غــدر الــذيب

[محمد بن عمار]

السلام عليكم ...
كيبوردية على عجل
بسبب شخص لااستحى من الله
ولا من الناس ولا من نفسه ...
وصحيح .عفـّوا تعف نساءكم ...!

غــدر الــذيب

يابنت غدر الذيب لا حت مواريه = بالك من انيابه تحطك عراشي
ترى الضواري صيدها ماتخليه = وتاكل بعض لاصار مابه مواشي
وربيع قلبك لاتدوسه مواطيه = وانتي شباب وتوّ عودك هشاشي
يهيف زرع ٍ في ضميرك زرعتيه = وتيبس غصونه لين تصبح نشاشي
يعطيك بالأوهام قصر ٍ معليّه = وتلقين دينه وصل ضعف المعاشي
يابنت قلبك كان له شف رديه = مادامت مزون السحب بالمناشي
ماينفع المحتاج نفس ٍ تمنيه = وما ينقذ الغرقان كثر الطفاشي
السيل يجرف كل شيء ٍ يوافيه = لوهو بدأ بأول نزوله رشاشي
وحذراك من بعض البشر لا لقيتيه = لايآخذك منه الحياء بإنكماشي
ترى بعضهم لا لقى من يحاكيه = قام ا يتردد مثل شغل الدباشي
ما هوب الاول من عداد المسافيه = كم واحد ٍ مثله بهالدرب ماشي
لا وآحسايف قولة ٍ الفحل فيه = وهو خليط ٍ للنعج والكباشي
لاهو بكفو ٍ للرجا جيل تنخيه = مثله وشكله احذريه وتحاشي
ودرب الهوى لا يخدعك ان وطيتيه = دربه خفات ٍ هش . كله خشاشي
وكسر القزازة مايفيد الجبر فيه = وما ينترقـّع مثل شق القماشي

محمد بن عمار

[عدنان كريزم]

هلا والله ابو عمار


نص ثقيل جدا من ناحية موضوعه


جزله يالغلا


لا هنت

[الطائر المهاجر]

وكسر القزازة مايفيد الجبـر فيـه
وما ينترقّع مثـل شـق القماشـي

الله الله .... احسنت ..احسنت
نعم ....كسر القزازة ما ينجبر
وعلى كل فناة ان تكون حذره
من الحصاني إن ارادت السلامه
صح لسانك مليار
وبيض الله وجهك
ولاهان راسك
تحياتي القلبيه

[زهرة اللوتس]

ترى الضواري صيدهـا ماتخليـه
وتاكل بعض لاصار مابه مواشـي

وربيع قلبـك لاتدوسـه مواطيـه
وانتي شباب وتوّ عودك هشاشـي

يهيف زرع ٍ في ضميرك زرعتيـه
وتيبس غصونه لين تصبح نشاشي


عز الله انك صادق
باسقة تنطق بالحكمة
من شاعر مبدع
ماشاءلله تبارك الرحمن
سلمت وسلم فكرك
جزلة من شاعر جزل
ولك مني
اطيب تحية

زهرة

[الأموره]

شآعر المشـآعر ...~

قصيده رائعه ..~

بهآ درر ..~

تبارك الرحمن ..~

صح لسانك ملايين ...~

سلمت و سلم فكرك ..~

ألف شكر لك ..~

دمت برعاية الخالق ..~

[ام العمده]

شاعر المشاااعر

صح لسانك واعتلا شانك

لاهان راسك

رائعه من روائعك

كتبت فأبدعت

دمت متألق

تحياتي وتقديري

شاعر المشااعر

قلت واجزلت

قصيده راااائعه قرأتهاا مراارا

قصيده تهم كل فتااة واعيه

بيض الله وجهك

وجزاك الله خير

وصح صح صح الساانك مليووون

لا هنت

موج القصيد

[الطامي]

بن عمار
صح السانك وبنانك
هادفة وطيبه
لاهنت اخي

[ناصر عبيد الهواوي]

ابن عمار الله يحفظك ويكتب لك الثواب
عن معلقة وافية من جميع الوجوه
اكبر فيك هالغيرة على اخواتك
وهذ من شيم العرب في الجاهلية
واكده الاسلام تسلم والله ياشاعر المشاعر

[سناعيس]

الله الله
صح لسانك يابن عمار
اجتماعية رائعه
كعادتك جزل وحكيم
لاهنت
تحياتي