يــــــــــاخيّ

[فارس القوافي]

جيت اشتكي من وحدتي لاهب الكيّ = والصدر من حرّه كما النار كاوي
محروق انا بالبعد والشوق بي حيّ = مشتاق له والجمر فالقلب شاوي
ياحسرتي كان الجفا يسبق الضيّ = يامسرعه ذا الحب ضيّع هقاوي
راح الحبيب ومابقى في يدي شيّ = راح وتركني في حياتي خلاوي
ضامي وفي بعده ابي شربة الميّ = عطشان حبّه ليت يلطف وياوي
ترك بقلبي جرح ماشفت له زيّ = جرح ٍ عميق ومالنا من يداوي
كم قلت لك ياقلب عن حبّهم عيّ = ماطعتني ياقلب طحت امتساوي
ياويل حالي وين انا صرت ياخيّ = تايه وكلّي من فراقه بلاوي

[حوريه]

كـم قـلـت لــك ياقـلـب عــن حبّـهـم عــيّ
ماطـعـتـنـي يـاقـلــب طــحــت امـتــســاوي


رائعه ومعبره
فارس .. صح قلبك ودام حرفك
تحيتي لك وتقديري

[الطائر المهاجر]

لا فاتك البطيخ اشرب من المي = من يطرد الخفرات شاف البلاوي
العقل نعمه في زمن زاد بالغي= والقرش في جيبك صديق نحاوي
تلقاه في الشده اذا زل بك طي = وتشري على كيفك صدوقٍ وغاوي
لكن اظنك تجهل الشمس والفي= خلقك ربك في حياتك شقاوي

صح لسانك
ولاهنت
طيبة وجزلة
تحياتي

[سناعيس]

صح لسانك ولله درك ياخالد
على هذه الرائعه
بس عاد انتبه للطاير تراه رايح جاي مايخلي التلميح عن الضبان هههههه
شف وش يقول

لكن اظنك تجهل الشمس والفي= خلقك ربك في حياتك شقاوي

ههههههه
لاهنت

تحياتي

[حرف وشعر]

ياحسرتي كان الجفا يسبق الضـيّ
يامسرعه ذا الحب ضيّـع هقـاوي
راح الحبيب ومابقى في يدي شـيّ
راح وتركني في حياتـي خـلاوي
ضامي وفي بعده ابي شربة المـيّ
عطشان حبّه ليت يلطـف ويـاوي
الفارس


نص رااااااائع

[عبدالعزيز ابراهيم المنصور]

فارس القوافي
صح لسانك
سلمت ولاهنت
دمت بخير

[بنت النور]

كم قلت لك ياقلب عن حبّهم عـيّ
ماطعتني ياقلب طحـت امتسـاوي
ياويل حالي وين انا صرت ياخـيّ
تايه وكلّـي مـن فراقـه بـلاوي




صح لسانك وعلا شانك يعطيك الف عافيه

[عطر الياسمين]

صح الساانك

قصيده راائعه

و قافيه جميله

ابدعت

[عبدالعزيز العمار]

صح لسانك يافارس

أبدعت وأمتعت ولاهنت

نص جزل من شاعر جزل

تحياتي لك

[منيع]

ابيات ولااروع
تسلم يافارس
تحياتي لكم