ايها الزوج السعودي تفضل هنا

[بنت العز]

تنهد محمد بشدة و هو يقود السيارة و بجانبه زوجته .. وسألها ' شفتي ذيك اللبنانية اللي في المحل وشلون تحاكي الرجال اللي معها؟؟ تهقينه رجلها ولا مخاوتيه؟؟

ردت :إلا رجلها شايفته يوم يلبس الولد جزمته بعد ما قاس عليه البنطلون

.
تجاهل ملاحظتها بالنسبه للتلبيس و تسائل بغباء:
وشلون؟؟
وش قصدك ..وشلون؟؟
ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي.
وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك


أولا :لو أقول لك ياحبيبي في المحل (وطيت رجلي )..

ثانيا: الحريمه لابسه بنطلون جينز محكك ماشفت فيه أي بادرة شياكه..

و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...مهوب مثلك إن كانك ذاك اليوم رايق و ذابحتك الرومانسية قلت إذا قضيتوا تراي واقف برا أحتريكم..<~اليمه




ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح إطلاقا..ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا... [ حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون (جدة ) سعوديين و أفتخر بهم جميعا ]
إلا أن الشغلة فيها بجاحة..<~(طمع) شوي . لا والله مهوب شوي إلا ' بجاحة بلا حدود '

* أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.

صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هذي فوزية الدريع طول برنامجها وهي يا عيوني و ياعيوني ..' كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟


* تبي زوجتك تحترمك وتغنج لك و تقول لك سم ولبيه و انت ردك عليها "هآآآاه ؟؟بمعنى نعم " أو وش هنا ؟؟
أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان المرأة يقال لها 'سمي ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة << سمي >>






يا حليلك يالرجل السعودي عجيب وغريب و جرئ
*غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة سويس ارمي


*عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيف و شتاء تدير و تاكل و تنام في اللبس السعودي الرسمي فنيلة بيضاء نص كم و سروال سنة .. [043] ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن (هي تشتري مخفضة ليس تقليل من قيمتك و لكن لأن الأمل ضعيف في انك تلبسهم ) [059]

ياشباب!! ( الشياب توو ليت ماعاد فيه أمل يتعدلون ) أنا متاكدة أن مافيه أنثى بتقول لها ' حبيبتي' و ترد عليك بجفاف ..الأنثى معطاء جرب تعطيها حنان و بترد لك أكثر .

الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة ..أصلا طبيعة الأنثى غيور و بتجاريك في لبسك تلقائيا ياإما حتى ترتقي لمستواك أو عشان ما تعرس.

ومثل ما يقولون الأمريكان " إت تيكس تو"


ذكرت سالفة طريفة و هي سالفة النجدية << أم علي>> اللي جتها جلطة عندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا" ياهيش و يامره ".. و عندما سألوا أبو علي عن سبب التغيير المفاجئ ..أجاب :
بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني ..الله ياخذ الروح قبل المكروه




ارجو من شبابنا يتداركون الوقت ولا يبخلون بالكلام الزين والنظاااافه
بسكم عاااد سماااجه

[زهرة اللوتس]

ههههههههههههههههههههههههههه
بنت العز
يسلمووووووووووو

[الخنساء]

الأنثى معطاء جرب تعطيها حنان و بترد لك أكثر .

كلام واقعى ولكن كل اللوم علي الانثى

لاهنتى نقل رااااااااائع وهادف

[بنت العز]

لا والله اللوم غلى الزوج هو العله ودبلت التسيد
سلمتو حبيباتي
اسعدني مروركن العطر
يعطيكون العافيي

[زهرة اللوتس]

الأنوثة فــن .. والرجل يستطيع بذكائه أن يعـلم زوجـته هـذا الفـن ..
فـبعـض الرجال يتقن هذا الفـن..
وبعـض الرجال يدفع المرأة إلى أن تتخـلى عـن أنوثـتها وضعـفها وتتمرد عـلى الرجل لأنه استغـل حبها وضعـفها وأهانها بدلاً من أن يثني عـليها ..فتتحول بذلك المرأة للنقيض
وايضا.... الرجل الواثق من نفسه يستطيع أن يقود أقوى النساء ويحولها إلى كائن وديع يحـتاج منه فقط للمسة حـنان.

[منيع]

هههههههههه
عادات وتقاليد تختلف من بيئه لااخرى والا الكلمة الطيبة صدقة
تحياتي لكم

[حوريه]

هههههههههههههه
مدري متى بنخلص من بخل الرجل السعودي في الكلام الزين وانانيته
الله يفرجها
بنت العز فطست من الضحك
يعجني ردها عليه
تسلمين يا بعدهم

[داعي الشوق]

و الله الرجل السعودي ماهنا أطيب منه ولا أكرم منه

و الكلمة الحلوه تغير فيه حاجات كثيرة

و الكلمة الحلوة يرد عليها بكلام أحلا

و محتاج للحنان ،

( ومشكورين )

[نفحات حساسة]

تدرين...جايني ايميل لرجل سعودي

مسوي حفله بسيطه وهدايا ومجمل غرفه النوم.. ومفاجئ زوجته

اوما التعليق شئ.. كلهم يتحدون اذا هذا سعودي..واكيد انه ماخذ جنسيه..ومدري شنو

الوم يقع على الطرفين..لو اهمل طرف سوا بالاهتما والكلام العذب او التغنيج راح يهمل الطرف

الثاني..ةبعدها ماراح تكون عنده جراءه يقولها او الكبرياء ياخذه بمحمل الجد

فلو يشيل او يتنازل طرف منهم,,راح تلاحظ الطرف الثاني يلحقه باحسن منه

فهمتو..____> اعصابك يالبرفسوره

[عمر ال شيبي]

هههههههههههههههه
لله درك

حنا نقول يا بعد شبدي
يا رمش العين
يا زين الخد قلبي

يا حلوه الما

هههههههههههه
لا هنتي على الموضوع