتى معك ما جا به انصافى=نذر وعلى الحلوف انى لخربها
واهى ترى خاربه من غير عسافى=لو عزت النفس ما ترخص مراكبها

[سناعيس]

سقت القوافى رهق لين التزم قافى
وش عذرها ون تمادت فى حبايبها

الله الله
شاعرنا منصور العبدالله
الحمدلله على السلامه
وصح لسانك ولله درك
على هذه الرائعه
لاهنت

تحياتي

[داعي الشوق]

صح لسااااااااااااااانك يالشاعر منصور

و الحمدلله على السلامه

قصيدة جزلة و جدا رائعة

كما هو حضورك دائما

صح لسانك مدد

ولاهنت

************

[حوريه]

عزف منفرد على وتر الأبداع
صح قلبك مدد
ودام نبضك
تقديري
0
0

[ابو أنس]

الفاضل منصور العبدالله.....................
حمدا لله على سلامتك
والنص كما تعودنا من حرفك وقلمك الراقي
راق في حبكه وسبكه ومعناه
طربت كثيرا كما هي العاده عندما أقرأ نصا لك
تحيتي وودي

[الراقي]

كتبت فأبدعت

وتألقت

بروعة قلمك و فكرك

صح لسانك

[الطامي]

منصور ال عبدالله
صح السانك ملايين
رائعة وطيبة
لاهنت اخي

[الـزلـزال]

منصور العبدالله

نص رائع ومميز وجميل
من شاعر متميز ورائع في كل مايقدمه لنا
أبدعت وأمتعت منصورنا اللميز العذب
دمت ودام لنا حرفك الرائع
صح لسانك ملايين ملايين
ولك فائق تحياتي وتقديري

[عمر ال شيبي]

كل غيبه وقصيده طيبه
صح لسانك لا هنت

[منيع]

نص راقي ومميز
تسلم اخي الكريم
تحياتي لكم