محاورةشات فبراير20 الأربعاءالمري ×صنداح

الطامي · 20-02-2008, 02:16 PM

[سلام يا منصور ياراع العلوم الطيبات = الطيبة تصبح بها والطيبة تمسي بها(صنداح)
يامرحبا بك يامسلم واستلم واخذ وهات = الطيبه من طيبكم والغانمه تحري بها(المري)
اناليامني لقيت اهل الوافا علمٍ ثبات = اقدم الجزلة من الهاجوس واغنيبها(صنداح)
كلك على بعضك حلو يالله عساها للممات = وكل الهروج اللي تجي منك انا وديبها(المري)
ياصاحبي منصور لبس البشت اخير من العبات = والحيه ام اجنيب نعرفها ونعرف غيبها(صنداح)
صنداح كل اللي تقوله صح وعندي له اثبات = ومن عضه الهايش تروع من احبال اصحيبها(المري)
وان كان ياصنداح جاتك ماهرجنا بالشمات = الله يكافينا شرور اللي تعوي بشعيبها(المري)
كلامك احلى من حلى السكر وامر من الحصات = احيان تحذف لك عرب واحيان تحذفنيبها(صنداح)
انت التزم يالصاحبي وخلك على بيرك وبات = والقافله حذرى تقربها وش تبغي بها(المري)
حنا نشب النار ونسوي على الجمر الشوات = تصحي بها ولابعد يالقرم ماتصحيبها(صنداح)
الناس بالدنيا تحوس وتبترم تبغي المقات = لو هي لقت شي حرامٍ او حلال تصيبها(المري)
انته من ال مره مثل روس الجبال النايفات = مثل الجبال اللي ضعيف الحيل مايمشيبها(صنداح)
وانتو سوات اطويق شامخ ماتهزه زوبعات = ماهزكم عوية ذياب ينسمع طنيبها(المري)
ياللي من القبله تراسلني وتكتب فوق شات = ارسل علي اعلومك اللي دايم تهذري بها(المري)
اللي يبي عد الروى يارد على نهر الفرات = والطارفه الابد يالطيب يجيها ذيبها(صنداح)
اخذ صحيح الهرج وانت رجال من ثقات = من لايعدي عن احياضه خالطه شربيها(المري)
وابعد عن اللي صاح ماتدريبه من اي الصفات = كم من فزيع جاه لوم وصار هو طليبها(المري)
الوقت الاخر يارجل حط العيال مع البنات = ايام لاتامن مخالبها وتامن غيبها(صنداح)
صنداح هذا الوقت ماتفرق فيه الولد من البنات = قصدي العيال اللي لهم ساس الردى هو عيبها(المري)
والا العيال اللي بهم ورده وصدره والتفات = يحمون سمعتهم من الادناس ودروبهم ودي بها(المري)
منصوريامنصور انا ماقبل تجيك المايلات =من يمنا ماجاتكم ليه انت يوم تجيبها(صنداح)
اناشهد انك رجل كفو ومن رياجيلٍ ثاقات = وانصحك عن بعض الليال اسود لا تسريبها(صنداح)
الحر حرٍ لو نزل زيد ارتفع للعاليات = واللاش لاشٍ لو ارتفع ينزل ماهوب يجيبها(المري)
خلك على وضح النقا والوجه البيض هو المنات = مال العلوم الغانمه الا اسدها وذيبها(المري)
هذا الصحيح ليابغيت الصدق واللي فات مات = والكلمة اللي ماتشرفني ترى ماحكيبها(صنداح)
اصحابنا في منتدانا يصنعون الطايرات = يالله عسا بعض المصانع غشها يصيبها(صنداح)
اصحابنا بالمنتدى النا كما صافي المرات = نشوف فيها اعيوبنا وحنا نبين عيبها(المري)
والمصطفى بين عليه ازكى سلامي والصلات = المرء مراة لاخيه وينذر ان نوشيبها(المري)
اهل الشهامة غلقو والعلم عند الامهات = والعيب واضح في السنين العوج من ترتيبها(صنداح)
ماخليت الدنيا من الاجواد دام بها حيات= والا الا خليت خراب البين جعل ايصيبها(المري)
اصحابنا في المنتدى حازو على كل الصفات = تشرق كما شمس الضحى ونعرف وين مغيبها(صنداح)
مابذنا ياهل الوفاء غير المجنن والعصات = واهل البنادق لاتزهبها ولاترميبها(صنداح)
الله على الدنيا طبعها من السنين المرمسات = نوبٍ توديك القمر ونوبٍ وسط قليبها(المري)
يالقرم شاب القاف وانهينا بعد اخذه وهات = الله يكتب لك لاجر من شباب وشيبها(المري)
ياقاري اعرف ويش مضمون الكتابة والقرات= البنت مانعرف عن ابيها ولا خطيبها(صنداح)
ابشر بها من عندنا تطلع كما تبغي على ات = بعد التحري نضبط الصفحه مع ترتيبها(المري)