انهكتني جروح\منيع \والصبر \الشيبي

[عمر ال شيبي]

http://www.fatahilah.com/showthread.php?t=33423

انهكتني جروح الليالي ولاني بتوب=وين ماصار همي رحت ادور عليه
يازمان البلاوي عارف انك تعوب=هات من يقنع المبلي على مبتليـه
وهني الخلي الدالـه اللـي لعـوب=ماش شي يغثه ماعرف اه و ليـه
والمصايب حقيقه ماتدور طـروب=ماتبي غيـر حـر بالشقـا تبتليـه
عادة الغم مايقرب سفيـه كـذوب=شاته بقدم رجلة مثل ضربة بليـه
عاذلي خيط اشفاتك على كل صوب=اصمخ القلب عيا ماسمـع عاذليـه
اتركوني على حالي حزين ٍ اذوب=ويامساوي زماني الحشـا زلزليـه

صح لسانك لا هنت ابد


كان الله بالعون واستلم الكيبورديه هيضتني


الصبريا منيع ٍ

الصَّبر يا منيع ٍيا عريـب العـروب=داهية قلبك اللي من مصايب عليـه
والمراود دخيلـك للعيـون سكـوب=من خليط ٍ كحلها شوف خلْطٍ سليـه
لا تقول اتركوني حالكم من تعـوب=كيفنا من رحابك ما يخالف فِضليـه
والرّفاده سِعيه لك مهاوي القلـوب=فالسعاده قريبه تنهشك فـي حليـه
الهَاْ دوم السّعاوي صدرها والصعوب=في تلاق العُيوني ما دريـك البليـه
اوّل الأمر عِسره لا تِناوش لعـوب=والعذاري رحيبه ساعتـه التنبليـه
والزماني زمانك اربط الخيل جـوب=في رحاب الحسينه يا منيع اسبليـه
لا تدور برحال ٍ ما عليـك النحـوب=العياده فريحـه والهَواجـس زلِيـه

العياده = الزياره

تفضل طال عمرك ودام سعدك وعذرا على القصور

ياعمر ذللونـي وبلشتنـي الكـروب=كـم مرقـاب هـم ياعمـر معتليـه
صاحبك لوتشوفه من كثير الخطوب=ناحل يشرب العلقم معـى حنظليـه
الشقا والمصايب في ضلوعه تجـوب=نوخت بـه ولاهـو تـارك نازليـه
ضيعتني الليالي ولاعرفت الـدروب=يصرخ الوقت فيني للقهـر علعليـه
في مسيرة حياتي للبـلاوي قـروب=سدد الويل ضربة مثل لكمـة كليـه
السعادة نستنـي لاشمـال وجنـوب=كل مايممت وجهه حزنهـا ممتليـه
ياعمر جاك هرجي وانت رجل تنوب=البيـوت النـوادر قافهـا مذللـيـه

حياك لا هنت وابشر بعزك لا ندمت
ارمي علينا ولا يهمك فداك المجبور

واستلم

يا منيع السِوالم مـا تِعـدّي تِعـوب=فالك اللي يِِهون من رِفـاد َال لِلِيّـه
وشْرب المر ورْحِب من شِدايد رعوب=تالي الوقت تسعد والهوايـن سليّـه
لا بَديت الدعاوي في ظلال الرحـوب=ربّ ِ للكون جاره في ليـال ٍ حليّـه
ما يشوفك إناسن ٍ والسعاوي تنـوب=أعْنِ بيها عَنانك والرِجا بـه خِليّـه
تلقَ نفسك رحيبه والمساوي تتـوب=فطمئن السلامه فـي دروبـك مليّـه
وقرا ذات الكبيره في أَخرها عـذوب=مع فِعال استخاره بين ديـن الوليّـه
واحمد الله كثيـره بالغفـاره قلـوب=غافر الذنب فطلب لا تشاكـي بليّـه

[الطامي]

صح السانتكم
مساجلات طيبة جدا
شكرا للجميع

[عمر ال شيبي]

المشاركة الأصلية كتبت بواسطة الطامي

صح السانتكم
مساجلات طيبة جدا
شكرا للجميع

سلمت لا هنت وصح قلب شاعرنا
الملهم

[عزيزه العزيزه]

الله عليكم يا شعراء مبدعين صحت السنتكم وقلوبكم

[حمود السكراني]

صحت السنتكم صوت


وصدى رائع سلمتم

[عمر ال شيبي]

المشاركة الأصلية كتبت بواسطة عزيزه العزيزه

الله عليكم يا شعراء مبدعين صحت السنتكم وقلوبكم

اهلا هلابك اخت العرب بنت بلاد المليون شهيد

[نفحات حساسة]

يعطيكم العافيه..

وصحت السنتكم..ولاهنتووو..

[حي الضمير]

صح السنتكم
ابدعتوا وبيض الله وجيهكم

[شمس المحبة]

صح السنتكم محاورة رااااااااقية ومعبرة لابعد حد
شكرا لكم ايها الشعار الكبار على هكذا شعر حي
تحياتي وتقديري للجميع

[الخنساء]

صحت السنتكم صوت وصدى

لاهنتوووووا ودام حرفك